Ẹzra 3:11 - Ika

¹¹ Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Ẹzra 3:11 ပူးပေါင်းရင်းမြစ်များ

Ihiẹn Mẹni Nke Ibuzọ 16:34

Ye ni Osolobuẹ ekele makẹni ọ rịka mma; ihiẹn-ọsụsụọ a rị jẹnrin ejẹn.

Ihiẹn Mẹni Nke Ibuzọ 16:41

Ndị ọ latọzị che ni wẹ wụ Hẹmanị lẹ Jedutunu lẹ ndị họdụnị wẹ kpọ ẹfan họrị nị wẹ e ye Osolobuẹ ekele, “makẹni ihiẹn-ọsụsụọ a rị jẹnrin ejẹn.”

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Ihiẹn Mẹni Nke Ẹbụọ 7:3

Ogẹn ndị Izrẹlụ ile gi hụn ọkụn ahụn gha elu lala lẹ ọghọ Osolobuẹ rị elu Ụlọ-nsọ, wẹ ile nọ gbu osekpu elu mgbankpo hụn wẹ rị, bu ihun kọma alị, wẹ nọ fe Osolobuẹ, ja a mma, a sị, “Ọ rịka mma; ihiẹn-ọsụsụọ a rị jẹnrin ejẹn.”

Nehemiah 12:24

Ndị-isi ndị Livaị wụ ndịnị: Hashabia, Shẹrẹbịa lẹ Jeshụa nwa Kad'miẹlụ, uwẹ lẹ ndị ọkụ-ẹbụ ibe wẹ hụn e turu azụụn hụn ẹbọ ihun wẹ ogẹn ẹbụ ịja-mma lẹ iye-ekele — ituni bụye, ituni e kwe — nọkẹ kẹ Defidi odibo Osolobuẹ dọn dọnmẹ ẹ;

Nehemiah 12:40

Ya kẹ itu ẹbụọ hụ a bụ ẹbụ-ekele nọ nwan shi imẹ Ụlọ Osolobuẹ d'e werisọnmẹ ọnọdị wẹ; mmẹ nwẹn nọzị mẹ ẹrịra, mmẹ lẹ ndị-isi rị imẹ ndị mmẹ lẹ wẹ wị —

Ẹbụ-ọma 100:5

Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ-ọma 106:1

Ja nị Osolobuẹ mma! Kpanmịn nị Osolobuẹ, makẹni ọ rịka mma; ihiẹn-ọsụsụọ a rị jẹnrin ejẹn!

Ẹbụ-ọma 107:1

Kpanmịn nị Osolobuẹ, n'ọ rịka mma, o nwọnsọnmẹ ihiẹn-ọsụsụọ jẹnrin ejẹn!

Ẹbụ-ọma 118:1

Kpanmịn nị Osolobuẹ n'ọ rịka mma; ihiẹn-ọsụsụọ a enwọn ọgụgụ!

Ẹbụ-ọma 131:1

Euu Osolobuẹ, arị m a pache; m'a ra bọnmẹ. M'a ra bu enwẹn m che ihiẹn kanị m mọbụ ihiẹn m marịnlẹni ẹnya wẹ.

Ẹbụ-ọma 135:3

Ja nị Osolobuẹ mma, makẹni Osolobuẹ arịka mma; gi ni ẹbụ ja ẹfan a mma, makẹni ihiẹn rị mma rọ.

Ẹbụ-ọma 47:1

Ụnụ ndị alị ichẹn-ichẹn, kpọ nị ẹka! Gi ni ẹbụ ịghọghọ ja Osolobuẹ mma!

Ẹbụ-ọma 47:5

Chuku e weri ọnọdị a, oro a pụ! Osolobuẹ e weri ọnọdị a, opi a han!

Ọpụpụ 15:21

Miriam hụ a buyeni wẹ ẹbụnị: “Bụnị nị Osolobuẹ ẹbụ, makẹni o mẹriọlẹ mmẹri hi-ogbe. Kẹ anyịnyan kẹ onyẹ rị e nyinn'ẹ, ọ tụgụọ wẹ ye imẹ ohimin!”

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Hagaị 2:3

‘Imẹ ụnụ ile họdụ nwan imẹ ndị Juda, onyẹ hụn ọghọ ụlọnị ogẹn mbụ nị wẹ d'e tikpọ a? Nanị k'ọ nọ a nwan ẹnya? Ọ nọnị kẹ sị onwọnni ihiẹn ọ wụ?

Zẹkaraya 4:7

“Ihiẹn ọwụlẹ ị wụ, uguni jẹngbu enwẹn elu, i k'e ziẹnkpọ ihun Zerubabẹlụ, họnrin alị aradan. Zerubabẹlụ gha a tụngụ ụlọnị, ịhịan ile k'a rị e yi, ‘Ẹfọma rọ; ẹfọma rọ!!’ ”

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Luku 1:50

O mẹsọnmẹni ndị hụn e humẹn'ẹ isi omikẹn gha agbọ d'e ru agbọ.

Joshụa 6:10

Kanị, Joshụa a sịgụọ wẹ: “Eyikwọlẹni oro; anịkwọlẹ ni wẹ nụdẹ olu ụnụ; ekukwọlẹ ni ihiẹn ọwụlẹ, d'e ru ụhụọhịn m gwa ụnụ yi oro, ụnụ kebe yi oro.”

Joshụa 6:16

Hụn mẹ ẹ mgbe ẹsa, ogẹn ndị nchụn-ẹjan ahụn gi gbu opi (ọdụ) wẹ, Joshụa nọ sị ndị Izrẹlụ, “Yi ni oro!! Ni Osolobuẹ e yegụọ ụnụ obodoni mẹri!

Joshụa 6:5

Ị nụ kẹ opi ndị ahụn hanbie, y'e mẹ ndị-agha ahụn ile yi okẹn oro; mgbọn obodo hụ jẹnkọ d'e ziẹntuchanrịn, ndị-agha ahụn a zụnban imẹ ẹ, onyẹ-onyẹ lẹ ebe ọ rị.”