Ẹzra 7:13 - Ika

¹³ M rị nwan e ye iwuni: onyẹ ọwụlẹ imẹ ndị Izrẹlụ rị alị-eze m hụn chọ n'o sọn i la Jerusalẹm, ya sọnmẹ i, kẹ onyẹ-mmaka kẹ ndị nchụn-ẹjan kẹ ndị Livaị.

Ẹzra 7:13 ပူးပေါင်းရင်းမြစ်များ

Ihiẹn Mẹni Nke Ẹbụọ 30:5

Ebẹhụ kẹ wẹ nọ kweri nị wẹ k'a hị a ghagbama alị Izrẹlụ ile — gha Biẹshẹba d'e rukwọrị Danị, sị ịhịan ile bịa Jerusalẹm d'e mẹni Osolobuẹ wụ Chuku Izrẹlụ Mmẹmmẹ-nghafe. Makẹni ebutuni wẹ ọda mẹ mmẹmmẹ hụ kẹ Iwu dọn ku.

Ẹzra 1:3

Onyẹ nke ẹ ọwụlẹ hụn rị imẹ ụnụ, Chuku ẹ ya nọyen'ẹ; ya lakin nwan Jerusalẹm rị Juda d'a tụn Ụlọ-nsọ Osolobuẹ wụ Chuku Izrẹlụ. Ịya wụ Chuku hụn rị imẹ Jerusalẹm.

Ẹzra 5:13

“Kanị o ru nwan ahụa ibuzọ Saịrọsị eze Babilọnụ kịma, Saịrọsị nọ yi uhi sị wẹ tụndọnzi Ụlọ Chukuni.

Ẹzra 6:1

Ya kẹ eze wụ Dariọsụ nọ yi uhi, wẹ nọ chọ imẹ ebe wẹ detọsọnmẹ ihiẹn mẹ ogẹn mbụ, hụn rị ebe w'e dọnmẹ ihiẹn rị mkpa imẹ Babilọnụ.

Ẹsta 3:15

Ndị ọsọ hụ nọ jẹnmẹ ozigbo-ozigbo kẹ eze dọn gwa wẹ; wẹ nọzịkwọ ti iwu hụ imẹ obodo Susa hụ eze nọ a kị. Eze lẹ Hamanị a nọdị alị a ra manya kanị isusu hụ obodo Susa.

Ẹsta 9:14

Eze nọ sị wẹ mẹ ihiẹn Ẹsta ku. Wẹ nọ ti iwu imẹ obodo Susa, wẹ nọ kọn ozun ụmụ Hamanị iri hụ ye ihiẹn wẹ gi e hogbu ịhịan.

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 148:6

Ịya dọn wẹ hụn w'e gi rị jẹnrin ejẹn; o tigụọnị wẹ iwu hụn k'a rị jẹnrin ejẹn.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Ndị Filipi 2:13

Makẹni Osolobuẹ ya rị ọrụn imẹ ụnụ ogẹn ile, e mẹ ụnụ a sa ẹka a họrị uche ẹ, e mẹzikwọ uche ẹ.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.