Ẹzra 8:21 - Ika

²¹ Ebẹhụ ẹnyi rị ẹhụ Ote-mirin Ahava, m nọ kpọye ibu-ọnụ, kẹni ẹnyi welụa enwẹn ẹnyi alị ihun Chuku ẹnyi, rịọ a n'o ye ẹnyi lẹ ụmụ ẹnyi lẹ ihiẹn ẹnyi ijẹn-ẹwẹrẹ.

Ẹzra 8:21 ပူးပေါင်းရင်းမြစ်များ

Ihiẹn Mẹni Nke Ẹbụọ 20:3

Obi a nahịn Jehoshẹfatị, ọ nọ sị o k'a rịọ Osolobuẹ. Ọ nọ sị ndị Juda ile bu ọnụ.

Ihiẹn Mẹni Nke Ẹbụọ 20:4

Ndị Juda nọ zu d'a rịọ Osolobuẹ n'o yeni wẹ ẹka: eziẹ wẹ ghasọnmẹ obodo ile rị Juda bịa d'a rịọ Osolobuẹ.

Ẹzra 8:15

Mkpẹnrẹn ote-mirin hụ shikọ Ahava kẹ m kpọkikomẹ ndị ahụn ogẹn hụ, ẹnyi nọ nọdị ebẹhụ akpọhịn ẹtọ. Ogẹn m gi lele ndị hụ lẹ ndị nchụn-ẹjan rị imẹ wẹ, ahụnnị m ndị Livaị.

Ẹzra 8:31

Nke akpọhịn mmẹbụọ imẹ ifọn ibuzọ, ẹnyi nọ gha Ote-mirin Ahava hụ buli, jẹnmẹ Jerusalẹm. Chuku ẹnyi nọyeni ẹnyi anọyeni, o chemẹ ẹnyi, onwọnni ihiẹn ndị-iṅẹnrẹn mọbụ ndị ohin mẹ ẹnyi ụzọ.

Nehemiah 9:1

Nke akpọhịn ẹnọ kwasị ọgụn imẹ ifọn hụ, ndị Izrẹlụ nọ zu. Wẹ rị e bu ọnụ, wẹ yisọnmẹ ẹkwa ahịọ ndị eje-ihiẹn mẹ, kpọn uzunzun yesọnmẹ isi.

Ẹsta 4:16

“Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Ẹbụ-ọma 137:1

Mkpẹnrẹn iyi rị Babilọnụ kẹ ẹnyi nọdị alị a kwan ẹkwan, ogẹn ẹnyi gi nyanhan obodo Zayọnụ.

Ẹbụ-ọma 5:8

Dodo Osolobuẹ, gi ezi-omumẹ i du m makẹ ndị-iṅẹnrẹn m; mẹ ụzọ ị riẹnni m.

Ẹbụ-ọma 5:9

Ezioku arị wẹ ọnụ; ntikpọ-ntikpọ rị wẹ obi; ili rị oghe kẹ ẹkpịrị wẹ wụ — ire wẹ wụ ndufie-ndufie!

Ẹbụ-ọma 8:2

Y'e bugụọ ẹbụ ọghọ ị che ọnụ ụmụ-ẹka lẹ ndị rị a ra ẹran — makẹ ufiri ndị-iṅẹnrẹn i, n'i gi ẹ kpukin eṅẹnrẹn lẹ onyẹ-mmẹgwarị ọnụ.

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 58:3

Wẹ hụ a sị, “Kị ẹnyi budẹni nwan ọnụ bụ onwọnni ihiẹn i kpọ a? Kị ẹnyi wetuni nwan enwẹn ẹnyi alị, bụ y'e feyedẹni ẹnya?” Kanị ụnụ gha e bu ọnụ ụnụ hụzị e mẹsọnmẹ ihiẹn gụnnị ụnụ, e mẹgbu ndị a rụnnị ụnụ ọrụn.

Azaya 58:5

Ọnwan wụ ụdị ọnụ m sị ụnụ e bu? Ụhụọhịn ịhịan gihụ e ye enwẹn ẹ afụnfụn sụọ rọ? Ụhụọhịn wẹ gihụ e bu ihun a kọma alị kẹ achara lẹ iyihụ ẹkwa-achọ lekẹ onyẹ ihiẹn mẹ, e dinẹ ikpọn ntụn? Ọhụn kẹ ụnụ a kpọ ibu-ọnụ — ụhụọhịn ibu-ọnụ hụn rị mma ẹnya Osolobuẹ?

