Emọsụ 9:7 - Ika

⁷ Ọ sị: Ẹnya m, kị rịdẹ nwan ichẹn imẹ ụnụ ndị Izrẹlụ lẹ ndị Ẹtiopịa? Mmẹ gha alị Ijiptu wepụha ndị Izrẹlụ, ẹlẹ ịya? Kanị mmẹ ghazị alị Kaftọ wepụha ndị Filistia; mmẹ ghazị alị Kiri wepụha ndị Aram.

Emọsụ 9:7 ပူးပေါင်းရင်းမြစ်များ

Ndị-nze Nke Ẹbụọ 16:9

Ya eze Asiria nọ mẹ ihiẹn ọ rịọ a, maye obodo Damaskọsụ, weri ẹ, kpụnrụn ndị rị Damaskọsụ shi Kiri, gbu Rẹzini.

Ihiẹn Mẹni Nke Ẹbụọ 14:12

Ya kẹ Osolobuẹ nọ gbumẹni Asa lẹ ndị Juda ndị Kushi hụ, ndị Kushi nọ gbama ọsọ;

Ihiẹn Mẹni Nke Ẹbụọ 14:9

O mẹgụ, Zẹra onyẹ Ẹtiopịa (Kushi) nọ kpọnrin ndị-agha bugbu enwẹn wẹ ọda lẹ ụgbọ-ẹshin ọgụn-mmisẹn buli, bịakwọrị Maresha d'a lụsọn ẹ agha.

Ọpụpụ 12:51

Ụhụọhịn ohu ahụn kẹ Osolobuẹ gha alị Ijiptu wepụha ebọn ile rị Izrẹlụ.

Azaya 20:4

ẹrịra kẹ eze Asiria k'a dọn gbarị ndị Ijiptu lẹ ndị Ẹtiopịa ọtọ, duru wẹ lẹ ụkụ mmaka d'e họnrin igbọn; ikẹn wẹ ile k'a rị oghe — kẹ ikoro kẹ ndị-ichẹn, nị ifẹnrẹn hụn ụzọ mẹgbu ndị Ijiptu,

Azaya 22:6

Ndị alị Ẹlam bukọ ẹkpa ọbara-ụta, uwẹ kịzị ụgbọ-ẹshin agha lẹ ndị e nyinn'ẹ; ndị alị Kiri nkẹ e bupụha akpaịn.

Azaya 43:3

makẹni mmẹ wụ Osolobuẹ, hụn wụ Chuku ụnụ, Onyẹ-nsọ Izrẹlụ, Onyẹ Azụọpụhanị ụnụ; mmẹ gi Ijiptu gbarị isi ụnụ, gizikwọ Ẹtiopịa lẹ Sẹba gbarị ụnụ.

Jerimaya 13:23

Nị onyẹ-ogi saẹka mẹ ẹhụ a chanma ụchan? Nị liopadị saẹka wepụ ẹkịrịka rị a ẹhụ? Yụ nwẹn as'ẹka mẹ ihiẹn rị mma makẹni eje-ihiẹn a mụmarịngụọ ị.

Jerimaya 47:4

Makẹni ogẹn e rugụọ w'e gi tikpọ ndị alị Filistia ile, napụchanrịn ndị Taya-lẹ-Sidọnụ ndị ile te họdụnị nkẹ e yeni wẹ ẹka. Osolobuẹ e d'e tikpọ ndị Filistia, ndị ahụn gha alị Kaftọ wụ Kriti ohimin fihunmẹ bịa d'e biri alị Filistia.

Hosia 12:13

Onyẹ-amụma kẹ Osolobuẹ gi zụọpụha ndị Izrẹlụ imẹ alị Ijiptu; onyẹ-amụma k'o gizi du wẹ, chemẹ wẹ.

Emọsụ 1:5

M k'e tikpọ ọnụ-mgbọn Damaskọsụ, gbu ndị bi alị wẹ wụ Aram: kẹ ndị bi Ọdanmgbugbu Avẹni kẹ onyẹ rị a kị obodo Bẹt-Idẹni. Wẹ k'a kpụn ndị Aram shi alị Kiri.” Osolobuẹ e kugụọ a!

Emọsụ 2:10

Mmẹ wepụhazịkwọ ụnụ imẹ alị Ijiptu, du ụnụ imẹ atụ ahụa ọgụnnaị, we alị ndị Amọ ye ụnụ weri.

Ditrọnọmi 2:23

Ọ rịzị kẹ nke ndị Avụ te bi ụmụ-alị rịsọnmẹ mkpẹnrẹn Ohimin Uku d'e rukwọrị Gaza; ndị Kaftọ hụn gha alị ohimin wụ Kriti bịa gbupụ wẹ, bikin alị wẹ.)