Ẹsta 5:14 - Ika

¹⁴ Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 5:14 ပူးပေါင်းရင်းမြစ်များ

Samuẹlụ Nke Ẹbụọ 16:21

Ahitofẹlụ nọ sị a, “Sọn ndị mgba nẹdi i ranhịn, ndịnị ọ latọ nị wẹ lepụn'a obi-eze ẹnya. Ndị Izrẹlụ ile jẹnkọ d'a nụ a nị y'e họnringụọ eje-eṅẹnrẹn nẹdi i. Ogẹn ahụn, obi e zewaye ndị ile sọnkọn'ị.”

Ndị-nze Nke Ibuzọ 21:25

(Onwọntuni onyẹ wechanrịn enwẹn ẹ kwanị eje-ihiẹn jọgbu enwẹn ẹ ẹnya Osolobuẹ kẹ Ehabụ dọn mẹ makẹni nwunyẹ ẹ wụ Jezibẹlụ rị e nu ẹ.

Ndị-nze Nke Ibuzọ 21:7

Nwunyẹ ẹ wụ Jezibẹlụ nọ sị a, “Ẹlẹdẹ ịyụ wụ eze Izrẹlụ?! Lihi n'i ri ihiẹn-oriri! Shịapụ ihun. M k'e ye i alị vaịnị Nabọtụ onyẹ Jezriẹlụ.”

Ẹsta 6:4

Eze nọ jụma wẹ, “Onyẹ rị ezi-ọgwa ibuzọ hụ?” Hamanị banhangụhụ ezi-ọgwa ahụn w'e bu ụzọ e ru imẹ obi-eze, n'o d'a gwa eze oku ihogbu Mọdikaya elu ihiẹn nwẹn ọ rụntọn'a.

Ẹbụ-ọma 37:14

Ndị-njọ e sepụha ọpịa-agha, dọzị ụta — nị wẹ gbatu ndị e welụa enwẹn wẹ alị lẹ ndị wẹ rị a bịangbu, nị wẹ gbu ndị obibi wẹ kụrụ ọtọ.

Ẹbụ-ọma 37:32

Ndị-njọ a warị e che ndị ezi-omumẹ, a chọ nị wẹ gbu wẹ;

Ẹbụ-ọma 9:15

Alị ndị hụn ghalẹni e fe i a danbangụọ imẹ mgbugbu wẹ gutọnị ịhịan! Ọnyan wẹ shimẹtọ nzuzue a nwụngụọ wẹ ụkụ!

Itẹn 1:18

Enwẹn wẹ kẹ ndị-njọnị warị e che nị wẹ gbu; enwẹn wẹ kẹ wẹ rịhụ e che nị wẹ gbu!

Itẹn 4:16

Makẹni wẹ ara s'ẹka ranhịn mmanị wẹ mẹgụ eje-ihiẹn; ụran ara tụ wẹ mmanị wẹ mẹgụ ịhịan dan.

Ndị Rom 1:32

A marịnghọ wẹ nị Osolobuẹ sị ndị e mẹ ihiẹn nọ ẹrịra furu hụn a nwụnhụnnị, kanị ẹlẹni w'e mẹ wẹ sụọ, w'a kwadọnzidẹ ndị e mẹni wẹ.

Ndị Rom 3:15

Ụkụ a kẹrẹka wẹ igbu-ọchụn.

Rẹvẹleshọnụ 11:10

Ndị bi ụwa k'a rị a ghọghọ, e mẹ mmẹmmẹ, e yetarị ihiẹn, nị madụ ẹbụbụọ hụ a nwụnhụn, makẹni ndị oku-Chuku ẹbụọnị te bu afụnfụn tọnị ndị ile rị elu-ụwa.