Ẹzra 6:14 - Ika

¹⁴ Ya ndị-isi ndị Ju nọ tụnsọnmẹ Ụlọ-nsọ hụ, a gha ihun ọhụnma-ọhụnma, makẹni ndị amụma wụ Hagaị lẹ Zẹkaraya nwa Ido hụkwọ e gi oku Chuku a gba wẹ umẹ. Wẹ nọ tụnchanrịn Ụlọ-nsọ hụ kẹ Chuku Izrẹlụ dọn gwa wẹ lẹzi kẹ ndị-nze Pẹshịa wụ Saịrọsị, Dariọsụ lẹ Atazẹzẹsi dọnsọnmẹ yi uhi ẹ.

Ẹzra 6:14 ပူးပေါင်းရင်းမြစ်များ

Ẹzra 3:8

Ahụa mẹ ẹ ẹbụọ wẹ ru Ụlọ Chuku imẹ Jerusalẹm, o ru ifọn nke ẹbụọ, Zerubabẹlụ nwa Shiẹtiẹlụ lẹ Jeshụa nwa Jozadakị nọ bidọn ọrụn ịtụndọnzi Ụlọ-nsọ, uwẹ lẹ mmunẹ wẹ họdụnị — kẹ ndị nchụn-ẹjan kẹ ndị Livaị kẹ ndị ọzọ ile gha ebe wẹ kpụnjẹn wẹ lụaha Jerusalẹm. E tumẹ wẹ ndị Livaị rị nwa ahụa ọgụn shi elu nị w'e lepụ ọrụn ụlọ Osolobuẹ wẹ rị a rụn ẹnya.

Ẹzra 4:24

Ya kẹ ọrụn Ụlọ Chuku rị imẹ Jerusalẹm nọ kụsị d'e ru ahụa nke ẹbụọ Dariọsụ eze Pẹshịa kịma.

Ẹzra 4:3

Kanị, Zerubabẹlụ, Jeshụa lẹ ndị isi ọzọ hụn kịsọnmẹ ikpụlọ ndị rị Izrẹlụ nọ sị wẹ, “Onwọnni hụn biri ẹnyi lẹ ụnụ ebe ịtụnnị Chuku ẹnyi Ụlọ-nsọ rị. Ẹnyi sụọ k'a tụnnị Osolobuẹ wụ Chuku Izrẹlụ ya: ịya kẹ Saịrọsị eze Pẹshịa gwa ẹnyi.”

Ẹzra 5:1

Ogẹn hụ, ndị-amụma wụ Hagaị lẹ Zẹkaraya nwa Ido nọ gi ẹfan Chuku Izrẹlụ, hụn ndị Izrẹlụ rị okpuru ẹ, bu ni ndị Ju hụn rị Juda lẹ Jerusalẹm amụma.

Ẹzra 5:13

“Kanị o ru nwan ahụa ibuzọ Saịrọsị eze Babilọnụ kịma, Saịrọsị nọ yi uhi sị wẹ tụndọnzi Ụlọ Chukuni.

Ẹzra 5:2

Ya kẹ Zerubabẹlụ nwa Shiẹtiẹlụ lẹ Jeshụa nwa Jozadakị nọ kọnrin ọrụn, tụndọnzimẹ Ụlọ Chuku imẹ Jerusalẹm; ndị-amụma Chuku ndị ahụn hụ imẹ igunrun wẹ, a kwadọn wẹ.

Ẹzra 6:3

Ahụa ibuzọ eze wụ Saịrọsị kịma, ọ nọ yi uhi banyeni Ụlọ Chuku rị Jerusalẹm, sị: Wẹ tụndọnzi Ụlọ-nsọ hụ n'ọ wụrụ ebe wẹ nọ a chụn ẹjan; wẹ gbe iyetọ a ebe ọ rị mbụ. Ojijẹn-elu ẹ k'a wụ ụbụkụ iri kwasị ọgụn-ẹnọ (90), ụshịa a ụbụkụ iri kwasị ọgụn-ẹnọ (90).

Ẹzra 6:8

“Ẹlẹ ọhụn sụọ: m rị nwan e ye ụnụ iwu ihiẹn ụnụ k'e mẹni ndị-isi ndị Ju ndịnị gi kwadọn Ụlọ-Chukuni wẹ rị a tụndọnzi: a gha nị ẹkpa eze, ihiẹn ndị rị Nfetu Iyi-Yufretisi a tụ, e wepụha egho ikẹnnyẹ ndịnị e gi a rụn ọrụn, e mẹ ẹ ozigbo-ozigbo, makẹ ọrụn ahụn gha a kụsị.

