Ẹzra 7:6 - Ika

⁶ Okẹnnyẹni wụ Ẹzra gha Babilọnụ bịa Jerusalẹm. Onyẹ-nkuzi Iwu Mozizi rọ, hụn marịn Iwu Mozizi ru alị — Iwu hụn Osolobuẹ wụ Chuku Izrẹlụ ye. Eze Pẹshịa e yegụọ a ihiẹn ile ọ rịọ a n'o d'a bịa Jerusalẹm, makẹni Osolobuẹ wụ Chuku ẹ nọyen'ẹ.

Ẹzra 7:6 ပူးပေါင်းရင်းမြစ်များ

Jẹnẹsisi 32:28

Ọ nọ sị a, “Ẹfan ị ẹlẹzi Jekọpụ, kanị Izrẹlụ — makẹni y'e sọngụọ Osolobuẹ lẹ ịhịan zụọ, ọ ghan'ị.”

Ẹzra 5:5

Kanị ẹnya Chuku ndị Ju rị ebe ndị-isi ndị Ju rị, akụsịnị wẹ wẹ, makẹni gọvanọ sikọ d'e bu ụzọ zigụ ozi jẹnni eze Pẹshịa wụ Dariọsụ, ọ zakịngụ wẹ wẹ kebe marịn ihiẹn o ku.

Ẹzra 6:22

Wẹ nọ gi ịghọghọ mẹ Mmẹmmẹ Brẹdi Yisti rịlẹni — ọrọgbọ akp'ọhịn ẹsa hụ wẹ gi e mẹ ẹ, makẹni Osolobuẹ e mẹgụọ ịghọghọ jun wẹ obi ebe ọ nọ mẹtụnị wẹ eze Asiria ẹka obi hụn o gi yeni wẹ ẹka rụn ihiẹn wẹ rụn imẹ Ụlọ Chuku, Chuku Izrẹlụ.

Ẹzra 7:21

Mmẹ, Atazẹzẹsi hụn wụ eze, rị nwan a sị ndị ihaza ile e kwọndọn ẹkpa eze Ẹgbẹrẹ Nfetu Iyi-Yufretisi wẹ weru ẹnya alị yechanrịn onyẹ nchụn-ẹjan wụ Ẹzra hụn wụ onyẹ-nkuzi Iwu Chuku elu-igwee ihiẹn ọwụlẹ o k'a sị ụnụ ye ẹ —

Ẹzra 7:28

hụn mẹtụnị m eze lẹ ịhaịmẹ ẹ lẹ ndị-isi ẹ ẹka obi. Ndụn ban m ọhụnma-ọhụnma makẹni Osolobuẹ wụ Chuku m nọyeni m anọyeni, ya m nọ kpọkikomẹ ndị-isi Izrẹlụ hụn jẹnkọ d'e sọn m la Jerusalẹm.

Ẹzra 7:5

nwa Abishụa nwa Finẹhasị nwa Ẹliẹza. Ẹliẹza wụ nwa Ẹrọnụ onyẹ-isi nchụn-ẹjan ibuzọ.

Ẹzra 7:9

Ụhụọhịn ibuzọ imẹ ifọn ibuzọ k'ọ gha Babilọnụ buli, ọ nọ ru Jerusalẹm ụhụọhịn ibuzọ imẹ ifọn nke isẹn, makẹni Chuku yen'ẹ ẹka ọda-ọda.

Ẹzra 8:1

Ndịnị wụ ẹfan ndị-isi ikpụlọ ichẹn-ichẹn hụn gha Babilọnụ sọnlụa m ogẹn Atazẹzẹsi gi wụ eze:

Ẹzra 8:18

Ghahanị eyemẹka Chuku ẹnyi hụn nọyeni ẹnyi, wẹ nọ wẹhẹni ẹnyi Shẹrẹbịa hụn marịn ọrụn, onyẹ ikpụlọ Mali nwa Livaị nwa Izrẹlụ lẹ ụmụ-ikẹnnyẹ Shẹrẹbịa lẹ umunẹ ẹ ikẹnnyẹ: madụ mmẹsatọ;

Ẹzra 8:22

Ifẹnrẹn anịnị m sị eze ye ẹnyi ndị-agha lẹ ndị gi ẹshin a lụ agha k'e che ẹnyi nche ụzọ makẹ ndị-iṅẹnrẹn rị ụzọ, makẹni ẹnyi a gwagụọ eze nị Chuku ẹnyi rị onyẹ gi ẹ e dọn ẹnya azụụn, kanị o gi okẹn ọnụma e sọn ndị ile gbakitọ a azụụn.

