Ẹzra 1:7 - Ika

⁷ Eze wụ Saịrọsị nkẹ nọ kpọnpụha ihiẹn ndị hụ te rị Ụlọ-nsọ Osolobuẹ, ihiẹn Nebukadineza kpọnrin imẹ Jerusalẹm butọ imẹ ụlọ-mmọn a.

Ẹzra 1:7 ပူးပေါင်းရင်းမြစ်များ

Ndị-nze Nke Ẹbụọ 24:13

Kẹ Osolobuẹ dọn ku ẹ mbụ-mbụ, Nebukadineza nọ buruchanrịn ihiẹn ile wẹ dọnmẹ imẹ Ụlọ-NSỌ Osolobuẹ lẹ imẹ obi-eze, ọ kwarị ihiẹn goru ile Solomọnụ eze Izrẹlụ mbụ-mbụ mẹmẹ wẹ gi e mẹ ihiẹn imẹ Ụlọ-nsọ Osolobuẹ.

Ihiẹn Mẹni Nke Ẹbụọ 36:10

Mbidọn ahụa e ru, eze Babilọnụ wụ Nebukadineza nọ zi wẹ d'e wẹhẹ ẹ Babilọnụ — ịya lẹ ihiẹn ndị rị mkpa rị imẹ Ụlọ-nsọ Osolobuẹ; Nebukadineza nọ kin Zẹdikaya nwẹnẹ-nẹdi Jehoyakini eze Juda lẹ Jerusalẹm.

Ihiẹn Mẹni Nke Ẹbụọ 36:18

Nebukadineza a kwarịchanrịn ihiẹn ile rị imẹ Ụlọ-nsọ Chuku, kẹ ihiẹn-uku kẹ ihiẹn-nta, kwarịzịkwọ ihiẹn ndị rị mkpa wẹ dọnmẹ imẹ Ụlọ-nsọ Osolobuẹ lẹ ihiẹn ndị rị mkpa eze lẹ ịhaịmẹ ẹ dọnmẹ, kpọnla Babilọnụ.

Ihiẹn Mẹni Nke Ẹbụọ 36:7

Nebukadineza a kwarịzịghọ ihiẹn ndị ọ kwarị imẹ Ụlọ-nsọ Osolobuẹ, bu wẹ che obi-eze ẹ rị Babilọnụ.

Ẹzra 5:14

Ọ ghadẹ ụnọ-mmọn Babilọnụ kwapụha ihiẹn goru lẹ ihiẹn siliva Ụlọ Chuku, hụn Nebukadineza gha Ụlọ-nsọ rị Jerusalẹm kwashi ụlọ-mmọn Babilọnụ. “Saịrọsị e bupụha wẹ, we wẹ ye okẹnnyẹ w'a kpọ Shẹshibaza hụn o tumẹ gọvanọ Ẹgbẹrẹ Nfetu Iyi-Yufretisini,

Ẹzra 6:5

Wẹ wekinzikwọ ihiẹn-goru lẹ ihiẹn-siliva Ụlọ Chuku, ndị hụ Nebukadineza gha Ụlọ Chuku rị Jerusalẹm kwaha Babilọnụ — wẹ wekin wẹ ọnọdị wẹ imẹ Ụlọ-nsọ rị Jerusalẹm; wẹ bu wẹ che imẹ Ụlọ Chuku.

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Daniẹlụ 1:2

Osolobuẹ nọ bu Jehoyakim eze Juda che ẹ ẹka, nịzị a kịrị arịa ndị ọ kịrị imẹ Ụlọ-nsọ Chuku, ọ nọ buru ihiẹn ndịnị shi ụnọ-mmọn a rị Babilọnụ, bu wẹ che ebe w'e dọnmẹ ihiẹn rị mkpa imẹ ụlọ-mmọn a.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.