Ẹzra 8:22 - Ika

²² Ifẹnrẹn anịnị m sị eze ye ẹnyi ndị-agha lẹ ndị gi ẹshin a lụ agha k'e che ẹnyi nche ụzọ makẹ ndị-iṅẹnrẹn rị ụzọ, makẹni ẹnyi a gwagụọ eze nị Chuku ẹnyi rị onyẹ gi ẹ e dọn ẹnya azụụn, kanị o gi okẹn ọnụma e sọn ndị ile gbakitọ a azụụn.

Ẹzra 8:22 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Ẹzra 7:28

hụn mẹtụnị m eze lẹ ịhaịmẹ ẹ lẹ ndị-isi ẹ ẹka obi. Ndụn ban m ọhụnma-ọhụnma makẹni Osolobuẹ wụ Chuku m nọyeni m anọyeni, ya m nọ kpọkikomẹ ndị-isi Izrẹlụ hụn jẹnkọ d'e sọn m la Jerusalẹm.

Ẹzra 7:6

Okẹnnyẹni wụ Ẹzra gha Babilọnụ bịa Jerusalẹm. Onyẹ-nkuzi Iwu Mozizi rọ, hụn marịn Iwu Mozizi ru alị — Iwu hụn Osolobuẹ wụ Chuku Izrẹlụ ye. Eze Pẹshịa e yegụọ a ihiẹn ile ọ rịọ a n'o d'a bịa Jerusalẹm, makẹni Osolobuẹ wụ Chuku ẹ nọyen'ẹ.

Ẹzra 7:9

Ụhụọhịn ibuzọ imẹ ifọn ibuzọ k'ọ gha Babilọnụ buli, ọ nọ ru Jerusalẹm ụhụọhịn ibuzọ imẹ ifọn nke isẹn, makẹni Chuku yen'ẹ ẹka ọda-ọda.

Ẹzra 8:31

Nke akpọhịn mmẹbụọ imẹ ifọn ibuzọ, ẹnyi nọ gha Ote-mirin Ahava hụ buli, jẹnmẹ Jerusalẹm. Chuku ẹnyi nọyeni ẹnyi anọyeni, o chemẹ ẹnyi, onwọnni ihiẹn ndị-iṅẹnrẹn mọbụ ndị ohin mẹ ẹnyi ụzọ.

Nehemiah 2:9

Ya kẹ m nọ buli, yekọ ndị gọvanọ rịsọnmẹ Ẹgbẹrẹ Nfetu Iyi-Yufretisi ẹkụkwọ-ozi ndị hụ eze ye m ye wẹ. Eze e yegụọzị m ndị isi-agha lẹ ndị-agha e gi ụgbọ-ẹshin a lụ agha.

Ẹbụ-ọma 20:8

Wẹ k'a sọhị, dan, ẹnyi nwẹn k'e lihi, turu ọhụnma-ọhụnma.

Ẹbụ-ọma 34:22

Osolobuẹ a gbapụha idibo ẹ; onwọnni onyẹ gbaburun'ẹ ikpe k'a ma.

Ẹbụ-ọma 90:11

Onyẹ k'a s'ẹka marịnchanrịn kẹ olulu i zehan? Kẹ ọnụma ị han kẹ wẹ gi a tụ egun i.

Ẹkwan 3:25

Osolobuẹ e mẹyekẹni ndị gi ẹ dọn ẹnya — onyẹ ọwụlẹ hụn a chọ uche ẹ;

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 9:15

Kanị, adọtuni m kaka akpụ ihiẹn ohu imẹ ihiẹn ndịnị ile runi m. Ẹlẹ m rịdẹ nwan e de ihiẹnni nị ụnụ mẹni m wẹ. Ọ kadẹ m mma nị m nwụnhụn anwụnhụn karị nị ịhịan a napụ m ihiẹnni m gi a nyan isi.

Ndị Kọrẹntị Nke Ẹbụọ 7:14

Ẹghẹẹ, ụnụ anịnị ifẹnrẹn mẹ m m gi gi ụnụ nyan isi ebe ọ rị. Isi ẹnyi nyan ebe Taịtọsụ rị e mẹgụọ nwan ezioku nọkẹ kẹ ihiẹn ile ẹnyi gwa ụnụ mbụ dọn wụrụ ezioku.

Hibru 10:38

Kanị, okukwe kẹ onyẹ ezi-omumẹ m k'e gi e bi. O seri isi ẹ, ihiẹn ẹ asụọkọ m.”

Joshụa 22:16

“Ndị nke Osolobuẹ ile sị, ‘Kị wụ orireni ụnụ rị e re Osolobuẹ Izrẹlụ? Nanị ụnụ dọn nwan gbakitọ Osolobuẹ azụụn, rụnrụn ukpo nchụn-ẹjan gi nupụ isi okpuru Osolobuẹ?

Joshụa 23:16

Ụnụ latọ Iwu Osolobuẹ wụ Chuku ụnụ gi kwọngbama ụnụ lẹ ya, Iwu ọ sị ụnụ dọnmẹ, jẹn d'e femẹ mmọn-lẹ-iyi, kpọmanị wẹ isi alị, Osolobuẹ sikọ d'e gi olulu ẹ rị a dụn kẹ ọkụn sọn ụnụ, ụnụ a la iwi ozigbo-ozigbo imẹ alị-ọma hụ o ye ụnụ.”

Pita Ibuzọ 3:12

Makẹni, ẹnya rị mma kẹ Di-nwọnni-ẹnyi e lee ndị e mẹ ihiẹn ọ chọ, ntịn a rịzịkwọ ekpere wẹ. Kanị, eje-ẹnya k'o lee ndị e mẹ eje-ihiẹn.”