Ẹsta 3:2 - Ika

² Ndị-isi ọrụn eze ile rị ọnụ-mgbọn obi-eze a rụn ọrụn nọ gbumẹni Hamanị osekpu, e ye ẹ ọghọ, makẹni ịya kẹ eze sị wẹ e mẹn'ẹ. Kanị Mọdikaya ekweni gbun'ẹ osekpu mọbụ ye ẹ ọghọ.

Ẹsta 3:2 ပူးပေါင်းရင်းမြစ်များ

Jẹnẹsisi 41:43

Fẹro nọ bu ụgbọ-anyịnyan hụn e sọn nke ẹ ye Josẹfụ, yezikwọ a ndị k'a gha e sọn ẹ ebe-lẹ-ebe o jẹnkọ, e yi “Gbu ni n'ẹ osekpu!” Ẹnịna kẹ Fẹro mẹ we alị Ijiptu ile che okpuru Josẹfụ.

Ẹsta 2:19

Ogẹn hụ ịgbagba ndị hụ gi rị e zu ụlọ nke ẹbụọ hụ ndị mgba eze bi, Mọdikaya e nwọnọlẹ ọkwa o gi a nọdị ọnụ-mgbọn eze.

Ẹsta 2:21

Ogẹn ahụn Mọdikaya gi rị ọnụ-mgbọn eze ebẹhụ, Big'tana lẹ Tereshi, idibo eze ẹbụọ rị mkpa wẹ wara hụn e che ọnụmụzọ nọ wemẹ iwe eze wụ Ahazẹrusu, zun'ẹ umẹ nị wẹ gbu ẹ.

Ẹsta 2:5

Ogẹn hụ, o nwọn onyẹ Ju ohu bi obodo Susa ahụn eze nọ a kị alị-eze Pẹshịa. Okẹnnyẹni wụ onyẹ ebọn Bẹnjamini alị Izrẹlụ; ẹfan a wụ Mọdikaya nwa Jaịrị nwa Shimei nwa Kishi.

Ẹsta 3:1

O mẹgụ, eze wụ Ahazẹrusu nọ bushi Hamanị nwa Hamẹdata hụn wụ onyẹ ebọn Agagị elu, ye ẹ ocho lẹ ọkwa kachanrịn nke ndị-isi ile họdụnị.

Ẹsta 3:3

Ya kẹ ndị-isi ọrụn eze ndị hụ a nọ ọnụ-mgbọn eze a rụn nọ jụma Mọdikaya, “Kị haịn i gi a pa oku eze?”

Ẹsta 3:5

Mgbe Hamanị gi hụn a nị Mọdikaya a rị e gbun'ẹ osekpu mọbụ ye ẹ ọghọ, olulu nọ jun ẹ obi.

Ẹsta 5:9

Ogẹn Hamanị gi gha nke Ẹsta pụkọ ụhụọhịn ahụn, ẹfọ hụ a sụọ a ụsụọ, ẹhụ hụ a tụ a. Kanị ogẹn o gi hụn Mọdikaya ọnụ-mgbọn eze, hụn a n'o lihinin'ẹ ọtọ, o yeni ẹ ọghọ kaka, iwe Mọdikaya nọ we Hamanị ọda-ọda.

Ẹbụ-ọma 15:4

hụn e lelịa onyẹ e bi eje-obibi, kanị, ọ gbaye ndị a tụ egun Osolobuẹ; hụn e mẹzu nkwa o kwe, ọsụọn'a nị o k'a rụ a ẹhụ;

Ọpụpụ 17:14

Ya kẹ Osolobuẹ nọ sị Mozizi, “Detu ihiẹnni imẹ ẹkụkwọ, kẹni wẹ hụn ụzọ a nyanhan a. Hụnkwọ a n'ị gụn a nị Joshụa nụ a; makẹni m jẹnkọ d'e finchanpụ Amalẹki elu-ụwa, anyanhankọzị wẹ wẹ.”

Ọpụpụ 17:16

Mozizi sị, “Ẹghẹẹ, makẹni wẹ weshi ẹka ẹbụbụọ elu zinmẹ ukpo-Osolobuẹ, Osolobuẹ k'a gha a lụsọn ndị Amalẹki agha gha agbọ pụ agbọ.”

Daniẹlụ 2:49

Daniẹlụ a rịọ eze, eze nọ kweri tumẹ Shẹdrakị, Mishakị lẹ Abẹdnego nị w'e lepụsọnmẹ ihiẹn ẹnya Ẹgbẹrẹ Babilọnụ hụ — Daniẹlụ nkẹ nọ nọdị ọgwa kẹti-kẹti eze a rụn ọrụn a.

Ditrọnọmi 25:19

Osolobuẹ wụ Chuku ụnụ mẹrigụ ndị iṅẹnrẹn ile fihunmẹ ụnụ imẹ alị ahụn ọ rị e ye ụnụ n'ọ wụrụ ukuu ụnụ, mẹgụ ẹhụ fu ụnụ, gbupụ nị ndị Amalẹki elu-ụwa. Azọkwọlẹ ni!

Ndị Filipi 2:10

Nke wụnị, wẹ kpọhụ ẹfan Jizọsị, ihiẹn ile rị elu-igwee lẹ elu-ụwa lẹ okpuru ụwa sikọ d'e gburịrị osekpu,

Samuẹlụ Nke Ibuzọ 15:3

Jẹn nwan d'a maye ndị Amalẹki, y'e tikpọchanrịn ihiẹn ọwụlẹ wụ nke wẹ. Edọnmẹkwọlẹ wẹ ndụn; ka gbuchanrịn kẹ ikẹnnyẹ kẹ ikpoho kẹ ụmụ-ndu kẹ ndị rị a ra ẹran kẹ efin kẹ atụnrụn kẹ anyịnyan-mkpukpuke kẹ jaki.’ ”