Emọsụ 9:5 - Ika

⁵ Di-nwọnni-ẹnyi Osolobuẹ ihiẹn ile rị okpuru ẹ, onyẹ hụn e mẹtụ ụwa ẹka, ọ rịnranpụ, ndị ile rị imẹ ẹ a kwanma, alị lẹ enwẹn ẹ e buli kẹ Iyi Naịlị, buli, ziẹnban, nọkẹ Iyi Naịlị Ijiptu;

Emọsụ 9:5 ပူးပေါင်းရင်းမြစ်များ

Ẹbụ-ọma 104:32

Osolobuẹ lehụ ụwa ẹnya, ụwa e zinzinmẹ; o mẹtụhụ ugu ọwụlẹ ẹka, ẹnwụnrụn a lọpụhama!

Ẹbụ-ọma 144:5

Osolobuẹ dodo nupụ igwere i hidan; mẹtụhụ ugu ẹka nị wẹ lọma ẹnwụnrụn.

Ẹbụ-ọma 32:6

Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.

Ẹbụ-ọma 46:6

Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!!

Ẹbụ-ọma 97:5

Ugu hụ a rịnranpụ lekẹ ofigbọn kẹ Osolobuẹ, Onyẹ Hụn Nwọn ụwa ile lala!

Azaya 64:1

K'o furu y'a dọwapụ igwere, hidan — nkẹ ugu ile e mẹhunmẹ ihun i,

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Emọsụ 8:8

Ẹlẹ ọnwan haịn alịnị k'e gi mẹhunmẹ onyẹ ọwụlẹ rịn'a a kwan ụya? Alị k'e buli kẹ Iyi Naịlị, o k'e buli kẹ Iyi Naịlị, ziẹnban.”

Nahum 1:5

Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Habakọkụ 3:10

Ugu a hụn ị k'ị lala, ọ nọ fịkọma yeni egun; okẹn mirin e zuemẹ; mirin ohimin e yi oro, kịshin'i ẹka elu;

Matiu 7:27

mirin e zue, huru, okẹn ufere a kpọ ụlọ hụ, ọ nọ dan, dankpọchanrịn ọhụnma-ọhụnma!”

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.