Ẹzra 3:10 - Ika

¹⁰ Ogẹn ndị rị e gbedọnzi iyetọ Ụlọ-NSỌ Osolobuẹ gi gbegụ a, ndị nchụn-ẹjan nọ yiri ẹwuru nchụn-ẹjan wẹ, burusọnmẹ opi; ndị Livaị wụ ụmụ Asafụ e burusọnmẹ kpajaị (simbalụ); wẹ ile nọ werisọnmẹ ọnọdị wẹ gi a ja Osolobuẹ mma kẹ eze Izrẹlụ wụ Defidi dọn ku ogẹn mbụ.

Ẹzra 3:10 ပူးပေါင်းရင်းမြစ်များ

Ihiẹn Mẹni Nke Ibuzọ 15:24

Ndị nchụn-ẹjan wụ Shẹbania, Joshafatị, Natanẹlụ, Amasaị, Zẹkaraya, Bẹnaya lẹ Ẹliẹza sikọ d'a gha e gbu opi (ọdụ) ihun Ẹkpẹti Chuku. Obẹdi-Ẹdọm lẹ Jehia k'a rịzị ndị k'e che Ẹkpẹti Osolobuẹ nche.

Ihiẹn Mẹni Nke Ibuzọ 15:27

Defidi yi ẹwuru tueni wẹ gi ezigbo linẹni kpa, kẹ ya kẹ ndị Livaị ahụn bu Ẹkpẹti ahụn kẹ ndị rị a bụ ẹbụ kẹzi Kenania hụn kị ndị ọkụ-ẹbụ. Defidi yihụzị ẹwuru-ẹfọdụ hụ wẹ gi linẹni kpa hụn ndị nchụn-ẹjan e yiye elu ẹ.

Ihiẹn Mẹni Nke Ibuzọ 16:37

Defidi nọ bu Asafụ lẹ itu ẹ tọ ihun Ẹkpẹti Nkwerigbama Osolobuẹ, nị w'a nọ ebẹhụ a rụn, ụhụọhịn ọwụlẹ lẹ ọrụn w'a rụn ụhụọhịn hụ.

Ihiẹn Mẹni Nke Ibuzọ 16:42

Hẹmanị lẹ Jedutunu kẹ igbu-opi lẹ ịkụ-kpajaị (simbalụ) lẹ ịkpọ ihiẹn-egu ndị ọzọ wẹ gi a bụ ẹbụ rị nsọ rị ẹka. Ụmụ Jedutunu nwọn iche-nche.

Ihiẹn Mẹni Nke Ibuzọ 23:5

Mmadụ nnụ iri (4,000) k'a gha e che nche ọnụ-mgbọn ichẹn-ichẹn rị Ụlọ-nsọ; mmadụ nnụ iri (4,000) k'a gha e gi ihiẹn-egu ndị ahụn m butọ wẹ gi a ja Osolobuẹ mma a ja a mma.”

Ihiẹn Mẹni Nke Ibuzọ 25:25

Nke mmẹsatọ weri Hanani lẹ ụmụ a ikẹnnyẹ lẹ umunẹ ẹ: mmadụ mmẹbụọ.

Ihiẹn Mẹni Nke Ẹbụọ 35:14

Omẹgụ, wẹ wụ ndị Livaị nọ mẹmẹ nke wẹ lẹ nke ndị nchụn-ẹjan, makẹni ndị nchụn-ẹjan, ndị ẹbozo Ẹrọnụ, rịchanrịn ọrụn a dụn ẹjan ndị hụ w'a dụn ọkụn ọkụn, a dụnzị ụtọrọ anụ ọkụn ọhị e we gba. Ya haịn ndị Livaị gi mẹmẹ nke wẹ lẹ ndị nchụn-ẹjan, ndị ẹbozo Ẹrọnụ.

