Ẹsta 4:4 - Ika

⁴ Ogẹn ịgbagba Ẹsta lẹ idibo-uku ndị hụ wẹ wara hụn e jẹnn'ẹ ozi gi gwa Ẹsta oku Mọdikaya, ọ nọ fụ a ọda-ọda. Ọ nọ kịye wẹ ẹwuru jẹnni Mọdikaya n'o yiri, kẹn'ọ gbụpụ ẹkpa-mkpụrụ hụ ọ rị e gi a kwan ụya; kanị Mọdikaya ekweni yiri ẹwuru ndị hụ.

Ẹsta 4:4 ပူးပေါင်းရင်းမြစ်များ

Jẹnẹsisi 37:35

Ụmụ a ile, kẹ ikẹnnyẹ kẹ ikpoho, hụ a bịa d'a hụhụ a, ọ nịnị wẹ kwọn. Ọ sị, “M k'a kwan nwa m d'e ru mmọn.” Ya ọ nọ kwan nwa a.

Ndị-nze Nke Ẹbụọ 9:32

Jehu nọ lee ẹnya windo hụ rị ibe elu, sị, “Onyẹ rị azụụn nke m ebẹhụ?! Onyẹ?!” Okẹn-okporo ẹbụọ mọbụ ẹtọ hụn e fe eze nọ gha ibe elu hụ lee Jehu ẹnya.

Ẹsta 1:12

Kanị, ogẹn ndị ozi ahụn gi zi ozi eze zi wẹ, Alasị eze wụ Vashiti ekweni bịa. Eze nọ bumẹ olulu, iwe e we ẹ.

Ẹsta 4:3

Azụụn ọwụlẹ iwu eze ru, ndị Ju rị ebẹhụ a kwanma ụya, e bu ọnụ, a kwan ẹkwan, e goo. Ndị bu ọda imẹ wẹ e yiri ẹkpa-mkpụrụ wẹ gi a kwan ụya, dinẹsọnmẹ ikpọn-ntụn.

Ẹsta 4:5

Ya kẹ Ẹsta nọ kpọ Hatakị, onyẹ ohu imẹ idibo-uku eze ndị hụn eze hanyeni Ẹsta n'ọ hụn ụzọ e jẹnn'ẹ ozi. Ẹsta nọ zi Hatakị d'a jụ Mọdikaya kẹ kị rọ? Kị haịn?

Ẹbụ-ọma 77:2

Kẹ m rị imẹ nsọngbu, a rịọ m Osolobuẹ; a shịapụ m ẹka imẹ uhinhin, a rịọ a, anịnị m ẹka nyan m; anịnị m wẹ hụhụ m.

Azaya 56:3

Onyẹ alị ọzọ gi enwẹn ẹ kwanị Osolobuẹ y'a sịkwọlẹ enwẹn ẹ, ‘Osolobuẹ agụnkọ m yeni ndị nke ẹ wụ ndị Izrẹlụ.’ Onyẹ rị e feni m hụn gilẹni nwunyẹ lẹ ụmụ y'a sịkwọlẹ, ‘Osisi kpọ nkụn kẹ m wụhụ.’

Jerimaya 31:15

Osolobuẹ sị, “Wẹ rị a nụ olu ịhịan imẹ obodo Rama, ọ hụ a kwan ụya, a kwangbu enwẹn ẹ. Rechẹlụ rị a kwannị ụmụ a; ọ nịnị wẹ hụhụ a ẹkwan hụ, makẹni ụmụ a arịzị.”

Ọrụn Ndị-ozi 8:27

Ya ọ nọ lihi, jẹnmẹ. Ọ nọ kunrun onyẹ Ẹtiopịa. Okẹnnyẹni wẹ wara wụ iho-aza hụn e dọnmẹ egho lẹ ihiẹn ile okpoho wụ Kandesi eze Ẹtiopịa nwọn. Ọ bịa Jerusalẹm d'e fe ofufe.

Samuẹlụ Nke Ibuzọ 8:15

O k'e weri ohu-ohu imẹ ọka lẹ mkpụrụ-osisi iri ọwụlẹ ụnụ rụnpụha, we ẹ ye ịhaịmẹ ẹ lẹ ndị ọrụn a;