Ẹsta 4:3 - Ika

³ Azụụn ọwụlẹ iwu eze ru, ndị Ju rị ebẹhụ a kwanma ụya, e bu ọnụ, a kwan ẹkwan, e goo. Ndị bu ọda imẹ wẹ e yiri ẹkpa-mkpụrụ wẹ gi a kwan ụya, dinẹsọnmẹ ikpọn-ntụn.

Ẹsta 4:3 ပူးပေါင်းရင်းမြစ်များ

Ẹsta 1:1

Ihiẹn ndịnị mẹ ogẹn Ahazẹrusu gi wụ eze alị-eze Pẹshịa, Ahazẹrusu hụn kị Azụụn ẹsa kwasị ọgụn-isin (127) rị alị-eze Pẹshịa ogẹn hụ — ghakwọrị Ndịa d'e ru Ẹtiopịa.

Ẹsta 3:12

Nke akp'ọhịn mmẹtọ imẹ ifọn ibuzọ hụ, wẹ nọ kpọ ndị akanwe eze. Wẹ nọ de ihiẹn Hamanị sị ndị ọkịkị ile mẹ — kẹ ndị a nọkin ẹnya eze Azụụn ichẹn-ichẹn kẹ ndị gọvanọ Azụụn ichẹn-ichẹn kẹ ndị-isi kị ndị alị ichẹn-ichẹn. Hamanị sị wẹ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ịya, gizi asụsụ alị ichẹn-ichẹn rị azụụn hụ deni ndị ọwụlẹ ya. Ẹfan eze wụ Ahazẹrusu kẹ wẹ gi de ihiẹn hụ, gi ọla mkpịnsịn ẹka o gi e biye ihiẹn ẹka biye ẹ ẹka.

Ẹsta 4:16

“Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Ẹsta 4:2

Kanị ọnụ-mgbọn eze sụọ k'ọ sa ẹka jẹnru, makẹni w'a ra nị ịhịan yiri ihiẹn wẹ gi a kwan ụya banye obi-eze.

Ẹsta 4:4

Ogẹn ịgbagba Ẹsta lẹ idibo-uku ndị hụ wẹ wara hụn e jẹnn'ẹ ozi gi gwa Ẹsta oku Mọdikaya, ọ nọ fụ a ọda-ọda. Ọ nọ kịye wẹ ẹwuru jẹnni Mọdikaya n'o yiri, kẹn'ọ gbụpụ ẹkpa-mkpụrụ hụ ọ rị e gi a kwan ụya; kanị Mọdikaya ekweni yiri ẹwuru ndị hụ.

Ẹsta 9:31

sị wẹ dọnmẹ ụhụọhịn Purim ndị hụ ogẹn wẹ tumẹn'ẹ, nọkẹ kẹ Mọdikaya lẹ Alasị wụ Ẹsta dọn tini wẹ iwu ẹ, lẹzi kẹ wẹ ile dọn ku ni wẹ lẹ ẹbozo wẹ k'a gha e mẹ banyeni ogẹn ichẹn-ichẹn wẹ tumẹsọnmẹ makẹ ibu-ọnụ lẹ ịkwan-ẹkwan.

Jobu 2:8

Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Azaya 58:5

Ọnwan wụ ụdị ọnụ m sị ụnụ e bu? Ụhụọhịn ịhịan gihụ e ye enwẹn ẹ afụnfụn sụọ rọ? Ụhụọhịn wẹ gihụ e bu ihun a kọma alị kẹ achara lẹ iyihụ ẹkwa-achọ lekẹ onyẹ ihiẹn mẹ, e dinẹ ikpọn ntụn? Ọhụn kẹ ụnụ a kpọ ibu-ọnụ — ụhụọhịn ibu-ọnụ hụn rị mma ẹnya Osolobuẹ?

Izikẹlụ 27:30

Wẹ k'e weshi olu elu, kwannị ị ẹkwan ọda-ọda; e kpọn uzunzun e ye isi, e kpere imẹ ntụn.

Daniẹlụ 9:3

Ya m nọ bu ihun zinmẹ Di-nwọnni-ẹnyi wụ Chuku, mẹmẹ ekpere, rịọma a, e bu ọnụ, e yi ẹkwa-achọ wẹ gi a kwan ụya, e kpọn m ntụn ye isi nke onyẹ ihiẹn mẹ.

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Matiu 13:42

tụ wẹ ye okẹn ọkụn hụ. Ebẹhụ, ịhịan jẹnkọ d'a rị a kwan ẹkwan, a ta nkwẹnrẹn-eze.

Matiu 22:13

Eze nọ sị idibo ẹ, ‘Kẹnmẹ n'ẹ ụkụ lẹ ẹka, tụ a ye ishi ahụn rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’

Matiu 25:30

Tụ nị nwan odibo ẹti hụ ye ishi rị ezi, ebe ịhịan jẹnkọ d'a nọ a kwan ẹkwan, a ta nkwẹnrẹn-eze.’

Joshụa 7:6

Ya Joshụa nọ tika ẹkwa a, fiẹnrin alị, bu ihun kpumẹ alị ihun Ẹkpẹti Osolobuẹ d'e ru ogẹn ẹnyasị, kẹ ịya kẹ ndị-isi Izrẹlụ, kpọn uzunzun ye enwẹn wẹ isi.

Samuẹlụ Nke Ibuzọ 11:4

Ogẹn ndị wẹ zi gi ru Gibia ebe Sọlụ bi, gwa ndị obodo hụ ihiẹn rị e mẹni, wẹ ile nọ kwansusu.