Ẹsta 2:16 - Ika

¹⁶ Ifọn nke iri wụ Tẹbẹtị, ahụa nke ẹsa eze wụ Ahazẹrusu kịma, kẹ wẹ we Ẹsta jẹnn'ẹ imẹ obi-eze ẹ.

Ẹsta 2:16 ပူးပေါင်းရင်းမြစ်များ

Ẹzra 4:6

Ogẹn Ahazẹrusu wụ Zẹzẹsi gi kịma Pẹshịa, ndị-iṅẹnrẹn nọ dejẹnn'ẹ ẹhụhụọ, kpe ndị Juda lẹ Jerusalẹm ẹka a.

Ẹzra 7:8

Ifọn nke isẹn imẹ ahụa nke ẹsa eze wụ Atazẹzẹsi kịma kẹ Ẹzra gi ru Jerusalẹm.

Ẹsta 2:1

Ihiẹnni ile e mẹgụ, hụn olulu eze gi rọma, ọ nọ nyanhanma Vashiti lẹ iwu wẹ gi sọn ẹ.

Ẹsta 2:15

O ru ogẹn nwagbọọ hụ wụ Ẹsta hụn Mọdikaya mụrụn kẹ nwa a, hụn wụ nwa Abihailu nwẹnẹ nẹdi Mọdikaya, e gi jẹn ebe eze rị, ọ sịnị wẹ ye ẹ ihiẹn ọwụlẹ karị hụn odibo-uku eze ahụn wẹ wara wụ Hẹgaị hụn e lepụ ụlọ inyẹnmẹ eze hụ ẹnya sị a weri. Ihiẹn Ẹsta hụ a sụọ ndị ile hụnn'a.

Ẹsta 2:17

Ẹsta nọ chanban eze ẹnya karị ikpoho ndị ọzọ hụ ile, eze nọ gi ẹnya rị mma lẹ ẹnya rị ichẹn lee ẹ karị ịgbagba ndị ọzọ hụ ile họdụnị. Ọ nọ bu okpu-eze Alasị che ẹ isi, gi ẹ họnrin Alasị nọkin ẹnya Vashiti.

Ẹsta 2:3

Eze ya tumẹsọnmẹ onyẹ ohu-ohu Azụụn ọwụlẹ ọ rị a kị, n'o wẹhẹ ịgbagba ndị hụ ile ma mma-ẹhụ hụn wẹ lẹ okẹnnyẹ kelẹni ranhịntu, bu wẹ tọ ebe inyẹnmẹ eze bi imẹ isi-obodo Susa ebeni. Wẹ bu ịgbagba ndị ahụn che ẹka Hẹgaị, odibo-uku eze wẹ wara, hụn e lepụ ikpoho ẹnya; wẹ ye wẹ ihiẹn wẹ gi a chọ mma.

Ẹsta 8:9

Ịya kẹ wẹ nọ kpọ ndị akanwe eze ozigbo. Nke akpọhịn ẹtọ kwasị ọgụn imẹ ifọn nke ẹtọ, hụn wụ ọnwan Sivanị kẹ ihiẹnni mẹ. Wẹ nọ detu ihiẹn ile Mọdikaya sị ndị Ju mẹ lẹ hụn ọ sị ndị ọkịkị mẹ, kẹ ndị ile a nọkin ẹnya eze Azụụn ichẹn-ichẹn kẹ ndị gọvanọ kẹ ndị-isi ile rị Azụụn ẹsa kwasị ọgụn-isin eze rị a kị: gha Ndịa d'e rukwọrị Ẹtiopịa. Wẹ nọ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ya, gi asụsụ alị ichẹn-ichẹn deni wẹ ya, gizi asụsụ ndị Ju lẹ mkpụrụ-ẹkụkwọ wẹ gi e de deni wẹ ya.