Ẹsta 8:10 - Ika

¹⁰ Ẹfan eze wụ Ahazẹrusu kẹ Mọdikaya gi de ẹkụkwọ ndị hụ o zipụ, gi ọla mkpịnsịn ẹka eze gi e biye ihiẹn ẹka biye wẹ ẹka; ọ nọ we wẹ ye ndị ozi gi ẹshin ndị a gba okẹn-ọsọ hụn wẹ zụntọnị eze wejẹnsọnmẹ Azụụn ichẹn-ichẹn.

Ẹsta 8:10 ပူးပေါင်းရင်းမြစ်များ

Ndị-nze Nke Ibuzọ 21:8

Ya Jezibẹlụ nọ gi ẹfan Ehabụ de ẹkụkwọ-ozi ndị o de, gi ihiẹn Ehabụ gi e biye ẹka biye wẹ ẹka. Ọ nọ zisọnmẹ ẹkụkwọ-ozi ndị hụ jẹnni ndị-ichẹn lẹ ndị-isi ọkịkị obodo hụ Nabọtụ bi.

Ndị-nze Nke Ibuzọ 4:28

W'e butọsọnmẹzikwọ ọka-bali lẹ ẹfịfịa ọkpọ-nkụn wẹ sị wẹ e buhẹ ebe ile w'e dọnmẹ ẹshin, ịya kẹ ẹshin a dọkpụn ụgbọ-ẹshin lẹ ẹshin mmaka e ri.

Ihiẹn Mẹni Nke Ẹbụọ 30:6

Kẹ eze dọn ku ẹ, ndị o zi nọ gi ẹkụkwọ-ozi hụ eze lẹ ịhaịmẹ ẹ de ghagbarị Izrẹlụ lẹ Juda ile. Ihiẹn wẹ de wụ: “Ndị Izrẹlụ, kinhẹn ni d'e kunrun Osolobuẹ wụ Chuku Ebraham, Aziki lẹ Izrẹlụ, kẹni o kinhẹn d'e kunrun ụnụ ndị họdụnị, ndị wanahịn ndị-nze Asiria.

Ẹsta 8:8

Ụnụ nwẹn, de ni nwan iwu ọzọ hụn jẹnkọ d'e yeni ndị Ju ẹka; de n'ẹ k'ọ dọn rị mma ẹnya ụnụ. Gi ni ẹfan eze de ẹ, ọnụ e gi ọla mkpịnsịn ẹka eze gi e biye ẹka biye ẹ. Makẹni, w'ara saẹka kagbu ihiẹn wẹ gi ẹfan eze de, gi ọla mkpịnsịn ẹka eze biye ẹ ẹka.”

Jobu 9:25

Ogẹn m hụ a ghakẹnrịn, a gbakẹnrin karịdẹ onyẹ-ọsọ; ọ hụ e feghafe, ịghọghọ arịa.

Ẹkịliziastisi 8:4

Ebe o mẹni eze wụ okusị-ọgụ, onyẹ k'a sa nwan ẹka sị a, “K'ị rịdẹ e mẹ?”

Azaya 60:6

Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Azaya 66:20

Wẹ k'a gha alị ile ndị nke ụnụ rịsọnmẹ welụa wẹ Ugu nsọ m rị Jerusalẹm, gi wẹ kwanị mmẹ wụ Osolobuẹ. Wẹ k'e gi ẹshin lẹ ụgbọ-ẹshin lẹ ihiẹn ndị ọzọ wẹ gi e bu ịhịan bulụa wẹ, kẹ anyịnyan mulu kẹ anyịnyan-mkpukpuke.” Ya kẹ Osolobuẹ ku. Wẹ k'e wẹhẹ wẹ kẹ ndị Izrẹlụ dọn e gi afẹrẹ rụlẹni e buhẹni Osolobuẹ oyiye.

Jerimaya 2:23

K'ị rị a sịnị, ‘Arụnị m; esọnkwọnị m mmọn wụ Baalụ’? Ledẹ agụngụn ị gụn imẹ ọdanmgbugbu; rodẹ ihiẹn i mẹ; onyẹnnyẹ anyịnyan-mkpukpuke ghalẹni a saẹka a nọdị ụzọ ohu k'ị wụ, a gbashi azụụnnị lẹ azụụnnị;

Jerimaya 51:21

ịyụ kẹ m gi e gbu ẹshin lẹ ndị-agha rị e nyinni wẹ; ịyụ kẹ m gi e tikpọ ụgbọ-ẹshin lẹ ndị-agha rị a nyannị wẹ;

Daniẹlụ 4:1

Mmẹ wụ eze Nebukadineza rị e de ozini e jẹnni ndị ile rị ichẹn-ichẹn, ndị alị ile lẹ asụsụ ile, hụn bi ụwa ile: Ụwa ya rịwayeni ụnụ mma!!

Daniẹlụ 6:8

Eze-Agụ, dodo, ti nwan iwu hụ, y'e detu ẹ n'ọ wụrụ hụn wẹ ghalẹni e gbehutọ — n'ọ wụrụ iwu ndị Mẹdịa-lẹ-Pẹshịa wẹ ghalẹni e gbehutọ.”