Ẹzra 4:4 - Ika

⁴ Ya kẹ alị ndị nọkunmẹ ndị Juda nọ mẹmẹ nị ndụn gụ wẹ; e rọnmẹ wẹ ndị Juda egun nị wẹ tụnbehi.

Ẹzra 4:4 ပူးပေါင်းရင်းမြစ်များ

Samuẹlụ Nke Ẹbụọ 4:1

Ogẹn Ish'boshẹti nwa Sọlụ gi nụ nị Abna a nwụntọ Hibrọnụ, ndụn a gụ a, obi eruzini Izrẹlụ ile alị.

Ẹzra 3:3

A rụnghọ wẹ ukpo nchụn-ẹjan hụ, ọsụọn'a nị egun ndị fihunmẹni wẹ rị a tụ wẹ. Wẹ rụn ye ebẹhụ ukpo nchụn-ẹjan Osolobuẹ rị mbụ. Ya wẹ nọ chụnyemẹni Osolobuẹ ẹjan w'a dụn ọkụn elu ẹ — kẹ ẹjan ụtụntụn kẹ nke ẹnyasị.

Ẹzra 4:5

Wẹ hụ e gi egho e ṅọnrin ịhịan d'e mẹ wẹ uke ọrọgbọ hụ ile Saịrọsị wụ eze Pẹshịa gi kị d'e ru ogẹn Dariọsụ eze Pẹshịa.

Nehemiah 4:11

Ndị iṅẹnrẹn ẹnyi hụ a sị, “Wẹ gini d'a marịndẹ ihiẹn rị e mẹni mọbụ hụn ẹnyi, ẹnyi a mayegụọ wẹ, gbu wẹ, kụsị ọrụn hụ.”

Nehemiah 4:2

Ihun ibe wẹ lẹ ndị-agha Sameria, ọ sị, “Kịnị kẹ ndị Ju ndịnị zelẹni rịdẹ e mẹ? Wẹ ro nị wẹ k'a sa ẹka dọnzi mgbọn wẹ? Wẹ ro nị wẹ chụnyenihụ Chuku ẹjan, mgbọn a nị wẹ rụn? Wẹ rodẹ nwan nị ọrụn akp'ọhịn rọ ra? Ọmụma ndị hụ wẹ rị e weri mkpọkọ mgbọn kẹ wẹ k'e gidẹ nwan tụn a ra, ọmụma dụngụ ọkụn?”

Nehemiah 6:9

Wẹ ile rị a chọ nị wẹ rọn ẹnyi egun, a sị enwẹn wẹ, “O ru, ndụn a gụ wẹ, arụngụkọzị wẹ ọrụn hụ.” M nọ mẹ ekpere, sị, Osolobuẹ, “Dodo, mẹ nwan ẹka shi m ikẹn!”

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Daniẹlụ 10:13

Kanị mmọn hụn rị a kị alị-eze Pẹshịa gbọnkin m ụzọ ọrọgbọ akpọhịn ohu-kwasị-ọgụn. Ya Maịkẹlụ, hụn wụ onyẹ ohu imẹ ndị-isi ndị mmọn-ozi nọ bịa d'e yeni m ẹka, makẹni mmọn rị a kị alị-eze Pẹshịa te gbọndọn m ebẹhụ.

Daniẹlụ 10:20

Ya ọ nọ sị m, “Y'a marịnghọ ihiẹn haịn m gi bịa d'e kunrun i? Eziẹ, m kinkọ nwan azụụn d'a lụsọn mmọn rị a kị Pẹshịa ọgụn, m rịzịkwọ a hụn mmọn a kị Grisi kẹ ọ rị a chọ n'ọ bịa.