Ẹzra 5:3 - Ika

³ Ogẹn ahụn, Tatenaị hụn wụ gọvanọ rị a kị Nfetu Iyi-Yufretisi ahụn alị Juda rị lẹ Shẹta-Bozenaị lẹ itu wẹ nọ jẹnburu wẹ, sị wẹ, “Onyẹ sị ụnụ d'a tụndọnzi Ụlọ-nsọnị? Onyẹ sị ụnụ dọnzi ẹ?”

Ẹzra 5:3 ပူးပေါင်းရင်းမြစ်များ

Ẹzra 1:3

Onyẹ nke ẹ ọwụlẹ hụn rị imẹ ụnụ, Chuku ẹ ya nọyen'ẹ; ya lakin nwan Jerusalẹm rị Juda d'a tụn Ụlọ-nsọ Osolobuẹ wụ Chuku Izrẹlụ. Ịya wụ Chuku hụn rị imẹ Jerusalẹm.

Ẹzra 4:12

“O furu nị eze marịn nị ndị Ju ahụn gha ebe ị rị lụaburuhẹ ẹnyi e shigụọ Jerusalẹm. Wẹ rị nwan a tụndọnzi obodo nnupụ-isi hụ e mẹgbu enwẹn ẹ eje-ihiẹn. Wẹ rị a tụndọnzi mgbọn ẹ, e dọnzi iyetọ a.

Ẹzra 4:9

Ẹkụkwọ-ozini gha ẹka ndịnị bịa: Rehum hụn wụ onyẹ-isi lẹ Shimshaị hụn wụ akanwe. Uwẹ lẹ ndị-isi ibe wẹ wụ ndị ọka-ikpe lẹ ndị gisọnmẹ ọkwa ichẹn-ichẹn imẹ ndị rị ebeni — ẹnyi ndị ghasọnmẹ Tripolisi lẹ Pẹshịa lẹ Ẹrẹkị lẹ Babilọnụ bịa, ẹnyi lẹ ndị Ẹlam obodo Susa

Ẹzra 5:6

Ọnwan wụ ihiẹn rị ẹkụkwọ-ozi Tatenaị wụ gọvanọ Ẹgbẹrẹni wụ Nfetu Iyi-Yufretisi lẹ Shẹta-Bozenaị lẹ itu wẹ, ndị-isi rị Nfetu Iyi-Yufretisi, dejẹnni eze wụ Dariọsụ:

Ẹzra 5:9

Ya ẹnyi nọ jụ ndị-isi wẹ ụtaa, sị wẹ: Onyẹ gwa ụnụ tụndọnzi Ụlọ-nsọnị lẹ ihiẹnni ụnụ rị a tụnkin?

Ẹzra 6:13

Ya kẹ Tatenaị wụ gọvanọ Ẹgbẹrẹ Nfetu Iyi-Yufretisi ahụn lẹ Shẹta-Bozenaị lẹ ibe wẹ nọ mẹ ihiẹn ile eze ku imẹ iwu hụ o zihẹni wẹ, mẹ ẹ mẹru ẹ alị.

Ẹzra 6:6

“Lee ẹ nwan, Tatenaị hụn wụ gọvanọ Nfetu Iyi-Yufretisi lẹ Shẹta-Bozenaị, ụnụ lẹ ibe ụnụ ndị-isi Ẹgbẹrẹ hụ, ụkụ ụnụ erukwọlẹ ebẹhụ.

Ẹzra 7:21

Mmẹ, Atazẹzẹsi hụn wụ eze, rị nwan a sị ndị ihaza ile e kwọndọn ẹkpa eze Ẹgbẹrẹ Nfetu Iyi-Yufretisi wẹ weru ẹnya alị yechanrịn onyẹ nchụn-ẹjan wụ Ẹzra hụn wụ onyẹ-nkuzi Iwu Chuku elu-igwee ihiẹn ọwụlẹ o k'a sị ụnụ ye ẹ —

Hagaị 1:1

Hụn mẹ ẹ ahụa ẹbụọ eze-kanị wụ Dariọsụ kịma alị-eze ndị Mẹdịa, hụn ndị Izrẹlụ rị okpuru ẹ ogẹn hụ, ụhụọhịn ibuzọ imẹ ifọn nke isin, Osolobuẹ nọ gi onyẹ-amụma wụ Hagaị gwa gọvanọ kị alị Juda wụ Zerubabẹlụ nwa Shiẹtiẹlụ lẹ Onyẹ-isi Nchụn-ẹjan wụ Joshụa nwa Jehozadakị oku, sị wẹ:

Matiu 21:23

Ogẹn o gi nwan banye Ụlọ-nsọ, ndị-isi nchụn-ẹjan lẹ ndị-isi nọ bịa d'e kunrun ẹ ebe ọ rị a kuzi, sị a, “Onyẹ sị ị mẹ ihiẹn ndịnị ị rị e mẹ? Onyẹ zi i?”

Ọrụn Ndị-ozi 4:7

Wẹ nọ wepụha Pita lẹ Jọnụ ihun wẹ, jụma wẹ, sị, “Elee ikẹn mọbụ ẹfan kẹ ụnụ gi mẹ ihiẹnni?”