Emọsụ 7:8 - Ika

⁸ Osolobuẹ nọ sị m, “Emọsụ, k'ị rị a hụn?” M nọ sị, “Plọmụ wẹ gi e lele kẹ ẹhụ-ụlọ e zinghọ.” Ya kẹ Osolobuẹ nọ sị, “Lee ẹ: m rị e bu plọmụ wẹ gi e lele ẹhụ-ụlọ e che imẹ igunrun ndị nke m, ndị Izrẹlụ; agbakọzị m wẹ nkịtịn:

Emọsụ 7:8 ပူးပေါင်းရင်းမြစ်များ

Ndị-nze Nke Ẹbụọ 21:13

Ihiẹn m gi ma Sameria ikpe tikpọ a kẹ m sikọ nwan d'e gi ma Jerusalẹm ikpe; mkpu m gi ma ikpụlọ Ehabụ m tikpọ kẹ m'e gi ma a. M k'e finchanpụ ihiẹn ile rị Jerusalẹm kẹ w'e finchan afẹrẹ, e finchanpụ m'a, we ẹ ihun kpumẹ alị.

Azaya 28:17

Ezigbo eṅẹn kẹ m k'a chọ ẹka ụnụ, ezi-omumẹ kẹ m k'a jụ ụnụ ukwere ẹ; ẹkwan-igwere k'e tikpọpụ ntụ hụ ụnụ gbaburu, mirin k'e huru ebahụn ụnụ warị.

Azaya 34:11

Ozuzu ichẹn-ichẹn k'e bisọnmẹ ebẹhụ; udele ichẹn-ichẹn k'e birizikwọ ebẹhụ. Osolobuẹ k'e dọnrin ẹnya mẹ alị Ẹdọm ile gba okpokoro, mẹ ẹ wụrụ mkpọkọ-ụlọ mkpọkọ-ụlọ.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Hosia 1:6

Omẹgụ, Goma nọ tụrụzị imẹ, mụ okpoho. Osolobuẹ nọ sị Hosia, “Gụn a ‘Lo-Ruhama’ hụn wụ ‘Omikẹn-arịa,’ makẹni ẹlẹ m k'e mẹzi omikẹn ndị Izrẹlụ Ẹbamịn-ugu gbagharị wẹ.

Emọsụ 7:7

Ọnwan wụ ihiẹn Osolobuẹ ghọsịzị m: M hụn Osolobuẹ k'o wuzo ẹhụ-ẹjan zinrinchanrịnnị wẹ gi plọmụ lele, tụn; Osolobuẹ gihụ plọmụ ẹka.

Emọsụ 8:2

Ọ nọ sị, “Emọsụ, kị ị rị a hụn?” M nọ sị, “Mkpụrụ osisi channị hụn rị imẹ ụkpalị.” Ya kẹ Osolobuẹ nọ sị m, “Gi ẹ marịn nị ọgụgụ e kunrunọlẹ ndị nke m ndị Izrẹlụ: ahatukọzị m wẹ, m k'e yerịrị wẹ afụnfụn njọ wẹ.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Zẹkaraya 4:2

Ọ nọ sị m, “Kị ị rị a hụn?” M nọ sị a, “M rị a hụn obu-ukpẹ wẹ gi goru kpụ lẹ afẹrẹ rị a ibe-elu. Ukpẹ ẹsa rị obu-ukpẹ hụ. Ukpẹ ẹsa ndị hụ nwọnsọnmẹ ọnụ wẹ e buche oruru-ukpẹ.

Zẹkaraya 5:2

Mmọn-ozi hụ nọ sị m, “Kị ị rị a hụn?” M nọ za, sị, “M rị a hụn ẹkụkwọ wẹ fịfịma fekọnị; usue ẹ wụ ụbụkụ iri-kwasị-ọgụn, ụshịa a wụ ụbụkụ mmisẹn.”