Ẹzra 6:22 - Ika

²² Wẹ nọ gi ịghọghọ mẹ Mmẹmmẹ Brẹdi Yisti rịlẹni — ọrọgbọ akp'ọhịn ẹsa hụ wẹ gi e mẹ ẹ, makẹni Osolobuẹ e mẹgụọ ịghọghọ jun wẹ obi ebe ọ nọ mẹtụnị wẹ eze Asiria ẹka obi hụn o gi yeni wẹ ẹka rụn ihiẹn wẹ rụn imẹ Ụlọ Chuku, Chuku Izrẹlụ.

Ẹzra 6:22 ပူးပေါင်းရင်းမြစ်များ

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ihiẹn Mẹni Nke Ẹbụọ 23:18

Jehoyada nọ bu ọrụn ilepụ Ụlọ-nsọ Osolobuẹ ẹnya che ẹka ndị nchụn-ẹjan makẹni wẹ wụ ndị ebọn Livaị, ndị hụn Defidi keni ọrụn rị Ụnọ-nsọ nị w'a chụnyeni Osolobuẹ ẹjan w'a dụn ọkụn nọkẹ kẹ wẹ dọn de ẹ imẹ Iwu Mozizi, e gi ịghọghọ lẹ ẹbụ e mẹ ẹ nọkẹ kẹ Defidi dọn ku.

Ihiẹn Mẹni Nke Ẹbụọ 29:30

Eze wụ Hezikaya lẹ ndị-isi nọ sị ndị Livaị wẹ gi ẹbụ Defidi lẹ Asafụ onyẹ a hụn ụzọ de jama Osolobuẹ mma, a ghọghọ a ja Osolobuẹ mma, a kụ isi alị.

Ihiẹn Mẹni Nke Ẹbụọ 30:21

Ndị Izrẹlụ hụ ile bịa Jerusalẹm nọ gi okẹn ịghọghọ mẹ Mmẹmmẹ brẹdi nwọnlẹni yisti o gi a fụ. Ọrọgbọ akpọhịn ẹsa kẹ wẹ gi mẹ ẹ; ndị Livaị lẹ ndị nchụn-ẹjan hụ a bụnị Osolobuẹ ẹbụ ụhụọhịn ile, a kpọ ihiẹn-egu wẹ gi a ja Osolobuẹ mma e ye ẹ.

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Ihiẹn Mẹni Nke Ẹbụọ 35:17

Ẹrịra kẹ ndị Izrẹlụ hụ rị ebẹhụ dọn mẹ Mmẹmmẹ-nghafe hụ ogẹn ahụn, gizi ọrọgbọ akpọhịn ẹsa Iwu ku mẹ Mmẹmmẹ Brẹdi nwọnlẹni yisti o gi a fụ.

Ẹzra 1:1

O ru ahụa hụ Saịrọsị eze Pẹshịa kịma, Osolobuẹ nọ mẹtụ Saịrọsị eze Pẹshịa ẹka obi kẹni ihiẹn Osolobuẹ gi Jerimaya ku hụn ụzọ bụn, Saịrọsị nọ zi ozi ghagbarị ebe ile ọ rị a kị, dezikwọ a, sị:

Ẹzra 6:1

Ya kẹ eze wụ Dariọsụ nọ yi uhi, wẹ nọ chọ imẹ ebe wẹ detọsọnmẹ ihiẹn mẹ ogẹn mbụ, hụn rị ebe w'e dọnmẹ ihiẹn rị mkpa imẹ Babilọnụ.

Ẹzra 7:27

Ịja-mma ya rịnị Osolobuẹ, Chuku ndị nẹdi ẹnyi, hụn bu ẹ che eze obi n'o ye ụlọ Osolobuẹ rị Jerusalẹm ọghọ ẹnịna,

Nehemiah 13:6

Kanị, arị m Jerusalẹm ogẹn ihiẹnni gi rị e mẹ, makẹni ahụa hụn m'ẹ mmẹbụọ kwasị ọgụn-ẹbụọ eze Babilọnụ wụ Atazẹzẹsi kịma, m laburu ẹ. O mẹgụ, m nọ rịọ a nị m bịa;

Itẹn 16:7

Omẹni obibi ịhịan a sụọ Osolobuẹ ụsụọ, o mẹdẹ ndị-iṅẹnrẹn ẹ e gi ẹnya rị mma e lee ẹ.

Itẹn 21:1

Akpobi eze nọkẹ mirin rị e huni ẹka Osolobuẹ — Ebe ọwụlẹ sụọ Osolobuẹ k'o mẹ ẹ e shi.

Izikẹlụ 23:23

m wela ndị Babilọnụ lẹ ndị alị Kal'di ibe wẹ ndịnị: ndị Pẹkọdụ lẹ ndị Shụa lẹ ndị Kụa. Ndị Asiria ile k'e sọnhẹn wẹ, ikorọbịa pu mma hụn wụsọnmẹ ndị-isi, ndị-ndu agha lẹ ndị ọzọ nwọn ọkwa — wẹ ile e nyinchanrịn ẹshin.

Matiu 26:17

Ụhụọhịn wẹ gi e bidọn Mmẹmmẹ Brẹdi nwọnlẹni yisti, ndị nsọnmazụụn Jizọsị nọ bịa d'e kunrun ẹ, sị a, “Elebe k'ị chọ nị ẹnyi dọnkwama hụn y'a nọ ri Oriri-Nghafe?”

Jọnụ 19:11

Jesu nọ sị a, “Onwọnni ihiẹn i k'a saẹka mẹ m mmanị Osolobuẹ rị elu-igwee kweri e kweri. Ya wụ, onyẹ hụ bu m che ẹka ị ka njọ e mẹ.”