Ẹsta 1:1 - Ika

¹ Ihiẹn ndịnị mẹ ogẹn Ahazẹrusu gi wụ eze alị-eze Pẹshịa, Ahazẹrusu hụn kị Azụụn ẹsa kwasị ọgụn-isin (127) rị alị-eze Pẹshịa ogẹn hụ — ghakwọrị Ndịa d'e ru Ẹtiopịa.

Ẹsta 1:1 ပူးပေါင်းရင်းမြစ်များ

Ẹzra 4:6

Ogẹn Ahazẹrusu wụ Zẹzẹsi gi kịma Pẹshịa, ndị-iṅẹnrẹn nọ dejẹnn'ẹ ẹhụhụọ, kpe ndị Juda lẹ Jerusalẹm ẹka a.

Ẹsta 10:1

Eze wụ Ahazẹrusu kịchanrịn alị ile rị akpakalị lẹ ndị rịkwọrị mkpẹnrẹn ohimin, wẹ ile hụ a tụhan'a ụtụ.

Ẹsta 2:3

Eze ya tumẹsọnmẹ onyẹ ohu-ohu Azụụn ọwụlẹ ọ rị a kị, n'o wẹhẹ ịgbagba ndị hụ ile ma mma-ẹhụ hụn wẹ lẹ okẹnnyẹ kelẹni ranhịntu, bu wẹ tọ ebe inyẹnmẹ eze bi imẹ isi-obodo Susa ebeni. Wẹ bu ịgbagba ndị ahụn che ẹka Hẹgaị, odibo-uku eze wẹ wara, hụn e lepụ ikpoho ẹnya; wẹ ye wẹ ihiẹn wẹ gi a chọ mma.

Ẹsta 8:9

Ịya kẹ wẹ nọ kpọ ndị akanwe eze ozigbo. Nke akpọhịn ẹtọ kwasị ọgụn imẹ ifọn nke ẹtọ, hụn wụ ọnwan Sivanị kẹ ihiẹnni mẹ. Wẹ nọ detu ihiẹn ile Mọdikaya sị ndị Ju mẹ lẹ hụn ọ sị ndị ọkịkị mẹ, kẹ ndị ile a nọkin ẹnya eze Azụụn ichẹn-ichẹn kẹ ndị gọvanọ kẹ ndị-isi ile rị Azụụn ẹsa kwasị ọgụn-isin eze rị a kị: gha Ndịa d'e rukwọrị Ẹtiopịa. Wẹ nọ gi mkpụrụ-ẹkụkwọ Azụụn ichẹn-ichẹn gi e de ihiẹn deni wẹ ya, gi asụsụ alị ichẹn-ichẹn deni wẹ ya, gizi asụsụ ndị Ju lẹ mkpụrụ-ẹkụkwọ wẹ gi e de deni wẹ ya.

Ẹsta 9:30

Mọdikaya nkẹ nọ de ẹkụkwọ-ozi zijẹnsọnmẹni ndị Ju ile rị Azụụn ẹsa kwasị ọgụn-isin rị alị-eze Ahazẹrusu, gi kele wẹ, kasị wẹ obi,

Azaya 18:1

Nsọngbu k'a rịnị ị, alị ahụn wẹ gi nku rị e feni a zụn ụzụn marịn, hụn rị isi Iyi Naịlị imẹ alị Ẹtiopịa,

Azaya 37:9

Sẹnakẹribụ wụ eze Asiria nọ nụ, “Eze ndị Ẹtiopịa wụ Tir'haka kịla ndị-agha d'a maye i ọgụn.” Ọ nụ a, ọ nọ zi wẹ d'a gwa eze alị Juda wụ Hezikaya.

Daniẹlụ 11:2

“Nị m mẹ i nwan marịn ezioku: “Eze ẹtọ k'a pụhazị imẹ alị-eze Pẹshịa, nke ẹnọ hụn k'a pụhanị k'a kachanrịn ọdanfịn e hi. O gigụ akụ-lẹ-ụba a werichanrịn ọkịkị, o mẹ ịhịan ile d'e bunụmanị alị-eze ndị Griki.

Daniẹlụ 6:1

Eze wụ Dariọsụ sị ọ rịka mma n'o tumẹ ndị-ọkịkị ọgụn isin hụn k'a kịn'a azụụn ile rị alị-eze ẹ

Daniẹlụ 9:1

Imẹ ahụa ibuzọ Dariọsụ kịma — Dariọsụ onyẹ Mẹdịa, nwa Ahazẹrusu hụn wẹ tumẹ onyẹ ọkịkị alị-eze Babilọnụ —