Ẹzra 3:7 - Ika

⁷ Ya wẹ nọ gi egho we ndị e dọn ụlọ lẹ ndị kapịnta, gi ọka lẹ manya lẹ ofigbọn-olivu kụ ndị alị Sidọnụ lẹ alị Taya ụgwọ, wẹ nọ gha Lẹbanọnụ bu ogwe osisi sida che elu Ohimin-Mẹditeranịa buhẹni wẹ ya Jọpa hụn rị mkpẹnrẹn Ohimin hụ — makẹni Saịrọsị eze Pẹshịa a sịgụọ wẹ mẹ ẹ.

Ẹzra 3:7 ပူးပေါင်းရင်းမြစ်များ

Samuẹlụ Nke Ẹbụọ 5:11

Hiram wụ eze Taya nọ bu ogwe osisi sida yesọnmẹ wẹ jẹnni Defidi — wẹ lẹ ndị a ma ụlọ lẹ ndị gi ọmụma e dọn ụlọ, wẹ nọ tụnnị Defidi obi-eze.

Ndị-nze Nke Ibuzọ 5:6

“Gwa wẹ nwan, nị wẹ gbuhẹni m osisi sida ẹgboko Lẹbanọnụ. Ndị nke m jẹnkọ d'e sọn ndị nke i rụn; m k'a kụ ndị nke i ụgwọ ọwụlẹ ị sị m kụ. Y'a marịnghọ nị ẹnyi enwọn onyẹ ọwụlẹ ma gbu osisi nọkẹ ụnụ ndị Sidọnụ.”

Ndị-nze Nke Ẹbụọ 12:10

Wẹ hụn a nị egho rị imẹ ẹkpẹti ahụn e bugụọ ọda, akanwe eze lẹ onyẹ-isi nchụn-ẹjan a bịa d'a gụn egho hụ wẹ wẹhẹ imẹ Ụlọ-nsọ Osolobuẹ, kpọn ẹ yesọnmẹ ẹkpa;

Ndị-nze Nke Ẹbụọ 12:13

Egini wẹ egho hụ w'e wẹhẹ imẹ Ụlọ-nsọ Osolobuẹ mẹmẹ afẹrẹ siliva mọbụ nwa-mbu ukpẹ mọbụ afẹrẹ ndị w'e huye ihiẹn ndị w'e fekpu mọbụ opi mọbụ ihiẹn goru mọbụ siliva ọzọ ọwụlẹ wẹ gi e mẹ ihiẹn imẹ Ụlọ-nsọ Osolobuẹ;

Ihiẹn Mẹni Nke Ẹbụọ 34:10

Wẹ nọ we ẹ ye ndị wẹ tumẹ nị wẹ e lepụ ọrụn idọnzi Ụlọ-nsọ Osolobuẹ ẹnya, e gi w'ẹ kụ ndị-ọrụn ụgwọ-ọrụn, ndị hụn rị e dọnzi ihiẹn Ụlọ-nsọ n'ọ rị k'ọ rị mbụ.

Ẹzra 3:6

Ụhụọhịn ibuzọ imẹ ifọn nke ẹsa kẹ wẹ chụnyemẹni Osolobuẹ ẹjan ahụn w'a dụn ọkụn, kanị wẹ eke gbedọnzimẹ iyetọ Ụlọ-NSỌ Osolobuẹ lẹ enwẹn ẹ ogẹn hụ.

Izikẹlụ 27:17

“ ‘Juda lẹ alị Izrẹlụ te wụzị ndị-afịa ị, e gi ọka-witi ndị Miniti lẹ ogbe figi bu ọda w'a pịngbama a kụ ị ụgwọ, ya lẹ mirin-ẹnwụn, ofugbọn-olivu lẹ ori.

Jona 1:3

Kanị Jona nọ buli n'ọ gbashi alị Tashishi, gbapụnị Osolobuẹ. O shi Jọpa, nọ ebẹhụ chọrị ụgbọ mirin jẹnkọ alị Tashishi. Ọ kụ ụgwọ, banye, n'o sọn wẹ shi alị Tashishi, pụnị Osolobuẹ.

Ọrụn Ndị-ozi 12:20

Hẹrọdụ rị e buni ndị Taya lẹ Sidọnụ olulu ọda-ọda. Ya wẹ nọ zu d'a hụn a. A rịọtọgụọ wẹ Blastusu hụn e lepụ ọgwa Hẹrọdụ ẹnya n'o yeni wẹ ẹka. Ya wẹ nọ nwan jẹn d'e kunrun Hẹrọdụ d'a rịọ a nị wẹ dọn, makẹni alị Hẹrọdụ rị a kị kẹ alị wẹ gha e nwọnhẹn ihiẹn-oriri.

Ọrụn Ndị-ozi 9:36

Imẹ Jọpa, o nwọn okpoho ohu ẹfan a wụ Tabita hụn wụ onyẹ nsọnmazụụn Jesu (Asụsụ Griki, Tabita wụ Dọkasị hụn wụ Ele). Tabita e mẹ ọghọ ọda-ọda, o yeni ndị igbẹnnyẹ ẹka ọhụnma-ọhụnma.

Ọrụn Ndị-ozi 9:38

Lida nọkunmẹ Jọpa; ndị nsọnmazụụn Jesu a nụ nị Pita rị Lida, wẹ nọ zi ikẹnnyẹ ẹbụọ d'a rịọ a, sị, “Dodo, bịa obodo ẹnyi ozigbo!”

Ọrụn Ndị-ozi 9:43

Pita nọ nọdị Jọpa akpọhịn ole-lẹ-ole iwe onyẹ w'a kpọ Saịmọnụ, hụn a rụn ọrụn akpụkpọ.