Ẹsta 4:16 - Ika

¹⁶ “Jẹn d'a kpọkwama ndị Ju ile rị imẹ Susa, ụnụ e buni m ọnụ — erilẹ ni, aralẹ ni — akpọhịn ẹtọ, kẹ uhinhin kẹ efinnaị; mmẹ nwẹn lẹ ịgbagba ndịnị e feni m k'e buzikwọ ọnụ kẹ ụnụ dọn rị e bu. O mẹgụ, m k'e jẹn d'e kunrun eze, ọ sụọn'a nị ịdan iwu rọ. Omẹni ọnwụn rọ, a nwụn m.”

Ẹsta 4:16 ပူးပေါင်းရင်းမြစ်များ

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 43:14

Chuku Nwọn ikẹn ile ya mẹni ụnụ omikẹn, mẹ okẹnnyẹ ahụn kweri hatuni ụnụ nwẹnẹ ụnụ o kwọndọn lẹ Bẹnjamini, nị wẹ hụn ụzọ lụaha. O mẹ nke m, omẹni ọnwụn ụmụ e kunrungụọ m, o kunrungụọ m!”

Samuẹlụ Nke Ẹbụọ 10:12

Jikẹnmẹ; nị ẹnyi lụkẹnmẹni ndị nke ẹnyi lẹ obodo ichẹn-ichẹn Chuku ẹnyi ọgụn. Osolobuẹ k'e mẹ ihiẹn rị a mma ẹnya.”

Ndị-nze Nke Ẹbụọ 7:4

Ẹnyi sị nwan, ‘Nị ẹnyi shi imẹ obodo,’ ihiẹn-oriri arị imẹ obodo, ẹnyi jẹnkọ d'a nwụntọ ebahụn. Ẹnyi nọdị ebeni, ẹnyi jẹnkọ d'a nwụnhụn. Nị ẹnyi gwarị fetu, shi ebe ndị Aram nị kehunmẹni ẹnyi rị d'e we enwẹn ẹnyi ye wẹ. Wẹ dọnmẹ ẹnyi ndụn, ẹnyi a rị ndụn; wẹ gbu ẹnyi, ẹnyi a nwụnhụn.”

Ihiẹn Mẹni Nke Ẹbụọ 20:3

Obi a nahịn Jehoshẹfatị, ọ nọ sị o k'a rịọ Osolobuẹ. Ọ nọ sị ndị Juda ile bu ọnụ.

Ẹzra 8:21

Ebẹhụ ẹnyi rị ẹhụ Ote-mirin Ahava, m nọ kpọye ibu-ọnụ, kẹni ẹnyi welụa enwẹn ẹnyi alị ihun Chuku ẹnyi, rịọ a n'o ye ẹnyi lẹ ụmụ ẹnyi lẹ ihiẹn ẹnyi ijẹn-ẹwẹrẹ.

Ẹsta 4:15

Ẹsta nọ zikin wẹ d'a sị Mọdikaya:

Ẹsta 4:17

Mọdikaya nọ pụ d'e mẹ ihiẹn Ẹsta sị a mẹ.

Ẹsta 4:3

Azụụn ọwụlẹ iwu eze ru, ndị Ju rị ebẹhụ a kwanma ụya, e bu ọnụ, a kwan ẹkwan, e goo. Ndị bu ọda imẹ wẹ e yiri ẹkpa-mkpụrụ wẹ gi a kwan ụya, dinẹsọnmẹ ikpọn-ntụn.

Ẹsta 5:1

Hụn mẹ akpọ ụhụọhịn ẹtọ, Ẹsta nọ yiri ẹwuru-nze ẹ, wuzo ezi-ọgwa rị imẹ-imẹ obi-eze ebẹhụ, nchetarị ihun ebe eze a nọdị a hụn ịhịan. Eze nkẹ nọdị elu ukpo-eze ẹ, bu ihun zinmẹ ọnụmụzọ.

