Ẹsta 3:12 - Ika

¹² Nke akp'ọhịn mmẹtọ imẹ ifọn ibuzọ hụ, wẹ nọ kpọ ndị akanwe eze. Wẹ nọ de ihiẹn Hamanị sị ndị ọkịkị ile mẹ — kẹ ndị a nọkin ẹnya eze Azụụn ichẹn-ichẹn kẹ ndị gọvanọ Azụụn ichẹn-ichẹn kẹ ndị-isi kị ndị alị ichẹn-ichẹn. Hamanị sị wẹ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ịya, gizi asụsụ alị ichẹn-ichẹn rị azụụn hụ deni ndị ọwụlẹ ya. Ẹfan eze wụ Ahazẹrusu kẹ wẹ gi de ihiẹn hụ, gi ọla mkpịnsịn ẹka o gi e biye ihiẹn ẹka biye ẹ ẹka.

Ẹsta 3:12 ပူးပေါင်းရင်းမြစ်များ

Ndị-nze Nke Ibuzọ 21:8

Ya Jezibẹlụ nọ gi ẹfan Ehabụ de ẹkụkwọ-ozi ndị o de, gi ihiẹn Ehabụ gi e biye ẹka biye wẹ ẹka. Ọ nọ zisọnmẹ ẹkụkwọ-ozi ndị hụ jẹnni ndị-ichẹn lẹ ndị-isi ọkịkị obodo hụ Nabọtụ bi.

Ẹzra 8:36

Wẹ nọzị zi ndị a kịnị eze rịsọnmẹ Ẹgbẹrẹ Nfetu Iyi-Yufretisi hụ lẹ ndị gọvanọ rị ebẹhụ ozi eze lẹ iwu rịn'a, wẹ nọ kwadọn ndị Ju lẹ ọrụn Ụlọ Chuku.

Ẹsta 1:22

Ọ nọ de ẹkụkwọ ozi zijẹnni wẹ Azụụn ile rị alị-eze hụ, Azụụn ọwụlẹ lẹ mkpụrụ-ẹkụkwọ wẹ gi e de ihiẹn, alị ọwụlẹ lẹ asụsụ a, sị okẹnnyẹ ọwụlẹ ya hụn a nị ịya rị a kị ikpụlọ a.

Ẹsta 3:11

Ọ nọ sị Hamanị, “La oku egho tọ; mẹ ndị hụ k'ọ sụọ ị.”

Ẹsta 8:2

Eze nọ gbụpụ ọla mkpịnsịn ẹka o gi e biye ihiẹn ẹka, hụn ọ napụha Hamanị, we ẹ ye Mọdikaya. Ẹsta nkẹ nọ we ihiẹn Hamanị che ẹka Mọdikaya.

Ẹsta 9:27

ndị Ju nọ tumẹrin akpọhịn ẹbụọnị imẹ ahụa ile nị wẹ lẹ ụmụ wẹ lẹ ndị ile k'a rị a banyeni wẹ k'e girịrị ẹ e mẹ omẹnalị Purim kẹ wẹ dọn gwa wẹ lẹ ogẹn wẹ tumẹn'ẹ.

Daniẹlụ 3:10

Ịyụ wụ eze e tigụọ iwu — nị onyẹ nụ ukwere ọdụ (opi), ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, o sikọ d'a danrịrị nị ihiẹn hụ wẹ gi goru kpụ, gbaye ẹ;

Daniẹlụ 6:12

Wẹ nọ buru eze d'a gwa a oku iwu ahụn o ti, sị, “Eze-Agụ, ẹlẹ i ti iwu, ma ọkwa a, nị onyẹ kpọku mmọn ọwụlẹ mọbụ onyẹ ọwụlẹ manị ịyụ wụ eze gha kikẹnni d'e ru ifọn ohu, wẹ tụ a ye imẹ olu ẹwọrọ?”

Daniẹlụ 6:15

Ya wẹ nọ zuzi buruzi eze, sị a, “Eze-Agụ, nyanhankwọ kẹ iwu Mẹdịa-lẹ-Pẹshịa nọ, n'o nwọnni iwu mọbụ uhi eze biye ẹka hụn w'e hutọ.”

Daniẹlụ 6:25

Ya eze nọ de ẹkụkwọ jẹnni ndị ile rị ichẹn-ichẹn, ndị alị ile lẹ asụsụ ile rị alị-eze ahụn: “Ya masịnị ụnụ ọda-ọda!

Daniẹlụ 6:8

Eze-Agụ, dodo, ti nwan iwu hụ, y'e detu ẹ n'ọ wụrụ hụn wẹ ghalẹni e gbehutọ — n'ọ wụrụ iwu ndị Mẹdịa-lẹ-Pẹshịa wẹ ghalẹni e gbehutọ.”