Ẹzra 10:6 - Ika

⁶ Ẹzra nọ nwan gha ihun Ụlọ Chuku ebẹhụ pụ, shi mmughẹ Jehohananị nwa Ẹliashibu. Hụn ahụn ọ rị mmughẹ ebẹhụ, o rini, ọ ranị — makẹni echẹn kẹ ọ rị a kwan makẹ njọ ahụn ndị Izrẹlụ lụaha ebe wẹ kpụnjẹnsọnmẹ wẹ.

Ẹzra 10:6 ပူးပေါင်းရင်းမြစ်များ

Ẹzra 10:1

Hụn ahụn Ẹzra rị ebẹhụ e mẹ ekpere, a sị “Osolobuẹ, ẹnyi e mẹọlẹ njọ”, a kwan, e we enwẹn ẹ e gbe alị ihun Ụlọ Chuku, ndị Izrẹlụ bugbu enwẹn wẹ ọda nọ gbakikomẹmẹ, fihunmẹ ẹ — kẹ ikẹnnyẹ kẹ ikpoho kẹ ụmụ-ẹka. Wẹ nwẹn hụzị a kwan ẹkwan ọda-ọda.

Ẹzra 10:7

Wẹ nọ hị imẹ Juda ile lẹ Jerusalẹm ile, sị ndị ile wẹ kpụnjẹn alị ọzọ lụahanị wẹ zu imẹ Jerusalẹm —

Ẹzra 9:4

Ya kẹ ndị ile oku Chuku Izrẹlụ mẹtụ nọ nọhunmẹ m, makẹ ọlatọnị ndịnị lụaha ebe wẹ kpụnjẹn wẹ latọ iwu Osolobuẹ. M nọdịhụkwọ ebẹhụ m nọdị d'e ru ogẹn wẹ gi a chụn ẹjan ẹnyasị makẹni ụya ru m olu.

Nehemiah 12:10

Jeshụa onyẹ-isi nchụn-ẹjan wụ nẹdi Joyakim, Joyakim wụ nẹdi Ẹliashibu, Ẹliashibu wụ nẹdi Joyada,

Nehemiah 12:22

Nke ndị Livaị, wẹ detusọnmẹ ẹfan ndị-isi wẹ lẹ ndị-ndu ndị nchụn-ẹjan — ogẹn Ẹliashibu lẹ Joyada lẹ Johananị lẹ Jadụa gisọnmẹ wụ ndị-isi nchụn-ẹjan d'e ru ogẹn Dariọsụ eze Pẹshịa:

Nehemiah 13:28

Onyẹ ohu imẹ ụmụ Joyada nwa onyẹ-isi nchụn-ẹjan wụ Ẹliashibu rị a lụ nwa-okpoho Sanbalatị onyẹ Horọnụ; m nọ chụpụ nwa Joyada hụ ebe m rị.

Nehemiah 13:5

ya ọ nọ we mmughẹ ohu shịanị ye Tobaya, mmughẹ wẹ te buche ọka wẹ gi ye oyiye lẹ frankisẹnsị lẹ ihiẹn ụlọ-nsọ lẹ ohu-imẹ-ụzọ-iri ọka lẹ manya-ọhụn lẹ ofigbọn-olivu, hụn wẹ sị wẹ e ye ndị Livaị lẹ ndị ọkụ-ẹbụ lẹ ndị-nche ọnụ-mgbọn ụlọ-nsọ lẹ ihiẹn ndị wẹ a tụnị ndị nchụn-ẹjan.

Nehemiah 3:1

Ya onyẹ-isi nchụn-ẹjan wụ Ẹliashibu lẹ ndị nchụn-ẹjan ibe ẹ nọ ban ọrụn, dọnzi Ọnụ-mgbọn Atụnrụn. Wẹ nọ dọn ẹ nsọ, yikin ẹ, dọnzi ẹ d'e rukwọrị Ụlọ-nche “Ọgụn-isẹn,” dọnzi ẹ d'e ru Ụlọ-nche Hananẹlụ.

Nehemiah 3:20

Baruku nwa Zabaị gi adụdụ dọnzi ebe sọnn'ẹ — gha ebẹhụ mgbọn hụ nọ gọrị d'e ru ebe w'a gha a banye iwe onyẹ-isi nchụn-ẹjan wụ Ẹliashibu.

Jobu 23:12

Apatuni m oku gha a ọnụ pụha; oku-ọnụ a kadẹ m mkpa karị ihiẹn-oriri m.

Ẹbụ-ọma 102:4

Kaka akpụ ndụn ohu arịzị m obi, obi nọ m nwan kẹ ẹfịfịa shinwụnnị; ẹfọ a kpakingụọdẹ m.

Ọpụpụ 34:28

Akpọhịn ọgụnnaị kẹ Mozizi sọn Osolobuẹ nọdị ebẹhụ, efinaị ọgụnnaị lẹ uhinhin, o rini ihiẹn-oriri, ọ ranị mirin. Ọ nọ de oku ndị hụ kwọngbama wẹ lẹ Osolobuẹ, Iwu Iri ahụn, de wẹ ye ibe ọmụma ẹbụọ hụ.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Ditrọnọmi 9:18

Ya m nọzị tụha enwẹn m ye alị, we ihun kpumẹ alị idẹnya Osolobuẹ akp'ọhịn ọgụnnaị, uhinhin lẹ efinaị; erini m ihiẹn-oriri, a ranị m mirin, makẹ njọ ile ụnụ mẹ ụnụ gi mẹ ihiẹn rịlẹni mma ẹnya Osolobuẹ, gi ẹ kpasu ẹ iwe.