Ẹzra 8:31

Nke akpọhịn mmẹbụọ imẹ ifọn ibuzọ, ẹnyi nọ gha Ote-mirin Ahava hụ buli, jẹnmẹ Jerusalẹm. Chuku ẹnyi nọyeni ẹnyi anọyeni, o chemẹ ẹnyi, onwọnni ihiẹn ndị-iṅẹnrẹn mọbụ ndị ohin mẹ ẹnyi ụzọ.

Nehemiah 12:26

Uwẹ kị ndị-nche ogẹn Joyakim nwa Jeshụa nwa Jozadakị gi wụ onyẹ-isi nchụn-ẹjan, ogẹn ahụn Nehimaya gi wụ Gọvanọ, ogẹn Ẹzra onyẹ nchụn-ẹjan lẹ onyẹ-nkuzi Iwu.

Nehemiah 12:36

lẹzi ndị otu Zẹkaraya ndịnị: Shẹmaya, Azarẹlụ, Milalaị, Gilalaị, Maaị, Natanẹlụ, Juda lẹ Hanani — uwẹ gi ihiẹn-egu ndị hụ odibo Osolobuẹ wụ Defidi tumẹ. Ẹzra onyẹ nkuzi-iwu hụ ihun ndịnị ile.

Nehemiah 2:12

m nọ gi imẹ abalị gepụ, mmẹ lẹ ikẹnnyẹ bulẹni ọda m werizi. O ke nwọn onyẹ m gwa ihiẹn Osolobuẹ m buche m obi d'e mẹni Jerusalẹm. Onwọnni anyịnyan ọzọ m gi karị hụn m rị e nyin.

Nehemiah 2:18

M nọ nwan gwa wẹ ọhụnma Osolobuẹ mẹni m lẹ ihiẹn eze gwa m. Wẹ nọ sị, “Nị ẹnyi dọnzimẹn'ẹ nwan!” Ya wẹ nọ bidọn ọrụn-ọma hụ.

Nehemiah 2:8

N'i deyezikwọ m ẹkụkwọ jẹnni Asafụ hụn e lepụ ẹgboko eze ẹnya, kẹn'o ye m osisi m'e gi rụndọnzi ọnụ-mgbọn ndị rị ọgwa nọkunmẹ Ụlọ-nsọ lẹ mgbọn obodo hụ lẹzi ụlọ ẹka mmẹ nwẹn sikọ d'e bi.” Eze nọ kweri — makẹni Osolobuẹ m nọyeni m anọyeni.

Nehemiah 4:15

Ogẹn ndị-iṅẹnrẹn ẹnyi gi nụ nị ẹnyi a marịnghọ ihiẹn wẹ romẹ, lẹni Osolobuẹ a kpayịyagụọ a, ẹnyi nọ kinzi d'a rụnma mgbọn ẹnyi rị a rụn, onyẹ-onyẹ lẹ ọrụn a.

Nehemiah 8:1

Ya wẹ ile nọ gbakikomẹ ebẹhụ ndị alị nọ e zu ihun Ọnụ-mgbọn Mirin. Wẹ nọ sị Ẹzra onyẹ-nkuzi Iwu-Mozizi ya wepụha Ẹkụkwọ Iwu-Mozizi, Iwu hụ Osolobuẹ ye ndị Izrẹlụ.

Nehemiah 8:13

Eki e fọn, hụn mẹ akpọhịn ẹbụọ imẹ ifọn hụ, ndị-ichẹn ikpụlọ ichẹn-ichẹn lẹ ndị nchụn-ẹjan lẹ ndị Livaị nọ bịa d'e fihunmẹ onyẹ-nkuzi Iwu wụ Ẹzra kẹni wẹ mụ oku ndị rị imẹ Iwu.

Nehemiah 8:4

Elu mkpọnyin wẹ gi osisi ma hụn wẹ mẹmẹtọnị ụhụọhịn hụ kẹ onyẹ-nkuzi iwu hụ wụ Ẹzra wuzo gụn a. Ndịnị rị a ẹka-nni: Matitịa, Shẹma, Anaya, Yuria, Hil'kia lẹ Maaseya; ndị rị a ẹka-ekpẹn wụ Pẹdaya, Mishẹlụ, Mal'kija, Hashum, Hash'badana, Zẹkaraya lẹ Mẹshulam.

