Ẹsta 9:2 - Ika

² Ụhụọhịn ahụn, ndị Ju zugbama imẹ obodo ichẹn-ichẹn wẹ bi imẹ Azụụn ile rị okpuru Eze wụ Ahazẹrusu, kẹni wẹ maye ndị chọ nị wẹ tikpọ wẹ ọgụn. Onwọnni onyẹ s'ẹka che wẹ ọgụn, makẹni egun wẹ rị a tụ ndị alị ndị ọzọ ile.

Ẹsta 9:2 ပူးပေါင်းရင်းမြစ်များ

Jẹnẹsisi 35:5

Ya wẹ nọ buli; egun Osolobuẹ nọ tụ obodo ile fihunmẹni wẹ, hụn wụnị onwọnni onyẹ chụnị wẹ.

Ẹsta 8:11

Iwu hụ, hụn wụ nwan iwu eze, sị nị e yegụọ wẹ ndị Ju rị obodo ọwụlẹ ikẹn w'e gi zu lẹ hụn w'e gi zụọrị isi wẹ; ikẹn w'e gi tikpọ, gbu, zachanpụ ndị-agha ọwụlẹ mọbụ alị ọwụlẹ mọbụ Azụụn ọwụlẹ, kẹ ikpoho wẹ kẹ ụmụ-ẹka, ndị ọwụlẹ k'a maye wẹ ọgụn — lẹ ikẹn w'e gi kwarị ihiẹn wẹ.

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Ẹsta 9:10

ikẹnnyẹ iri Hamanị nwa Hamẹdata eṅẹnrẹn ndị Ju mụ. Kanị emẹtụnị wẹ ihiẹn wẹ ẹka.

Ẹbụ-ọma 71:13

Ifẹnrẹn ya mẹgbu ndị rị e we iwe m; wẹ la iwi! Ifẹnrẹn ya mẹgbu ndị rị a chọ m njọ; wẹ fa;

Ẹbụ-ọma 71:24

Ọnụ m k'e ku ihiẹn rị mma i mẹ, kẹ ụhụọhịn han, makẹni o kpuyegụọ ndị rị a chọ m isi, a fagụọ wẹ.

Ọpụpụ 23:27

“M k'e zi egun m buruni ụnụ ọzọ, bu isusu che anị ọwụlẹ ụnụ k'a banye. M k'e mẹ ndị iṅẹnrẹn ụnụ gbehutọ gbama ọsọ.

Azaya 8:9

Kokomẹmẹni ni agha-o, ndị alị ile, kanị wẹ k'e gungwọn ụnụ! Gọn ni ntịn, alị ile rịdẹ ebe ụwa ru: Kwademẹ ni agha-o, kanị wẹ k'e gungwọn ụnụ! Kwademẹkwọ nị agha-o, kanị wẹ k'e gungwọn ụnụ!

Ditrọnọmi 2:30

Kanị Sihọnụ wụ eze Hẹsh'bọnụ ekweni nị ẹnyi gha alị a, makẹni Osolobuẹ wụ Chuku ụnụ a kpọkingụọ a obi, mẹ ẹ gba isi-akwanran, n'ọ hụn ụzọ bu ẹ che ụnụ ẹka mẹri, k'o dọn nwan rị tannị.

Joshụa 11:20

makẹni Osolobuẹ kpọkin wẹ obi d'a lụsọn ndị Izrẹlụ agha, kẹn'o tikpọchanrịn wẹ, dọnrin ẹnya kpọnchanpụchanrịn wẹ, k'o dọn gwa Mozizi.

Joshụa 2:9

sị wẹ, “A marịnghọ m nị Osolobuẹ e wegụọ alịnị ye ụnụ lẹ ni egun ụnụ rị a tụ ẹnyi ọda-ọda, nke wụnị ndị ile bi alịnị e dẹnhingụọ makẹni egun ụnụ rị a tụ wẹ.