Jerimaya 10:23

Osolobuẹ, a marịnghọ m nị ẹlẹ ịhịan nwọn enwẹn ẹ; ẹlẹ ịhịan e ku ebe o k'e jẹn.

Jerimaya 42:3

Rịọ Osolobuẹ wụ Chuku i n'ọ gwa ẹnyi ebe ẹnyi jẹnkọ d'e jẹn lẹ ihiẹn ẹnyi jẹnkọ d'e mẹ.”

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Juwẹlụ 1:14

Sị nị ịhịan ile bu ọnụ; zu ni ọgwa rị nsọ! Kpọgbama nị ndị-isi lẹ ịhịan ile bi alị; wẹ zu Ụlọ-nsọ Osolobuẹ wụ Chuku ụnụ d'a kwanghọsị Osolobuẹ.

Lẹvitikọsụ 16:29

“Lee ni ihiẹn ụnụ k'a gha e mẹ jẹnrin ejẹn: nke akp'ọhịn iri imẹ ifọn nke ẹsa, ụnụ k'e bu ọnụ; ụnụ arụnkọ ọrụn ọwụlẹ — kẹ nwa-di-alị kẹ abịamabịa rị imẹ igunrun ọnụ,

Lẹvitikọsụ 16:31

Ụhụọhịn izu-ikẹn ụnụ k'e gi a latọ ọrụn rọ; ụnụ k'e bu ọnụ; ihiẹn ụnụ k'e mẹsọnmẹ jẹnrin ejẹn rọ.

Lẹvitikọsụ 23:29

Onyẹ ọwụlẹ bulẹni ọnụ ụhụọhịn hụ, e gbupụ w'a imẹ ndị nke ẹ;

Jona 3:5

Ya ndị Ninivẹ nọ kweri ozi Osolobuẹ. Wẹ nọ kpọye ibu-ọnụ. Kẹ ndị-uku kẹ ndị-nta, ịhịan ile nọ yiri ẹkwa achọ wẹ gi a kwan ụya.

Jona 3:7

Ya ọ nọ zi wẹ d'a hịnị ndị Ninivẹ ya, sị: “Ọnwan wụ uhi eze lẹ ịhaịmẹ: onwọnni onyẹ k'e ri ihiẹn ọwụlẹ; kẹ ịhịan kẹ anụmanụ, kẹ ewu kẹ efin kẹ atụnrụn — w'e bulẹ ihiẹn ọwụlẹ che ọnụ: w'e rilẹ; w'a ralẹ!!

Ọgụngụn 14:3

Kị Osolobuẹ wẹhẹdẹni ẹnyi nwan alịnị nị wẹ gi agha gbupụ ẹnyi — kịrị inyẹnmẹ ẹnyi lẹ ụmụ ẹnyi. Ọ kanị mma nị ẹnyi lakin alị Ijiptu?”

Ọgụngụn 14:31

O mẹ nke ụmụ ụnụ, hụn ụnụ sị wẹ k'e mẹri ụnụ agha narịn ụnụ wẹ, m k'e webanhan wẹ d'e ri erere alị ahụn ụnụ jụ.

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ndị Han Eṅẹn 20:26

Ya ndị Izrẹlụ nọ shi Bẹtẹlụ, wẹ ile. Wẹ nọ gwọrị alị ebẹhụ ihun Osolobuẹ, a kwan ẹkwan; e bu wẹ ọnụ ụhụọhịn ahụn d'e ru ẹnyasị; a chụnyeni wẹ Osolobuẹ ẹjan: kẹ ndị wẹ dụn ọkụn kẹ ẹjan-ekele.

Samuẹlụ Nke Ibuzọ 7:6

E zu wẹ imẹ Mizpa ebahụn, wẹ nọ dọrị mirin huye ihun Osolobuẹ; e bu wẹ ọnụ ụhụọhịn ahụn, e kupụha wẹ njọ wẹ, sị, “Ẹnyi e mẹgụọ Osolobuẹ njọ.” Samuẹlụ wụ onyẹ du Izrẹlụ imẹ Mizpa ebẹhụ.