Ẹsta 7:9 - Ika

⁹ Habona hụn wụzị odibo-uku eze nọ sị, “Ihiẹn wẹ gi e hogbu ịhịan ojijẹn-elu wụ ụbụkụ isẹn kwasị ọgụn-ẹtọ rị ẹhụ iwe Hamanị. Hamanị te mẹmẹ ẹ n'o gi hogbu Mọdikaya hụn kpu ndị chọ nị wẹ gbu eze oro, zụọpụha eze.” Eze nọ sị “Gi n'ẹ hogbu Hamanị.”

Ẹsta 7:9 ပူးပေါင်းရင်းမြစ်များ

Ndị-nze Nke Ẹbụọ 9:32

Jehu nọ lee ẹnya windo hụ rị ibe elu, sị, “Onyẹ rị azụụn nke m ebẹhụ?! Onyẹ?!” Okẹn-okporo ẹbụọ mọbụ ẹtọ hụn e fe eze nọ gha ibe elu hụ lee Jehu ẹnya.

Ẹsta 1:10

Hụn mẹ akp'ọhịn ẹsa, ogẹn manya gi nwunyemẹ eze ẹnya, ọ nọ zi idibo ẹ ẹsa pụ-ichẹn wẹ wara ozi. Mmadụ ẹsa hụ wụ Mẹhumanị, Biz'ta, Habona, Big'ta, Abag'ta, Zeta lẹ Kakasị.

Ẹsta 5:14

Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 6:14

Ebe wẹ nọkwọ e du ẹ e ku oku hụ, idibo-uku eze nọ bịa, wẹ nọ weri Hamanị ozigbo shi oriri hụ Ẹsta kpọ wẹ.

Ẹsta 6:2

Wẹ nọ hụn ebe wẹ detọ a ebẹhụ nị Mọdikaya kpu madụ ẹbụọ oro, Big'tana lẹ Tereshi ndị idibo-uku eze e chen'ẹ ọnụmụzọ, ndị zu umẹ nị wẹ gbu eze wụ Ahazẹrusu.

Ẹsta 8:7

Eze wụ Ahazẹrusu nọ sị Alasị wụ Ẹsta lẹ Mọdikaya onyẹ Ju, “Lee ẹ, e wegụọ m ihiẹn Hamanị ye Ẹsta: a nọgụọ wẹ ebẹhụ Hamanị rụn n'o gi hogbu Mọdikaya hogbu Hamanị lẹ enwẹn ẹ, makẹni ọ chọ ndị Ju njọ.

Ẹsta 9:14

Eze nọ sị wẹ mẹ ihiẹn Ẹsta ku. Wẹ nọ ti iwu imẹ obodo Susa, wẹ nọ kọn ozun ụmụ Hamanị iri hụ ye ihiẹn wẹ gi e hogbu ịhịan.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Ẹbụ-ọma 141:10

Ndị njọ wẹ danye ọga ndị ahụn wẹ gi shi ọnyan, mmẹ nwẹn, nị m ghafe pẹrẹ.

Ẹbụ-ọma 35:8

Ntikpọ ya kunrun wẹ idẹnmizi, ọnyan-ọga wẹ shitọ ya kụ wẹ nwụndọn wẹ; wẹ dan a, la iwi.

Ẹbụ-ọma 73:19

Idẹnmizi, e tikpọ wẹ wẹ; idẹnmizi, ihiẹn egun e kpọnchanpụ wẹ, nke wẹ a gụ!

Daniẹlụ 6:24

Eze nọ zi wẹ, wẹ nọ jẹn d'e wẹhẹ ndị ahụn gi iwe Daniẹlụ rị e weni wẹ kpe Daniẹlụ, tụ wẹ ye imẹ olu ẹwọrọ hụ — wẹ lẹ inyẹnmẹ wẹ lẹ ụmụ wẹ. W'e ke rudẹ alị olu ahụn kẹ ẹwọrọ ndị hụ maye wẹ, kpagichanrịn ọkpụkpụ ile rị wẹ ẹhụ.

Daniẹlụ 6:7

Ẹnyi ndị-nkịkwama lẹ ndị e lepụsọnmẹ ọrụn ichẹn-ichẹn ẹnya lẹ ndị-ọkịkị lẹ ịhaịmẹ lẹ ndị gọvanọ e kwerigbamagụọ nị eze ti iwu, hụn a nị ịhịan ile dọnmẹ ya wụ iwi. Iwu hụ wụ nị onyẹ kpọku mmọn ọwụlẹ mọbụ onyẹ ọwụlẹ mmanị ịyụ wụ eze gha kikẹnni d'e ru ifọn ohu, wẹ tụ hụnyẹ ye imẹ olu ẹwọrọ.

Samuẹlụ Nke Ibuzọ 17:51

Defidi nọ gbaburu ẹ ebẹhụ ọ dantọ, hulụa a, zu ẹka ye ọpịa-agha okẹnnyẹ hu rị ọbụọ, sepụha a, gbu ẹ nwan, gi ọpịa-agha hụ beri ẹ isi. Ogẹn ndị Filistia gi hụn nị odogun wẹ a nwụnọlẹ, wẹ nọ gbehutọ, gbama ọsọ.