Ihiẹn Mẹni Nke Ẹbụọ 35:15

Ndị ọkụ-ẹbụ, ebọn Asafụ, hụsọnmẹ ebe w'a nọdị nọkẹ kẹ Defidi lẹ Asafụ lẹ Hẹmanị lẹ Jedutunu hụn a hụnnị Defidi ọhụn ogẹn Defidi dọn gwa wẹ. Ẹlẹ hụn ndị nche rị ọnụ-mgbọn ichẹn-ichẹn e gi gha ọnụ-ọrụn wẹ pụ, ebe o mẹ ni ndị Livaị ibe wẹ hụ e mẹmẹni wẹ anụ wẹ.

Ihiẹn Mẹni Nke Ẹbụọ 5:12

Ndị Livaị ile hụn a kụ egu wuzo ihun ukpo nchụn-ẹjan, nkọ ọwụwa-ẹnyanwụn — kẹ Asafụ kẹ Hẹmanị kẹ Jedutunu kẹ ụmụ wẹ lẹ mmunẹ wẹ. Wẹ ile yi ẹkwa linẹ riẹnni, a kụ ibe kpajaị (simbalụ), a kpọ ụbọ-layẹ lẹ ụbọ-hapụ. Wẹ lẹ ndị nchụn-ẹjan ọgụn-isin rị e gbu opi wị.

Ẹzra 2:41

Ndị ọk'ẹbụ lụanị wụ: ụmụ Asafụ — ẹsatọ kwasị ọgụn-isin (128).

Ẹzra 5:16

Okẹnnyẹni wụ Shẹshibaza nọ bịa, gbe iyetọ Ụlọ Chuku rị Jerusalẹm. Wẹ rịkwọ nwan a tụn a kete mgbẹhụ; w'e k'e tụngụ a.

Ẹbụ-ọma 150:5

Kụ nị kpajaị (simbalụ) gi ja a mma; kụ nị simbalụ a han ọda-ọda gi ja a mma.

Hagaị 2:15

Ka lemẹ ni nwan ihiẹn k'e mẹni gha tannị jẹnmẹ. “Nị ụnụ d'a tụndọnzimẹ Ụlọ-NSỌ Osolobuẹ,

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Zẹkaraya 4:6

Ọ nọ sị m, “Lee ozi Osolobuẹ sị wẹ zi Zerubabẹlụ: Ẹlẹ akwanran mọbụ ikẹn kẹ w'e gi mẹ ẹ, kanị Mmọn m. Ya kẹ Osolobuẹ ihiẹn ile rị okpuru ẹ ku.

Zẹkaraya 4:7

“Ihiẹn ọwụlẹ ị wụ, uguni jẹngbu enwẹn elu, i k'e ziẹnkpọ ihun Zerubabẹlụ, họnrin alị aradan. Zerubabẹlụ gha a tụngụ ụlọnị, ịhịan ile k'a rị e yi, ‘Ẹfọma rọ; ẹfọma rọ!!’ ”

Zẹkaraya 6:12

Y'a sị a, ‘Osolobuẹ ihiẹn ile rị okpuru ẹ sị: Ọnwan wụ okẹnnyẹ hụn ẹfan a wụ “Agalaba”. O sikọ d'a nọ ebe ọ rị wa agala; ịya jẹnkọ d'a tụn Ụlọ-NSỌ Osolobuẹ.

Zẹkaraya 7:3

wẹ jụ ndị nchụn-ẹjan rị Ụlọ-nsọ Osolobuẹ ihiẹn ile rị okpuru ẹ lẹ ndị-amụma ajụjụ, sị, “Nị ẹnyi a kwan, e bu ọnụ ifọn nke isẹn kẹ ẹnyi dọn e mẹ kete ahụa ole-lẹ-ole yeni otikpọ wẹ tikpọ Jerusalẹm?”

Samuẹlụ Nke Ibuzọ 22:18

Ya kẹ eze nọ sị Duẹgị, “Yụ nwẹn, d'e gbu ndị nchụn-ẹjannị.” Ya kẹ Duẹgị onyẹ Ẹdọm nọ gbehutọ, gbu wẹ. Ndị nchụn-ẹjan isẹn kwasị ọgụn-ẹnọ gbegbegbe yi ẹwuru Ẹfọdụ wẹ gi ẹkwa linẹ kwa k'o gbu ụhụọhịn ahụn!