Nehemiah 8:9

Ya kẹ Nehimaya hụn wụ Gọvanọ, Ẹzra onyẹ nchụn-ẹjan lẹ onyẹ nkuzi-iwu lẹzi ndị Livaị hụn rị a kọwanị wẹ ya nọ sị wẹ ile, “Tannị rị Osolobuẹ wụ Chuku ụnụ nsọ: anọlẹ ni kẹ ndị eje-ihiẹn mẹ; akwanlẹ ni ẹkwan.” Wẹ gwa wẹ ẹrịra makẹni ndị hụ ile rị a kwan ẹkwan ogẹn wẹ gi rị a nụ oku ndị rị imẹ Iwu.

Nehemiah 9:13

“Ị nọ gha elu-igwee bịa elu-ugu Saịnaị; y'a gha elu-igwee gwa wẹ oku, ị nọ yesọnmẹ wẹ ọdịnalị furuni lẹ uhi lẹ iwu rị mma.

Ẹbụ-ọma 109:27

kẹni wẹ gi ẹ marịn nị ẹka ị rọ, nị ịyụ lẹ enwẹn i wụ Osolobuẹ mẹ ẹ.

Ẹbụ-ọma 147:19

Ọ gwagụọ ụmụ Jekọpụ ihiẹn ọ chọ n'o ku; o butọgụọnị Izrẹlụ ọdịnalị a lẹ uhi ẹ.

Ẹbụ-ọma 45:1

Obi rị a sụọ m ụsụọ, yeni ihiẹn rị mma m chọ nị m ku. Eze kẹ m rị a gwa; ire m wụ ukeke (pẹni) akanwe marịn ọrụn!

Ẹbụ-ọma 80:18

Ogẹn ahụn, ẹnyi agbakịtọkọzị ị azụụn; mẹ ẹnyi lihizi, kẹni ẹnyi kpọku ẹfan ị.

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Azaya 59:1

Lee ẹ, ẹlẹ ni ẹka Osolobuẹ e mẹkẹ mkpụrụ haịn o gilẹni a zụọpụha ụnụ mọbụ nị ntịn e kinkẹ ẹ haịn o gilẹni a nụ ekpere ụnụ.

Jerimaya 8:8

Nanị ụnụ e dọn sị, “Ẹnyi a marịnghọ ihiẹn; Iwu Osolobuẹ hụ ebeni.” Bụ ndị-ntụ hụn a kuzini ụnụ ya e bugụọ a isi kpọma alị?

Matiu 13:52

Ọ nọ sị wẹ, “Ya wụ nị ọka-iwu Mozizi, hụn wẹ zụn ọzụnzụn Alị-eze elu-igwee, nọ kẹ onyẹ nwọn ụlọ, hụn gha ebe o dọnmẹ ihiẹn e wepụha kẹ ihiẹn ọhụn kẹ ihiẹn akan.”

Matiu 23:2

“Ndị-nkuzi Iwu lẹ ndị Itu-Farisi rị nwan Ocho-Mozizi a kuzi Iwu Mozizi.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Ndị Kọrẹntị Ibuzọ 1:20

Elebe kẹ onyẹ hụ marịn ihiẹn rị nwan? Elebe kẹ ọka-ẹkụkwọ rị nwan? Elebe kẹ onyẹ hụn kachanrịn ihiẹn e lekpọ rị nwan? Osolobuẹ e mẹgụọnị amamihiẹn ụwanị wụrụ nzuzu?!

Ndị Kọrẹntị Ibuzọ 15:1

Umunẹ m, m chọ nwan nị m nyanhannị ụnụ oziọma m zi ụnụ, hụn ụnụ nabanhan, hụn ụnụ turu nwan imẹ ẹ;

Ditrọnọmi 28:1

Ụnụ humẹchanrịn nị Osolobuẹ wụ Chuku ụnụ isi nke-esi, dọnrin ẹnya mẹchanrịn ihiẹnni ile ọ sị ụnụ mẹ hụn m rị a gwa ụnụ tannị, Osolobuẹ wụ Chuku ụnụ k'e bushi ụnụ elu karị ndị alị ile rị elu-ụwa.

Ditrọnọmi 4:5

Lee n'ẹ: e yigụọnị m ụnụ uhi, ye ụnụ iwu kẹ Osolobuẹ wụ Chuku m dọn gwa m, kẹni ụnụ hụn ụzọ e mẹ wẹ imẹ alị ahụn ụnụ sikọ nwan d'a banye, bikin.