Ẹsta 9:31

sị wẹ dọnmẹ ụhụọhịn Purim ndị hụ ogẹn wẹ tumẹn'ẹ, nọkẹ kẹ Mọdikaya lẹ Alasị wụ Ẹsta dọn tini wẹ iwu ẹ, lẹzi kẹ wẹ ile dọn ku ni wẹ lẹ ẹbozo wẹ k'a gha e mẹ banyeni ogẹn ichẹn-ichẹn wẹ tumẹsọnmẹ makẹ ibu-ọnụ lẹ ịkwan-ẹkwan.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Jerimaya 36:9

Hụn mẹ ahụa isẹn Jehoyakim nwa Josaya kịma alị Juda, imẹ ifọn nke itenẹi, ndị ile bi Jerusalẹm lẹ ndị ile ghasọnmẹ obodo ichẹn-ichẹn rị alị Juda bịa nọ zu imẹ Jerusalẹm ihun Osolobuẹ d'e bu ọnụ wẹ kayeni wẹ.

Daniẹlụ 2:18

Ọ nọ sị wẹ rịọ Chuku rị elu-igwee n'o mẹni wẹ omikẹn ebe ihiẹn-omimini rị, amamgbe w'e gbu ya nwẹn wụ Daniẹlụ lẹ ibe ẹ cheni ndị a hụn ụzọ rị Babilọnụ.

Matiu 12:40

Kẹ Jona dọn nọ akpọhịn ẹtọ imẹ ẹfọ azụn hụ hi-ogbe, ẹrịra kẹ mmẹ nwẹn Nwa nke Ịhịan k'a nọ akpọhịn ẹtọ imẹ alị.

Luku 9:24

Makẹni onyẹ chọ n'o ghe isi ẹ, isi ẹ a tọ a; kanị, onyẹ hụn gi ufiri m tuhu ndụn a k'e nwọnhẹn ẹ.

Jọnụ 19:22

Paịleti nọ shịarị wẹ, “E degụọ m ihiẹn m de.”

Ọrụn Ndị-ozi 10:7

Ogẹn mmọn-ozi hụ gwa a oku gi pụgụ, Kọnẹlusu nọ kpọ idibo ẹ ẹbụọ lẹ onyẹ-agha ohu e feshi Osolobuẹ ikẹn imẹ ndị e jẹnn'ẹ ozi.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ọrụn Ndị-ozi 27:33

Ụzụtụntụn biribiri, Pọlụ nọ rịọ wẹ ri ihiẹn-oriri, ọ sị, “Tannị mẹ ẹ akpọhịn mmẹnọ obi kọnrin ụnụ elu ẹnịna, ẹfọ kpakin ụnụ, ụnụ erini ihiẹn-anaị.

Ọrụn Ndị-ozi 9:9

O leghanị ụzọ, o rini, ọ ranị, ọrọgbọ akpọhịn ẹtọ.

Ndị Rom 16:4

Wẹ gi ufiri m be isi wẹ ye ọb'ẹka. Ẹlẹdẹ mmẹ sụọ rị a kpanmịn wẹ, ndị ụka ile rịsọnmẹ alị ndị wụlẹni ndị Ju rịzị a kpanmịn wẹ.

Ndị Filipi 2:30

makẹni ọrụn Kraịstị e d'a napụ a ndụn a, ebe ọ nọ bu ndụn a che ọb'ẹka n'o nọkin ẹnya ụnụ yeni m ẹka.

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”

Samuẹlụ Nke Ibuzọ 19:5

O bu ndụn a che ọb'ẹka ogẹn o gi gbu onyẹ Filistia hụ. Osolobuẹ gi ẹ ye Izrẹlụ ile okẹn mmẹri, yụ nwẹn a hụnghọ a, ẹfọ nọ sụọ ị ụsụọ. K'i k'e mẹni nwan onyẹ nọ kẹ Defidi nwọnlẹni eje-ihiẹn o mẹ njọ? K'i k'e gbun'ẹ bụ onwọnni ihiẹn ị k'a sị y'a k'o mẹ?”