Emọsụ 7:2 - Ika

² E rigụ wẹ irurue rị alịnị, m nọ sị, “Di-nwọnni-ẹnyi Osolobuẹ, dodo gbagharị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”

Emọsụ 7:2 ပူးပေါင်းရင်းမြစ်များ

Ẹbụ-ọma 12:1

Dodo Osolobuẹ, d'e ye ẹka n'o nwọnzini onyẹ a tụ egun Osolobuẹ rịnị; w'a ra hụnzị ndị ezioku!

Ọpụpụ 10:15

A kpụjun wẹ alị d'e ru nị alị e gimẹ ngi; wẹ nọ ripụ ihiẹn ile ẹkwan-igwere gbuhọdụ, ihiẹn ile rị ugbo lẹ mkpụrụ-osisi rị elu osisi. O nwọnni ẹhụhụọ-oyiyi họdụ enu osisi mọbụ elu ihiẹn-akụnkụn imẹ alị Ijiptu ile.

Ọpụpụ 34:9

sị, “Euu Di-nwọnni ẹnyi, omẹni ihiẹn m a sụọghọ ị, dodo Di-nwọnni ẹnyi, sọnjẹn ẹnyi nwan. Ezioku-ezioku ndịnị wụ ndị isi-akwanran, ka gbagharị ẹnyi eje-ihiẹn lẹ njọ ẹnyi mẹ, y'e weri ẹnyi nọkẹ ndị nke i.”

Azaya 37:4

O nwọn ikẹn mẹni Osolobuẹ wụ Chuku i a nụgụọ oku-ọnụ onyẹ-isi agha Asiria — onyẹ hụn eze Asiria zi d'a kpari Chuku hụn rị ndụn. Ikẹnkwọ Osolobuẹ wụ Chuku i a jụgbọ a yeni ihiẹn Osolobuẹ nụ ọnụ a. Dodo, mẹni ẹnyi ndị họdụ alịnị ekpere!’ ”

Azaya 51:19

Eje-ihiẹn ẹbụbụọnị e kunrungụọ ị nwan; onyẹ k'a sa nwan ẹka mẹn'i ihiẹn ọwụlẹ? Owiwi lẹ ntikpọ, ụnwụn lẹ ọpịa-agha — onyẹ k'a sa nwan ẹka hụhụ ị ẹkwan?

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Izikẹlụ 11:13

Ebe m rị nwan e bu amụmanị, Pẹlatịa nwa Bẹnaya nọ nwụnhụn. Ya m nọ bu ẹfọ mama alị, yi, “Euu, Osolobuẹ nwọn ihiẹn ile, n'i gbuchanrịn ndị Izrẹlụ ile họdụnị?!”

Izikẹlụ 9:8

Ebe mmẹ sụọ rị nwan ogẹn wẹ gi rị imẹ obodo e gbu ndị wẹ rị e gbu, m nọ bu ẹfọ mama alị, kwanma, “Euu Osolobuẹ nwọn ihiẹn ile! I k'e gi ụdị oluluni sọn Jerusalẹm, tikpọchanrịn ndị Izrẹlụ ile họdụnị?”

Daniẹlụ 9:19

Di-nwọnni-ẹnyi, dodo gọn ntịn! Di-nwọnni-ẹnyi, dodo gbagharị! Di-nwọnni-ẹnyi, dodo nụ nwan, nị ị hụn ụzọ mẹ ihiẹn banyen'ẹ! Chuku m, dodo, makẹ ufiri i, ebielẹ — makẹni Ẹfan ị kẹ obodo i lẹ ndị nke i a za.”

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Emọsụ 4:9

“E zi okẹn anwụn lẹ ndundu gi wẹ wiwipụ ugbo-nta lẹ alị vaịnị ụnụ bu ọda; e zi m igurube d'e ripụ osisi figi lẹ osisi olivu ụnụ; kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 7:5

Ya kẹ m nọ sị, “Di-nwọnni-ẹnyi Osolobuẹ, dodo kụsị! Nị ụmụ Jekọpụ sa ẹka hụn isi? E mẹkẹkwọ wẹ ẹkẹrẹ!”

Zẹkaraya 4:10

“Onyẹ rị nwan e lelịa ihiẹn ndịnị ogẹnni wẹ mẹ ẹkẹrẹ? Ịghọghọ jẹnkọ d'a rị ogẹn wẹ e gi hụn kẹ Zerubabẹlụ tụngụ a, kwọndọn plọmụ wẹ gi e lele k'o zinghọ. “Ukpẹ ẹsa ndị hụ ị hụn wụ ẹnya Osolobuẹ hụn rị e lehunmẹ ụwa ile.”

Rẹvẹleshọnụ 9:4

Wẹ nọ sị wẹ egbulẹ ẹfịfịa rị elu-ụwa mọbụ osisi mọbụ ihiẹn-akụnkụn ọwụlẹ, ka wẹ gbu ndị ahịma Osolobuẹ rịlẹni ezimezi ihun sụọ.