Ẹzra 6:11 - Ika

¹¹ “M rịzịkwọ e yi uhini: onyẹ buche mọbụ wepụ ihiẹn ọwụlẹ iwuni, wẹ sepụha osisi wẹ gi dụnmịn ụlọ a, zumẹ ẹ alị, hogbu hụnyẹ elu ẹ. Wẹ gi ufiri njọnị tikpọchanrịn ụlọ onyẹ hụ, n'o họnrin ikpọnfin.

Ẹzra 6:11 ပူးပေါင်းရင်းမြစ်များ

Ndị-nze Nke Ẹbụọ 10:27

Wẹ nọ tikpọ ọmụma-nsọ Baalụ, kụtu ụnọ-mmọn Baalụ. Ya wẹ nọ nwan gi ẹ họnrin ebe w'a pụye ezi d'e ru tannị.

Ndị-nze Nke Ẹbụọ 9:37

Ozun Jezibẹlụ k'a nọ kẹ ẹfịfịa rị akpakalị, imẹ alị hụ rị Jezriẹlụ, nke wụnị onwọnni onyẹ k'a s'ẹka kọma a ẹnya, sị, “Ọnwan wụ Jezibẹlụ.” ’ ”

Ẹzra 7:26

Onyẹ jụ n'o mẹkọ dọnmẹkọ iwu Chuku i lẹ iwu eze sikọ d'a narịnrịrị afụnfụn ya lẹ wị — ọnwụn mọbụ ịchụpụ wẹ alị mọbụ ịnapụ wẹ ihiẹn wẹ mọbụ ịtụ wẹ ngan.

Ẹsta 5:4

Ẹsta nọ sị eze, “Agụ! Omẹni ọ hụghọ Agụ mma, Agụ ya dodo wẹhẹ Hamanị tannị d'e sọn Agụ ri ihiẹn-oriri m mẹmẹni Agụ.”

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Daniẹlụ 2:5

Eze nọ sị ndị hụ, “Lee n'ẹ, a kwademẹchanrịngụọ m ihiẹn m jẹnkọ d'e mẹ: omẹni ụnụ agwanị m ihiẹn m rọhụn, kọwanị m ihiẹn ọ wụ, m k'a sị wẹ jakịka ọnụ, kụkpọchanrịn iwe ụnụ ile ru alị, e họnrinsọnmẹ wẹ mkpọkọ-ụlọ.

Daniẹlụ 3:29

M rị nwan e ti iwu nị onyẹ alị ọwụlẹ mọbụ asụsụ ọwụlẹ hụn k'e kuja oku Chuku Shẹdrakị, Mishakị lẹ Abẹdnego wẹ sikọ d'a jakịka a, kụtuchanrịn ụlọ a, o họnrin mkpọkọ-ụlọ — makẹni onwọnni mmọn ọzọ k'a s'ẹka gbapụha ịhịan ẹnịna.”