Ẹsta 9:1 - Ika

¹ O ru nke akp'ọhịn mmẹtọ hụ imẹ ọnwan nke mmẹbụọ hụ wụ ọnwan Ada, hụn wẹ k'e gi mẹzu iwu hụ eze bu ụzọ ti, ụhụọhịn ahụn, ndị-iṅẹnrẹn ndị Ju te bu ẹ obi nị wẹ k'e mẹri ndị Ju, ihiẹn aghazịnị kẹ wẹ dọn ro ẹ, ẹka ndị Ju nọ karị nke ndị-iṅẹnrẹn wẹ.

Ẹsta 9:1 ပူးပေါင်းရင်းမြစ်များ

Samuẹlụ Nke Ẹbụọ 22:41

Y'e mẹ ndị-iṅẹnrẹn m e gbehutọ, gbama ọsọ, e tikpọ m ndị e we iwe m.

Ẹsta 3:13

Wẹ nọ we ẹkụkwọ-ozi ndị hụ yesọnmẹ ndị-ozi a gba ọsọ, e weri wẹ ozini ghagbarị Azụụn ile Ahazẹrusu rị a kị, a sị ịhịan ile wẹ gi akp'ọhịn ohu, nke akp'ọhịn mmẹtọ imẹ ifọn nke mmẹbụọ, hụn wụ ọnwan Ada, tikpọ ndị ju ile, gbuchanrịn wẹ — kẹ ikoro kẹ ndị ẹgẹdi, kẹ ikpoho kẹ ụmụ-ẹka; ọ sịzịkwọ wẹ kwarịchanrịn ihiẹn wẹ.

Ẹsta 3:7

Imẹ ahụa nke mmẹbụọ eze wụ Ahazẹrusu kịma, imẹ ifọn nke ibuzọ hụ wụ ọnwan Nisanị, wẹ nọ gi Puri hụn wụ ịtụ-mkpọ gi uri-uri họye Hamanị ụhụọhịn lẹ ifọn o k'e gi mẹ ihiẹn o romẹni ndị Ju. Mkpọ wẹ tụ hanrịn ụhụọhịn nke mmẹtọ imẹ ifọn nke mmẹbụọ, ọnwan Ada.

Ẹsta 8:12

Ụhụọhịn wẹ kaye ndị Ju k'e gi mẹ ihiẹnni imẹ Azụụn ile Eze wụ Ahazẹrusu rị a kị wụ nke akp'ọhịn mmẹtọ imẹ ọnwan nke mmẹbụọ, hụn wụ ọnwan Ada.

Ẹsta 8:6

Nanị m'a dọn saẹka din ẹ omẹni eje-ihiẹn m hụngụ e kunrun ndị nke m? Nanị m'a dọn saẹka din ẹ omẹni e gbuchanrịn wẹ ndị nke m?”

Ẹsta 9:17

Nke akpọhịn mmẹtọ hụ imẹ ọnwan Ada kẹ ihiẹnni mẹ. Eki e fọn nke akpọhịn mmẹnọ, wẹ nọ zu ikẹn, gi ẹ họnrin ụhụọhịn oriri lẹ ẹfọ-ọsụsụọ.

Ẹbụ-ọma 18:40

ịyụ mẹ ndị-iṅẹnrẹn m gbamanị m ọsọ, we ndị iwe m ye m tọdọn ẹkpịrị, m nọ gbuchanrịn wẹ.

Ẹbụ-ọma 30:11

Y'e gigụọ itẹn-egu nọkin ẹnya ẹkwan m rị a kwan; y'a gbụpụgụọ m ẹkwa-achọ, yimẹ m ịghọghọ,

Ọrụn Ndị-ozi 12:11

Ogẹnni kẹ ẹnya gi fọn Pita, ọ nọ sị, “Kikẹnni k'o we m ẹnya: Di-nwọnni-ẹnyi zi mmọn-ozi ẹ d'a zụọpụha m ẹka Hẹrọdụ lẹ ihiẹn ile ndị Ju te rị a tụ ẹnya a.”

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”