Ẹsta 6:4 - Ika

⁴ Eze nọ jụma wẹ, “Onyẹ rị ezi-ọgwa ibuzọ hụ?” Hamanị banhangụhụ ezi-ọgwa ahụn w'e bu ụzọ e ru imẹ obi-eze, n'o d'a gwa eze oku ihogbu Mọdikaya elu ihiẹn nwẹn ọ rụntọn'a.

Ẹsta 6:4 ပူးပေါင်းရင်းမြစ်များ

Ẹsta 4:11

“Ndị ile wẹ lẹ eze gba a rụn lẹ ndị ile rị Azụụn ile eze rị a kị a marịngụọ nị iwu ohu sụọ kẹ wẹ gi e sọn okẹnnyẹ mọbụ okpoho ọwụlẹ jẹn imẹ ọgwa hụ rị imẹ d'e kunrun eze bụ eze akpọn'a: wẹ k'e gburịrị hụnyẹ, mmanị eze bu ọkpọ siliva a zinmẹ onyẹ hụ, ya wụ onyẹ hụ a hụn isi. Mmẹ nwẹn, o zugụọdẹ nwan akp'ọhịn iri kwasị ọgụn kete wẹ kpọlẹ m, kete m jẹnlẹ d'a hụn eze.”

Ẹsta 5:1

Hụn mẹ akpọ ụhụọhịn ẹtọ, Ẹsta nọ yiri ẹwuru-nze ẹ, wuzo ezi-ọgwa rị imẹ-imẹ obi-eze ebẹhụ, nchetarị ihun ebe eze a nọdị a hụn ịhịan. Eze nkẹ nọdị elu ukpo-eze ẹ, bu ihun zinmẹ ọnụmụzọ.

Ẹsta 5:14

Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 6:3

Ya eze nọ sị, “Elee ọghọ kẹ wẹ ye Mọdikaya? Kị wẹ gi ghọsị n'o mẹ okẹn ihiẹnni?” Ndị e jẹnn'ẹ ozi sị a, “Onwọnni ihiẹn wẹ mẹn'ẹ.”

Ẹsta 6:5

Ndị hụ e jẹnni eze ozi nọ sị, “Hamanị rọ.” Eze nọ sị wẹ, “Ya banhan.”

Ẹsta 7:9

Habona hụn wụzị odibo-uku eze nọ sị, “Ihiẹn wẹ gi e hogbu ịhịan ojijẹn-elu wụ ụbụkụ isẹn kwasị ọgụn-ẹtọ rị ẹhụ iwe Hamanị. Hamanị te mẹmẹ ẹ n'o gi hogbu Mọdikaya hụn kpu ndị chọ nị wẹ gbu eze oro, zụọpụha eze.” Eze nọ sị “Gi n'ẹ hogbu Hamanị.”

Jobu 5:13

O gi ihiẹn ndị akọ romẹ a nwụn wẹ, ndị ẹro zugụ umẹ, o mẹ ẹ la iwi.

Ẹbụ-ọma 2:4

Kanị, ẹmụ kẹ Onyẹ hụn rị ukpo-eze elu-igwee a mụ — Di-nwọnni-ẹnyi hụ a mụ wẹ ẹmụ.

Ẹbụ-ọma 33:19

kẹn'ọ gbapụha wẹ imẹ ọnwụn lẹn'o dọnmẹ wẹ ndụn ogẹn ụnwụn.

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.