Ẹzra 9:1 - Ika

¹ Hụn ihiẹn ndịnị gihụ mẹgụ, ndị-ndu ndị Ju nọ bịa d'e kunrun m, sị, “Ndị Izrẹlụ ẹnyi edọnmẹkwọnị enwẹn wẹ ichẹn, wẹ lẹ ndị nchụn-ẹjan lẹ ndị Livaị, wẹ rị e sọn ndị alị ndị ọzọ e mẹ arụ wẹ: kẹ ndị Kenaanị kẹ ndị Hẹti kẹ ndị Pẹrẹzi kẹ ndị Jebusu kẹ ndị Amọnụ kẹ ndị Mụabụ kẹ ndị Ijiptu kẹ ndị Amọ.

Ẹzra 9:1 ပူးပေါင်းရင်းမြစ်များ

Jẹnẹsisi 15:16

O ru agbọ nke ẹnọ, a lụakinhẹn wẹ ebeni, makẹni njọ ndị Amọ, ndị alịnị, eke jun mkpu.”

Ndị-nze Nke Ibuzọ 11:1

Ikpoho ndị alị ọzọ wẹ lẹ eze wụ Solomọnụ gba a sụọ bu ọda cheni nwa Fẹro eze Ijiptu: kẹ ikpoho Mụabụ kẹ ikpoho Amọnụ kẹ ikpoho Ẹdọm kẹ ikpoho Sidọnụ kẹ ikpoho Hẹti.

Ihiẹn Mẹni Nke Ẹbụọ 33:2

O mẹ ihiẹn rịlẹni mma ẹnya Osolobuẹ, mẹsọnmẹ arụ ndị ahụn alị ndị Osolobuẹ chụpụ webanhan ndị Izrẹlụ mẹ.

Ihiẹn Mẹni Nke Ẹbụọ 8:7

Ndị ile wụlẹni ndị Izrẹlụ, ndị ahụn họdụ imẹ ndị Hẹti, ndị Amọ, ndị Pẹrẹzi, ndị Hivu lẹ ndị Jebusu,

Ẹzra 10:2

Ya Shẹkania nwa Jehiẹlụ, onyẹ ikpụlọ Ẹlam nọ sị Ẹzra, “Ẹnyi a paọlẹ oku Chuku ẹnyi nke-esi ebe ẹnyi nọ lụrụ ikpoho ndị alị ọzọ fihunmẹni ẹnyi. Kanị, n'ọ rịghọnị Izrẹlụ mma.

Ẹzra 10:8

nị onyẹ bịalẹni d'e ru akp'ọhịn ẹtọ a napụ w'a ukuu ẹ — nị ịya kẹ ndị-isi lẹ ndị-ichẹn ku, a chụpụ w'a imẹ igunrun ndị Juda lụaha ebe wẹ kpụnjẹn wẹ.

Nehemiah 13:23

Ogẹn hụ, m nọzị hụn ndị Ju hụn lụ ikpoho obodo Ash'dọdụ alị Filistia lẹ ikpoho alị Amọnụ lẹ alị Mụabụ.

Nehemiah 4:3

Tobaya onyẹ Amọnụ hụn ya lẹ ịya rị hụ a sị, “Ihiẹn nwẹn wẹ rị a tụn, ufu mmaka nyinrin ẹ hụ, o tikpọpụ mgbọn hụ wẹ sị wẹ rị e gi ọmụma a tụn!”

Nehemiah 4:7

Kanị, ogẹn Sanbalatị lẹ Tobaya lẹ ndị Arabụ lẹ ndị Amọnụ lẹ ndị Ash'dọdụ gi nụ nị ẹnyi hụkwọ e dọnzi mgbọn Jerusalẹm hụ, nị ẹnyi hụ a tụnkinsọnmẹ oghe rịn'a, iwe nọ we wẹ ọda-ọda.

Nehemiah 9:2

Ndị wụ ndị Izrẹlụ kẹti-kẹti e wepụgụọlẹ enwẹn wẹ ebe ndị alị ọzọ ile rị. Ya wẹ nọ nọ ebe wẹ wuzo kupụha njọ wẹ lẹ njọ ndị nẹdi wẹ kanị.

Ẹbụ-ọma 106:35

Kama, e sọn wẹ alị ndị ahụn e mẹgbama, mụnarịn wẹ ihiẹn wẹ e mẹ.

Ọpụpụ 13:5

“Ogẹn Osolobuẹ k'e gi webanhan ụnụ alị ndị Kenaanị, ndị Hẹti, ndị Amọ, ndị Hivu lẹ ndị Jebusu, alị ahụn o kun enwẹn ẹ kwe ndị nẹdi ụnụ nkwa n'o sikọ d'e ye ụnụ ya, alị hụn mirin-ẹran lẹ mirin-ẹnwụn jun, e hu kẹ mirin, e gi ni ifọnni e mẹ mmẹmmẹni ahụa-ahụa.

