Ẹzra 4:12 - Ika

¹² “O furu nị eze marịn nị ndị Ju ahụn gha ebe ị rị lụaburuhẹ ẹnyi e shigụọ Jerusalẹm. Wẹ rị nwan a tụndọnzi obodo nnupụ-isi hụ e mẹgbu enwẹn ẹ eje-ihiẹn. Wẹ rị a tụndọnzi mgbọn ẹ, e dọnzi iyetọ a.

Ẹzra 4:12 ပူးပေါင်းရင်းမြစ်များ

Ndị-nze Nke Ẹbụọ 18:20

Ị hụhụ a jụ ire, a sị nị y'a marịnghọ ihiẹn i jẹnkọ d'e gi mẹri lẹni y'a lụka agha. Onyẹ k'i danbemẹ i gi e feni m isi?

Ndị-nze Nke Ẹbụọ 24:1

Ogẹn Jehoyakim gi rị a kị, Nebukadineza wụ eze Babilọnụ nọ bịa ọgụn. Jehoyakim lẹ ndị Juda nọ rị okpuru ẹ ọrọgbọ ahụa ẹtọ. Kanị, o mẹgụ, Jehoyakim nọ rohutọ, femẹni Nebukadineza isi.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Ẹzra 4:11

Ihiẹn wẹ dejẹnn'ẹ wụ: “Eze wụ Atazẹzẹsi kẹ ẹnyi dejẹnni ẹkụkwọnị: “Idibo i hụn rị Nfetu Iyi-Yufretisi rị e de:

Ẹzra 4:15

kẹni eze lele ebe wẹ detọsọnmẹ ihiẹn mẹ ogẹn ndị nẹdi ẹ. I k'a hụn a ebẹhụ nị obodoni wụ obodo nnupụ-isi, hụn e ye ndị-nze lẹ ndị a nọkin ẹnya wẹ Ẹgbẹrẹni nsọngbu; obodo nnupụ-isi k'ọ wụ ẹdẹi. Ya haịn wẹ gi tikpọ obodoni.

Ẹzra 4:19

Ya m nọ sị wẹ chọ ihiẹn ụnụ sị m chọ, m nọ hụn a n'o tekẹ obodoni nupụma isi okpuru ndị-nze lẹ n'o tekẹ wẹ gi nnupụ-isi lẹ ihiẹn a kwadọn nnupụ-isi marịn wẹ.

Ẹzra 5:3

Ogẹn ahụn, Tatenaị hụn wụ gọvanọ rị a kị Nfetu Iyi-Yufretisi ahụn alị Juda rị lẹ Shẹta-Bozenaị lẹ itu wẹ nọ jẹnburu wẹ, sị wẹ, “Onyẹ sị ụnụ d'a tụndọnzi Ụlọ-nsọnị? Onyẹ sị ụnụ dọnzi ẹ?”

Ẹzra 5:9

Ya ẹnyi nọ jụ ndị-isi wẹ ụtaa, sị wẹ: Onyẹ gwa ụnụ tụndọnzi Ụlọ-nsọnị lẹ ihiẹnni ụnụ rị a tụnkin?

Nehemiah 1:3

Wẹ nọ sị m, “Ndị Ju ẹnyi ghasọnmẹ alị ndị wẹ kpụnjẹn wẹ lụaha Juda rị imẹ okẹn nsọngbu lẹ ụya. Mgbọn Jerusalẹm rị mkpọkọ-mkpọkọ; ọnụ-mgbọn ndị rịn'a wẹ dụn ọkụn nọkwọ k'ọ nọ.”

Nehemiah 6:6

Ihiẹn Sanbalatị de imẹ ẹ wụ: “Wẹ rị e ku ẹ imẹ alị ndị ọzọ rị ichẹn-ichẹn nị ịyụ lẹ ndị Ju rị a chọ nị ụnụ nupụ isi okpuru eze; Gẹshẹm lẹ enwẹn ẹ e kugụọzịd'a; wẹ sị nị ya haịn ụnụ gi rị a tụn mgbọn hụ. Ẹlẹdẹ ọhụn sụọ; kẹ wẹ dọn rị e ku ẹ, y'e d'a wụrụdẹ eze wẹ,

Ẹsta 3:8

Ya Hamanị nọ sị eze wụ Ahazẹrusu, “O nwọn ndị rị ichẹn hụn rị imẹ igunrun alị ichẹn-ichẹn Azụụn ile rị alị-eze i. Ọdịnanị wẹ rị ichẹn ebe nke alị ndị ọzọ ile rị, w'ara dọnmẹ iwu eze. Ọ rịnị mma nị eze gba wẹ nkịtịn.

Jerimaya 52:3

Ya haịn Osolobuẹ gi gi olulu mẹ obodo Jerusalẹm lẹ alị Juda ile ihiẹnni ile d'e ru ebe Osolobuẹ nọ wepụ wẹ ihun ẹ. Zẹdikaya feni Nebukadineza eze Babilọnụ wẹ rị okpuru ẹ isi.

Daniẹlụ 3:8

Ogẹn hụ kẹ ụfọdụ ndị itu ndị a hụn ụzọ nọ pụha d'e kpe ndị Ju.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Ọrụn Ndị-ozi 24:5

“Ẹnyi a hụngụọ a nị okẹnnyẹni e ye nsọngbu ọda-ọda. Isusu-isusu k'o seni ndị Ju rị elu ụwa ile. Ọ rị ndị-ndu itu Onyẹ Nazarẹtị ahụn.

Ndị Tẹsalonika Ibuzọ 5:22

Gba nị nị ụdị eje-ihiẹn ile ọsọ.