Ẹzra 7:1

O tebe ọhụnma-ọhụnma, ogẹn Atazẹzẹsi gi wụ eze Pẹshịa, Ẹzra nọ bịa. Ẹzra wụ nwa Sẹraya nwa Azaria nwa Hil'kia.

Ẹzra 9:9

Ọsụọn'a nị ẹnyi wụ igbọn okpuru ndị alị ọzọ, Chuku ẹnyi a lanị ẹnyi tọ ẹgbụn ẹnyi rị imẹ ẹ. O mẹgụọnị ẹnyi ọhụnma ihun ndị-nze Pẹshịa, gi wẹ mẹ ndụn banzị ẹnyi, kẹni ẹnyi tụndọnzi Ụlọ Chuku ẹnyi, tụnkinsọnmẹ ebe tikpọnị imẹ ẹ; ọ hụ e che ẹnyi nche imẹ Judia ile lẹ imẹ Jerusalẹm ebeni.

Nehemiah 6:15

Hụn mẹ ẹ akpọhịn isẹn kwasị ọgụn imẹ ọnwan Ẹlulu kẹ ẹnyi gi dọnzichanrịn mgbọn hụ, ya wụ nị akpọhịn mmẹbụọ kwasị ọgụn-ẹbụọ (52) kẹ ẹnyi gi dọnzichanrịn a.

Azaya 44:28

Mmẹ ku oku Saịrọsị, sị, ‘Ịya wụ onyẹ e duni m anụ. O k'e mẹkwama uche m’; o k'a sị wẹ, ‘Tụndọnzi ni Jerusalẹm’, sị wẹ, ‘Gbedọnzi ni iyetọ Ụlọ-NSỌ Osolobuẹ.’ ”

Hagaị 1:1

Hụn mẹ ẹ ahụa ẹbụọ eze-kanị wụ Dariọsụ kịma alị-eze ndị Mẹdịa, hụn ndị Izrẹlụ rị okpuru ẹ ogẹn hụ, ụhụọhịn ibuzọ imẹ ifọn nke isin, Osolobuẹ nọ gi onyẹ-amụma wụ Hagaị gwa gọvanọ kị alị Juda wụ Zerubabẹlụ nwa Shiẹtiẹlụ lẹ Onyẹ-isi Nchụn-ẹjan wụ Joshụa nwa Jehozadakị oku, sị wẹ:

Hagaị 1:8

Jẹnmẹ ni nwan elu ugu ebe osisi rị d'e gbuhẹ ijẹdu d'a tụndọnzi Ụlọ m, kẹni ọ sụọ m ụsụọ lẹni wẹ gi ẹ ye m ọghọ. Ya kẹ Osolobuẹ ku.

Zẹkaraya 1:1

Ifọn nke ẹsatọ imẹ ahụa ahụn mẹ ẹ ẹbụọ eze-kanị wụ Dariọsụ kịma kẹ Osolobuẹ gwa onyẹ-amụma wụ Zẹkaraya nwa Bẹrẹkia nwa Ido oku, sị,

Zẹkaraya 1:16

“Osolobuẹ nọ nwan sị: ‘M k'e mẹni nwan Jerusalẹm omikẹn; wẹ sikọ d'a tụndọnzi Ụlọ-nsọ m imẹ ẹ. Ya kẹ Osolobuẹ ihiẹn ile rị okpuru ẹ ku. Wẹ sikọ d'a rụnzị ụlọ imẹ Jerusalẹm, nọzị imẹ e setịnpụ eriri ndị a tụn ụlọ.

Zẹkaraya 4:9

“Ẹka Zerubabẹlụ gbe iyetọ Ụlọnị; ẹka a sikọ d'a tụnchanrịn a. Ogẹn hụ kẹ ụnụ e gi marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku.

Zẹkaraya 8:9

Osolobuẹ ihiẹn ile rị okpuru ẹ sị: “Jikẹnmẹ ni nwan, ụnụ ndị rị a nụ oku ndịnị m rị a gwa ụnụ ghahanị ndị-amụma, ndị-amụma hụn rị ebẹhụ kẹ wẹ gbemẹzi iyetọ wẹ gi nwan a tụndọnzi Ụlọ-NSỌ Osolobuẹ ihiẹn ile rị okpuru ẹ.