Ẹzra 7:24 - Ika

²⁴ Ya wezikwọ ụnụ ile e kwọndọn egho eze ẹnya nị ẹnyi asịnị ụnụ na onyẹ ọwụlẹ a rụn ọrụn imẹ Ụlọ-nsọ hụ ụgwọ-isi mọbụ ụtụ-eze mọbụ ụtụ ibu-afịa — kẹ ndị nchụn-ẹjan kẹ ndị Livaị kẹ ndị a bụ ẹbụ kẹ ndị-nche ọnụ-mgbọn Ụlọ-nsọ hụ kẹ ndị idibo Ụlọ-nsọ kẹ ndị ọzọ a rụn ọrụn imẹ Ụlọ-Chukuni.

Ẹzra 7:24 ပူးပေါင်းရင်းမြစ်များ

Jẹnẹsisi 47:22

Ndị ohẹn-mmọn alị Ijiptu sụọ k'o ṅọnnarịnlẹni alị wẹ, makẹni Fẹro e butọnị wẹ nke wẹ, o ru ogẹn ọ kaye o ye wẹ ịya. Hụn ahụn Fẹro e ye wẹ hụ e zu wẹ. Ịya haịn wẹ gilẹni re alị wẹ.

Jẹnẹsisi 47:26

Ya Josẹfụ nọ gi ẹ hi uhi imẹ alị Ijiptu ile: nị Fẹro nwọn ụzọ ohu imẹ ụzọ isẹn imẹ ihiẹn-ugbo ile wẹ ghọ alị Ijiptu. Ẹrịra k'ọ rịkwọ nwan d'e ru tannị. Alị ndị ohẹn-mmọn sụọ kẹ Fẹro werilẹni.

Ẹzra 4:13

“O furu nị eze marịnzị nị wẹ tụndọnzigụ obodoni, rụndọnzichanrịn mgbọn ẹ, akụkọzị wẹ ụgwọ-isi, atụkọzị wẹ ụtụ-eze lẹ ụtụ ibu-afịa; o rukwọ ẹkpa eze e belụa.

Ẹzra 4:20

Jerusalẹm e nwọnọlẹ ndị-nze hụn kpa ikẹn, ndị nze hụn kị alị ile rị Nfetu Iyi-Yufretisi, wẹ hụ a kụhanị wẹ ụgwọ-isi, a tụhanị wẹ ụtụ alị lẹ ụtụ ibu-afịa.

Ẹzra 7:7

O nwọnzighọ ndị Izrẹlụ ọzọ gha Babilọnụ lụaha Jerusalẹm ahụa nke ẹsa ahụn eze-kanị wụ Atazẹzẹsi kịma — kẹ ndị nchụn-ẹjan kẹ ndị Livaị ibe wẹ a rụnyeni wẹ ọrụn kẹ ndị ọzọ e jẹn ozi imẹ Ụlọ-nsọ; ụfọdụ ndị Livaị hụ wụ ndị a bụ ẹbụ, ụfọdụ wụ ndị-nche ọnụ-mgbọn Ụlọ-nsọ.

Nehemiah 5:4

O nwọnzighọ ndị sị, “Ẹnyi gwarị zinrin egho kẹni ẹnyi hụn ụzọ tụ ụtụ alị ugbo lẹ alị vaịnị hụn eze be ẹnyi.

Matiu 9:9

Ogẹn Jizọsị gi gha ebahụn pụ, ọ hụn onyẹ ohu w'a kpọ Matiu ebe ọ nọdị alị ọdụ-ọrụn a ebe wẹ nọ a na ụgwọ-isi. Ọ nọ sị a, “Sọnmẹ m.” Ya Matiu nọ lihi ọtọ, sọnmẹ ẹ.