Emọsụ 7:5 - Ika

⁵ Ya kẹ m nọ sị, “Di-nwọnni-ẹnyi Osolobuẹ, dodo kụsị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”

Emọsụ 7:5 ပူးပေါင်းရင်းမြစ်များ

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 10:25

O biekọ, olulu m rị e buni ụnụ a rọ, e bumẹni m wẹ olulu hụn m'e gi tikpọ wẹ.”

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Izikẹlụ 9:8

Ebe mmẹ sụọ rị nwan ogẹn wẹ gi rị imẹ obodo e gbu ndị wẹ rị e gbu, m nọ bu ẹfọ mama alị, kwanma, “Euu Osolobuẹ nwọn ihiẹn ile! I k'e gi ụdị oluluni sọn Jerusalẹm, tikpọchanrịn ndị Izrẹlụ ile họdụnị?”

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Ọgụngụn 14:19

Gi nwan okẹn ihiẹn-ọsụsụọ ị gbagharị ndịnị njọ — k'i dọn rị a gbagharị wẹ ghakwọrị ogẹn wẹ gi gha alị Ijiptu pụha d'e ru ogẹnni.”