Ẹsta 8:9 - Ika

⁹ Ịya kẹ wẹ nọ kpọ ndị akanwe eze ozigbo. Nke akpọhịn ẹtọ kwasị ọgụn imẹ ifọn nke ẹtọ, hụn wụ ọnwan Sivanị kẹ ihiẹnni mẹ. Wẹ nọ detu ihiẹn ile Mọdikaya sị ndị Ju mẹ lẹ hụn ọ sị ndị ọkịkị mẹ, kẹ ndị ile a nọkin ẹnya eze Azụụn ichẹn-ichẹn kẹ ndị gọvanọ kẹ ndị-isi ile rị Azụụn ẹsa kwasị ọgụn-isin eze rị a kị: gha Ndịa d'e rukwọrị Ẹtiopịa. Wẹ nọ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ya, gi asụsụ alị ichẹn-ichẹn deni wẹ ya, gizi asụsụ ndị Ju lẹ mkpụrụ-ẹkụkwọ wẹ gi e de deni wẹ ya.

Ẹsta 8:9 ပူးပေါင်းရင်းမြစ်များ

Ndị-nze Nke Ẹbụọ 18:26

Ya kẹ Ẹliakim nwa Hil'kia lẹ Shẹbụna lẹ Jụa nọ sị Ọnụ-eze Asiria, “Dodo, gi ebo, asụsụ ndị Aram, gwa ẹnyi ndị idibo i oku, ebe o mẹni ẹnyi a nụghọ a. Asụzịlẹni ẹnyi asụsụ Hibru ẹnyi amamgbe ndị nke ẹnyini rị elu mgbọn gha a nụ.”

Ihiẹn Mẹni Nke Ẹbụọ 15:10

Wẹ ile nọ zu imẹ Jerusalẹm. Ifọn nke ẹtọ kẹ wẹ gi zu, ahụa nke mmisẹn Asa kịma.

Ẹsta 1:1

Ihiẹn ndịnị mẹ ogẹn Ahazẹrusu gi wụ eze alị-eze Pẹshịa, Ahazẹrusu hụn kị Azụụn ẹsa kwasị ọgụn-isin (127) rị alị-eze Pẹshịa ogẹn hụ — ghakwọrị Ndịa d'e ru Ẹtiopịa.

Ẹsta 1:22

Ọ nọ de ẹkụkwọ ozi zijẹnni wẹ Azụụn ile rị alị-eze hụ, Azụụn ọwụlẹ lẹ mkpụrụ-ẹkụkwọ wẹ gi e de ihiẹn, alị ọwụlẹ lẹ asụsụ a, sị okẹnnyẹ ọwụlẹ ya hụn a nị ịya rị a kị ikpụlọ a.

Ẹsta 10:1

Eze wụ Ahazẹrusu kịchanrịn alị ile rị akpakalị lẹ ndị rịkwọrị mkpẹnrẹn ohimin, wẹ ile hụ a tụhan'a ụtụ.

Daniẹlụ 4:1

Mmẹ wụ eze Nebukadineza rị e de ozini e jẹnni ndị ile rị ichẹn-ichẹn, ndị alị ile lẹ asụsụ ile, hụn bi ụwa ile: Ụwa ya rịwayeni ụnụ mma!!

Daniẹlụ 6:1

Eze wụ Dariọsụ sị ọ rịka mma n'o tumẹ ndị-ọkịkị ọgụn isin hụn k'a kịn'a azụụn ile rị alị-eze ẹ

Daniẹlụ 6:25

Ya eze nọ de ẹkụkwọ jẹnni ndị ile rị ichẹn-ichẹn, ndị alị ile lẹ asụsụ ile rị alị-eze ahụn: “Ya masịnị ụnụ ọda-ọda!