Emọsụ 6:4 - Ika

⁴ O k'a jọ ụnụ njọ, ụnụ ndị rị e ri ụwa — e dinẹ bẹdi magbu enwẹn ẹ mma wẹ gi eze ẹnyi rụn, a danchanpụ elu oche wẹ rụn kẹ bẹdi, e ri anụ efin lẹ anụ atụnrụn wẹ zụntọ, e rijun ẹfọ;

Emọsụ 6:4 ပူးပေါင်းရင်းမြစ်များ

Jẹnẹsisi 37:25

Ogẹn wẹ gi nọdị alị nị wẹ rimẹ ihiẹn-oriri, e lee wẹ ẹnya, wẹ nọ hụn igunrun ndị-afịa, ndị Ishmẹlụ gha Gilẹdị lala. Wẹ bu ihiẹn-udẹn e kun fuẹin lẹ ori alị wẹ lẹ maa jun elu anyịnyan-mkpukpuke wẹ bukọ alị Ijiptu.

Ẹsta 1:6

Wẹ tansọnmẹ ẹkwa linẹni ma mma ṅanrannị ebẹhụ, kẹ ẹkwa ọchan kẹ hụn e nwun bru-bru. Wẹ gisọnmẹ eriri linẹni ọchan lẹ nke pọpụ kẹnmẹsọnmẹ ẹkwa ndị hụ; wẹ kẹnmẹsọnmẹ wẹ ye ẹgba siliva rịsọnmẹ adansụn ọmụma-mabụlụ ndị rị ebẹhụ. Ocho pụ-ichẹn wẹ gi goru lẹ siliva mẹmẹ rịsọnmẹ ebẹhụ. Ọmụma ufie pụ-ichẹn tụsọnmẹ ẹkịrịka kẹ wẹ gi gbe alị ebẹhụ, ya lẹ ihiẹn ndị-ọzọ pụ-ichẹn wẹ buchesọnmẹ ọmụma wẹ gi e gbe alị.

Ẹbụ-ọma 73:7

Kẹ ẹnya wẹ dọn sụnpụha yeni akpa, ẹrịra kẹ wẹ e ro ihiẹn rịlẹni mma.

Azaya 22:13

Kanị, ịghọghọ lẹ okẹn mmẹmmẹ kẹ w'a hụn, igburi efin lẹ igburi atụnrụn, iri-anụ lẹ ịra-manya! A sị, “Nị ẹnyi ri, ra — makẹni ekile kẹ ẹnyi jẹnkọ d'a nwụn!”

Azaya 28:1

Nsọngbu rị e che obodo hụ wụ Sameria, ihiẹn-mma ahụn ndị manya rị a kị Ifrem gi a họnrọn — obobo hụ fapụkọnị, hụn wụ okẹn-mma alị Ifrem — isi-alị a ahụn rị isi ọdanmgbugbu hụn alị a rịgbu enwẹn ẹ mma; nsọngbu rị e che obodo ahụn — hụn wụ ọghọ ndịnị manya budangụ.

Jerimaya 16:8

“Ejẹnkwọlẹ iwe ndị rị e ri oriri d'e du wẹ ri, ra.

Izikẹlụ 16:49

“ ‘Lee njọ nwẹnẹ i okpoho wụ Sodọm mẹ: Ya lẹ mmụ a ikpoho a pache apache, e rikarị enwẹn wẹ, e bi kẹ sị nsọngbu arịa — kanị eyenini wẹ ndị igbẹnnyẹ lẹ ndị elu rị a fụ ẹka.

Izikẹlụ 23:41

danchanpụ elu oche magbu enwẹn ẹ mma, ẹhụ teburu i dọnmẹgụ ọhụnma-ọhụnma, gi nsẹnsi m lẹ udẹn m m'ẹ e kun feịn.

Emọsụ 3:12

Osolobuẹ sịzị: “Ụkụ atụnrụn ẹbụọ sụọ mọbụ mkpikpi ntịn kẹ onyẹ e du anụ a saẹka a napụha ẹwọrọ. Ẹrịra kẹ wẹ k'a zụọpụha ndị wẹ k'a zụọpụha imẹ ndị Izrẹlụ bi Sameria, ibe bẹdi lẹ ibe oche sụọ k'a họdụnị wẹ.

Emọsụ 8:3

Osolobuẹ sị, ‘O ru ogẹn hụ, ẹkwan jẹnkọ d'a nọkin ẹnya ẹbụ imẹ Ụnọ-NSỌ. Ozun ịhịan k'e jun — fiẹnrin ebe ile! Alị k'e mẹ hịaị!’ ”

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Luku 16:19

“O nwọn ọdanfịn ohu, hụn e kẹn ekikẹn ọdanfịn, e ri kẹ eze ụhụọhịn ile.

Jemisi 5:5

Ụnụ e bigụọ elu ọdanfịn lẹ iri-ụwa elu ụwanị; ụnụ a zụngụọ akpobi ụnụ tọnị ụhụọhịn ogbugbu.