Emọsụ 7:12 - Ika

¹² Amazia nọ nwan sị Emọsụ, “Ịyụ hụn rị a hụn ọhụn, pụ ebeni; lakin alị Juda d'a nọ ebẹhụ chọrị ihiẹn y'e gi e bi, y'a nọ ebẹhụ busọnmẹ amụma ị.

Emọsụ 7:12 ပူးပေါင်းရင်းမြစ်များ

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Azaya 30:10

Wẹ sị ndị a hụn ụzọ, “Hụnbehi ni ọhụn ndị ahụn!” Wẹ sị ndị-amụma, “Gwabehi ni ẹnyi ezioku! Gwama nị ẹnyi ihiẹn ẹnyi chọ nị ẹnyi nụ — bumẹdẹ ni amụma-ntụ.

Azaya 56:11

Nkitẹ okẹn ihiẹn-oriri kẹ wẹ wụ, ẹfọ ara jun wẹ! Ndị-ndu nwọnlẹni nghọta kẹ wẹ wụ; wẹ ile e mẹsọnmẹ ihiẹn sụọnị wẹ, onyẹ-onyẹ hụ a chọ nke-ẹ nke-ẹ.”

Izikẹlụ 13:19

Ụnụ rị e gi ufiri ọka-bali junhụ ọb'ẹka w'e kpọnye ụnụ lẹ mpekele brẹdi e budan m ẹnya ndị nke m. Ụnụ hụ e gi ntụ ụnụ rị a tụ ndị nke m hụn gi ntụ e dọn e gbu ndị furu ni wẹ rị ndụn, a latọ ndị furu ni wẹ nwụn.

Emọsụ 2:12

“Kanị, ụnụ e mẹ ndị-nazịraịtị m ra manya m sị wẹ sọ, ụnụ a jụgbọ ndị-amụma, sị wẹ, ‘Ebukwọlẹ ni amụma!’

Emọsụ 7:11

Emọsụ rị a sị, ‘Ọpịa-agha kẹ wẹ k'e gi gbu Jerobụam. Wẹ k'e wepụrịrị ndị Izrẹlụ alị wẹ, kpụnrụn wẹ shi alị ọzọ.’ ”

Malakaị 1:10

K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Matiu 8:34

Ya ndị obodo hụ nọ rupụha d'e kunrun Jizọsị; a hụn w'a, wẹ nọ rịọ a n'ọ gha ẹgbẹrẹ wẹ pụ.

Luku 13:31

Ogẹn hụzịkwọ, ụfọdụ ndị Itu-Farisi nọ bịa d'e kunrun Jizọsị, sị a, “Ghakwọ ebeni pụ, makẹni Hẹrọdụ chọ n'o gbu i!”

Ọrụn Ndị-ozi 16:39

Wẹ nọ bịa d'a rịọ wẹ. Wẹ nọ wepụha wẹ, rịọma wẹ gha obodo hụ pụ.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.

Samuẹlụ Nke Ibuzọ 2:36

Ogẹn ahụn, onyẹ-lẹ-onyẹ họdụ ikpụlọ ị jẹnkọ d'e gbu osekpu d'e kunrun ẹ kẹn'o ye ẹ egho lẹ n'o beye ẹ ẹkẹrẹ brẹdi, a rịọ a, ‘Dodo, ye m ọrụn onyẹ nchụn-ẹjan rụn, kẹni m hụn ihiẹn-oriri ri.’ ”

Samuẹlụ Nke Ibuzọ 9:9

(Ogẹn mbụ imẹ Izrẹlụ, onyẹ chọ n'o jẹn d'a chọpụha uche Osolobuẹ, o ru ọ sị, “Nị ẹnyi d'e kunrun ‘Onyẹ a hụn ọhụn’ makẹni ihiẹn w'a kpọ ‘Onyẹ-amụma’ ogẹn mbụ wụ Onyẹ a hụn ọhụn.)”