Ọpụpụ 23:23

Mmọn-ozi m k'e burun'i ụzọ, duban ị alị ndị Amọ, ndị Hẹti, ndị Pẹrẹzi, ndị Kenaanị, ndị Hivu lẹ ndị Jebusu; m k'e kpọnchanpụ wẹ.

Ọpụpụ 33:16

Nanị kẹ w'a dọn marịn nị ihiẹn mmẹ lẹ ndị nke i a sụọghọ ị mmanị yụ lẹ enwẹn i sọnjẹn ẹnyi? Kị mmẹ lẹ ndị nke i gizi nwan rị ichẹn ebe ndị ọzọ ile rị enu-ụwa rị?”

Azaya 52:11

Gha nị ebẹhụ pụ! Gha nị Babilọnụ pụ! Emẹtụkwọlẹ ni ihiẹn ọwụlẹ rụnị ẹka! Pụha nị ebẹhụ, dọnmẹ ni enwẹn ụnụ ụchan — ụnụ ndị e bu ihiẹn-nsọ Osolobuẹ.

Jerimaya 26:10

Ogẹn ịhaịmẹ alị Juda gi nụ ihiẹn rị e mẹni, wẹ nọ gha ebe wẹ rị imẹ obi-eze shi ụlọ-nsọ ebẹhụ. Wẹ nọ zu Ọnụ-mgbọn Ọhụn hụn rị Ụlọ-nsọ Osolobuẹ.

Jerimaya 26:16

Ya kẹ ịhaịmẹ lẹ ndị ile rị ebẹhụ nọ sị ndị nchụn-ẹjan lẹ ndị-amụma, “Okẹnnyẹni efuruni w'a ma ikpe-ọnwụn! Makẹni Osolobuẹ wụ Chuku ẹnyi ya zi ẹ ozini o zi ẹnyi.”

Lẹvitikọsụ 18:3

Emẹkwọlẹ ni kẹ w'e mẹ imẹ alị Ijiptu, hụn ụnụ te bi; emẹzikwọlẹ ni kẹ w'e mẹ imẹ alị Kenaanị hụn m wekọ ọnụ — elerilẹ ni wẹ.

Malakaị 2:11

Ndị Juda rị e gi ntụ e fe Osolobuẹ; ịhịan rị e mẹ arụ imẹ Izrẹlụ ile lẹ imẹ Jerusalẹm! Ndị alị Juda hụ e mẹrụ Ụlọ-nsọ Osolobuẹ hụn a sụọ Osolobuẹ ụsụọ, a lụ ikpoho alị ọzọ e fe mmọn wụlẹni Osolobuẹ!

Ọgụngụn 23:9

“M rị ugu ndịnị mẹ ọmụma-ọmụma e legha wẹ; m rị ebeni jẹn elu e lecheni wẹ. M rị a hụn ndị nọdị nke wẹ, ndị sị nị wẹ lẹ alị ndị ọzọ ẹlẹ ohu.

Ọgụngụn 25:6

Ogẹn ahụn hụra, onyẹ Izrẹlụ ohu nọ webanhan okpoho onyẹ Midianị iwe wẹ idẹnya Mozizi lẹ igunrun ndị Izrẹlụ ile ebe wẹ ile rị Ọnụ-mgbọn Ọdụ-ozuzu a kwan.

Ditrọnọmi 18:9

Ụnụ ban alị ahụn Osolobuẹ wụ Chuku ụnụ rị e ye ụnụ, elerikwọlẹ ni arụ ndị ahụn alị ndị rị ebahụn rị e mẹ:

Ditrọnọmi 23:8

Ụmụ-ụmụ wẹ lẹ ndị sọnni wẹ nwọn ikẹn banyeni ndị nke Osolobuẹ.

Ditrọnọmi 7:1

Osolobuẹ wụ Chuku ụnụ webangụ ụnụ alị ahụn ụnụ bankọ d'e weri, chụpụgụnị ụnụ ndị alị bu ọda: ndị Hẹti, ndị Gẹgashị, ndị Amọ, ndị Kenaanị, ndị Pẹrẹzi, ndị Hivu lẹ ndị Jebusu, alị ẹsa ka ụnụ ọda, ka ụnụ ikẹn,

Joshụa 23:12

“Kanị ụnụ makwọ ama gbehutọ, bannị ndị alị ndịnị họdụ imẹ igunrun ụnụ, ụnụ lẹ wẹ a lụtarịma di lẹ nwunyẹ, mẹkọma,