Emọsụ 9:8 - Ika

⁸ “Ile kẹ Di-nwọnni-ẹnyi Osolobuẹ e lee alị-ezeni rị e mẹ njọ. M k'e tikpọ a, wepụ a elu ụwa, kanị, etikpọchanrịnkọ m ikpụlọ Jekọpụ ile.” Osolobuẹ e kugụọ a!

Emọsụ 9:8 ပူးပေါင်းရင်းမြစ်များ

Jẹnẹsisi 6:7

Ya kẹ Osolobuẹ nọ sị, “M k'e kpọnchanpụ ịhịan elu-ụwa, ịhịan hụn m gi ẹka m ke; m k'e kpọnchanpụ ịhịan lẹ anụmanụ lẹ ihiẹn ndị hụn a rịhunmẹni lẹ ndị e fe elu. K'ọ rị m, ekeni m wẹ.”

Jẹnẹsisi 7:4

Makẹni, akpọhịn ẹsa tannị, m k'e zihẹ mirin k'e zue ọrọgbọ akpọhịn ọgụnnaị, uhinhin lẹ efinaị; m k'e gi ẹ gbupụ ihiẹn ile rị ndụn m ke hụn rị imẹ ụwa.”

Ndị-nze Nke Ibuzọ 13:34

Ọhụn wụ njọ ikpụlọ Jerobụam mẹ, hụn buhẹn'ẹ ọdịdan lẹ ntikpọ elu ụwa.

Itẹn 15:3

Ẹnya Osolobuẹ rị ụzọ ile, e lee ndị eje-omumẹ lẹ ndị ezi-omumẹ.

Itẹn 5:21

Makẹni ụzọ hụn ịhịan a gha ezuerini ẹnya Osolobuẹ kaka, o lechan ụzọ ile hụnyẹ a gha.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Jerimaya 5:10

D'e wiwisọnmẹ ugbo vaịnị a — ka ewiwichanrịnlẹ wẹ. Kwapụchanrịn a agala, nị ndịnị ẹlẹ nke Osolobuẹ.

Hosia 1:4

Osolobuẹ nọ sị Hosia, “Gụn nwata hụ ‘Jezriẹlụ.’ Makẹni, o biekọ e ye m ẹbozo eze hụn wụ ụmụ Jehu afụnfụn makẹ ndị ahụn ile o gbu Ọdanmgbugbu Jezriẹlụ, a napụ m ikpụlọ a alị-eze Izrẹlụ Ẹbamịn-ugu.

Hosia 1:6

Omẹgụ, Goma nọ tụrụzị imẹ, mụ okpoho. Osolobuẹ nọ sị Hosia, “Gụn a ‘Lo-Ruhama’ hụn wụ ‘Omikẹn-arịa,’ makẹni ẹlẹ m k'e mẹzi omikẹn ndị Izrẹlụ Ẹbamịn-ugu gbagharị wẹ.

Juwẹlụ 2:32

Onyẹ ọwụlẹ hụn k'a kpọku ẹfan Osolobuẹ k'a wanahịn makẹni Osolobuẹ e kuọl'a n'o k'e nwọnrịrị ndị k'a wanahịnnị — imẹ ndị rị ugu Zayọnụ lẹ ndị rị Jerusalẹm; ndị hụ k'a wanahịnnị k'a wụ ndị m họrị.

Emọsụ 3:12

Osolobuẹ sịzị: “Ụkụ atụnrụn ẹbụọ sụọ mọbụ mkpikpi ntịn kẹ onyẹ e du anụ a saẹka a napụha ẹwọrọ. Ẹrịra kẹ wẹ k'a zụọpụha ndị wẹ k'a zụọpụha imẹ ndị Izrẹlụ bi Sameria, ibe bẹdi lẹ ibe oche sụọ k'a họdụnị wẹ.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Emọsụ 9:10

Wẹ k'e gi ọpịa-agha gbuchanrịn ndị nke m ile e mẹ njọ, ndị hụn a sị, ‘Eje-ihiẹn erukọ ẹnyi ẹhụ, o kunrunkọ ẹnyi.’

Emọsụ 9:4

Ọsụọn'a nị ndị iṅẹnrẹn e mẹri wẹ kpụnshi wẹ alị ọzọ, m k'a sị ọpịa-agha gbu wẹ ebẹhụ; m k'e bu ẹnya zinmẹ wẹ, elekọ m ẹnya hụn m'e gi mẹyeni wẹ, kanị hụn m'e gi mẹshi wẹ ikẹn.”

Ditrọnọmi 4:31

makẹni Osolobuẹ wụ Chuku ụnụ wụ Chuku omikẹn, ọ jụtọkọ ụnụ mọbụ gbupụ ụnụ mọbụ zọ nkwerigbama rị ẹgbata ịya lẹ ndị nẹdi ụnụ, hụn o gi ufiri ẹ kunni wẹ enwẹn ẹ.

Ditrọnọmi 6:15

Osolobuẹ wụ Chuku ụnụ hụn rị imẹ igunrun ụnụ wụ Chuku ẹnya a fụ; o k'e gi olulu mẹ ụnụ ihiẹn, kpọnchanpụ ụnụ alị hụ.