Emọsụ 8:5 - Ika

⁵ a sị, “Mmẹmmẹ Ifọn gi pụ ya mẹdẹ nwan n'ọ gụ, nị ẹnyi hụn ụzọ re ọka ẹnyi! Ụhụọhịn Ezumikẹn ya mẹdẹ nwan n'ọ gụ, nị ẹnyi d'e remẹzi ọka! Ẹnyi k'e bebelụa mkpu ẹnyi, bushi ọnụ a elu, gidẹ eje-mkpu zụ afịa-mmẹgbu;

Emọsụ 8:5 ပူးပေါင်းရင်းမြစ်များ

Ndị-nze Nke Ẹbụọ 4:23

Di ẹ nọ sị a, “K'i k'e kunrunn'ẹ tannị? Onwọnni ofufe rị ichẹn rị tannị — kẹ mmẹmmẹ ifọn-ọhụn kẹ ụhụọhịn Ezumikẹn.” Okpoho hụ nọ sị a, “Nsọngbu arịa.”

Ọpụpụ 31:13

“Sị ndị Izrẹlụ, ‘Ụnụ k'e dọnmẹrịrị iwu m ye ụnụ banyeni ụhụọhịn Ezumikẹn ichẹn-ichẹn. Agbọ ile lalanị, ịya k'a ghọsị nkwerigbama rị ẹgbata mmẹ lẹ ụnụ, kẹni ụnụ marịn nị mmẹ wụ Osolobuẹ, hụn e mẹ ụnụ a rị nsọ.

Itẹn 11:1

Igi mkpu rịlẹni mma zụ afịa wụ arụ ẹnya Osolobuẹ kanị ezigbo mkpu a sụọ a ụsụọ.

Itẹn 16:11

Osolobuẹ sị ezigbo mkpu k'ọ chọ, wẹ ile rị imẹ ẹkpa ya wụchanrịn nke ẹ.

Itẹn 20:23

Igi eje-mkpu a zụ afịa wụ arụ ẹnya Osolobuẹ, i gi skelu wụlẹni ezigbo ẹ a zụ afịa arị mma.

Azaya 1:13

Wẹhẹbehi ni ni m oyiye nwọnlẹni-isi! Nsẹnsi ụnụ a rụgụọdẹ ẹnya m. Kẹ Mmẹmmẹ Ifọn-ọhụn ụnụ kẹ Ụhụọhịn Ezumikẹn ichẹn-ichẹn ụnụ gi e fe m kẹ Ozuzu ofufe ichẹn-ichẹn ụnụ, Asa m ẹka dinzi: e mẹ njọ e zuzi ozuzu-nsọ ndịnị!!

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Hosia 12:7

Osolobuẹ sị, “Onyẹ e gi eje mkpu a zụn afịa kẹ Ifrem wụ, onyẹ mmẹgbu a sụọ.

Hosia 12:8

Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’

Lẹvitikọsụ 19:36

Gi ni ezigbo skelu lẹ mkpu lẹ ọgọ ma ihiẹn. Mmẹ wụ Osolobuẹ, Chuku ụnụ, hụn gha Ijiptu wepụha ụnụ.

Zẹkaraya 5:6

M nọ sị, “K'ọ wụ?” Ọ sị, “Ụkpalị pụlanị rọ.” Ọ nọzị sị, “Ọnwan wụ njọ wẹ rị e mẹ imẹ alịnị ile.”

Zẹkaraya 5:8

Mmọn-ozi hụ nọ sị, “Okpohoni wụ Eje-obibi.” Ya ọ nọ nukin ẹ imẹ ụkpalị ahụn, nu okun ite-igwe ahụn nyịngbu enwẹn ẹ nukin ụkpalị hụ.

Malakaị 1:13

ụnụ e sị, ‘Ihiẹnni a gụ ndụn!’ Ụnụ e shin ẹ. Ya kẹ Osolobuẹ ku. “Ụnụ e wẹhẹsọnmẹ ihiẹn ụnụ narịn ịhịan mọbụ anụ dan ngụrọ mọbụ hụn rịlẹni ikẹn — wẹ ile kẹ ụnụ gi e ye oyiye! Nị m kweri narịn ụnụ ya? Ya kẹ Osolobuẹ ku.

Ọgụngụn 10:10

E gbuzikwọ nị opi ndị ahụn ogẹn ụnụ gi a ghọghọ — ogẹn mmẹmmẹ ndị ahụn wẹ kayesọnmẹ ni ụnụ lẹ mmẹmmẹ Ifọn Ọhụn; e gbu ni opi ndị ahụn ụnụ gha a chụn ẹjan ụnụ w'a dụn ọkụn lẹ ẹjan-ekele ụnụ, a wụrụ wẹ ihiẹn Chuku ụnụ e gi nyanhan ụnụ. Mmẹ wụ Osolobuẹ, Chuku ụnụ.”

Ndị Kolosị 2:16

Anịlẹ ni wẹ nwan gi oku ihiẹn-oriri lẹ ihiẹn-ọrịra ma ụnụ ikpe, mọbụ oku mmẹmmẹ ọwụlẹ mọbụ Mmẹmmẹ ifọn-ọhụn mọbụ Ụhụọhịn Ezumikẹn rị ichẹn-ichẹn.

Samuẹlụ Nke Ibuzọ 20:5

Defidi nọ sị a, “Lee ẹ, eki wụ Mmẹmmẹ Ifọn-ọhụn, mmẹ lẹ eze te k'e ri ihiẹn-oriri; kanị, nị m jẹn d'a warị imẹ ugbo d'e ru ẹnyasị nwẹnẹ-eki.