Emọsụ 5:6 - Ika

⁶ Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Emọsụ 5:6 ပူးပေါင်းရင်းမြစ်များ

Samuẹlụ Nke Ẹbụọ 19:20

Makẹni mmẹ wụ odibo i a marịnghọ n'e mẹgụọ m njọ; kanị, mmẹ wụ nwan onyẹ ibuzọ hụn gha ikpụlọ Josẹfụ bịa d'e kunrun eze nwọnni m tannị.”

Ndị-nze Nke Ibuzọ 11:28

Jerobụam, hụn ma rụn ọrụn ọhụnma-ọhụnma, rị ndị rị a rụnn'a. Mgbe Solomọnụ gi hụn kẹ okorọbịanị dọn rị a ọrụn a, ya Solomọnụ nọ tumẹ ẹ onyẹ a kị igbọn ile Solomọnụ gi a rụn ọrụn, ndị hụn rị igunrun ebọn Josẹfụ — ya wụ, imẹ igunrun ndị Ifrem lẹ ndị Manasẹ.

Ihiẹn Mẹni Nke Ẹbụọ 34:25

Makẹni a gbakitọgụọ wẹ m azụụn, a mụnị mmọn-lẹ-iyi ichẹn-ichẹn nsẹnsi, gi ihiẹn ndị hụ ile wẹ gi ẹka wẹ mẹmẹ kpasu m iwe, m k'e hu ọnụma m kpu ebeni; ọnụma m arọkọ.’

Ẹbụ-ọma 27:8

Obi m sị m, “Chọ ihun ẹ!” M rị nwan a chọ ihun i, Osolobuẹ;

Ẹbụ-ọma 69:33

Osolobuẹ e gọn ndị mkpa gi ntịn; ara nị ndị nke ẹ wẹ kwọndọn pụ a uche.

Ọpụpụ 22:6

“Omẹni ọkụn a dụnban osisi-ogun wẹ gi gbọ okẹn, gha ebẹhụ dụnban ugbo onyẹ ọzọ — dụn ọka wẹ betọ mọbụ ukun ọka turuni mọbụ ugbo hụ ile, onyẹ yi ọkụn ahụn k'a kụrịrị ụgwọ.

Azaya 1:31

Ndị wụ dikẹn k'a rị kẹ ẹfịfịa-ọkpọnkụn, ihiẹn wẹ mẹ e họnrin ihiẹn wẹ gi mụye ẹ ọkụn; ọkụn k'a dụn wẹ ẹbụbụọ, onwọnni onyẹ k'e tinyụnn'a.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 37:19

Sị wẹ, ‘Osolobuẹ nwọn ihiẹn ile sị: M jẹnkọ d'e weri ibe osisi Josẹfụ hụn rị ẹka Ifrem lẹ ebọn Izrẹlụ ya lẹ wẹ rị azụụn ohu, w'ẹ cheni ibe osisi Juda, e mẹ m wẹ họnrin ibe osisi ohu, a wụrụ wẹ ohu ẹka m.’

Emọsụ 3:14

Nị ụhụọhịn ahụn m k'e ye Izrẹlụ Ẹbamịn-ugu afụnfụn njọ ndị wẹ rị e mẹ, m jẹnkọ d'e mẹ ẹ ru ukpo mmọn rịsọnmẹ Bẹtẹlụ: wẹ k'e bepụsọnmẹ mpịn ukpo mmọn, a dantọ wẹ alị.

Emọsụ 5:14

Lịlịma nị mẹmẹ ihiẹn rị mma, ẹlẹ eje-ihiẹn kẹni ụnụ hụn ụzọ rị ndụn; kẹni Osolobuẹ, Chuku ihiẹn ile rị okpuru ẹ, hụn ụnụ sị n'ọ nọyeni ụnụ, hụn ụzọ nọyeni ụnụ nke-esi.

Emọsụ 5:4

Kanị Osolobuẹ sịzị ndị Izrẹlụ, “Chọburuhẹkwọ nị m kẹni ụnụ rị ndụn.

Emọsụ 6:6

e gidẹ afẹrẹ e lura manya, a kwọ udẹn kachanrịn mma — kanị, ara fụ wẹ nị Izrẹlụ, ụmụ Josẹfụ, rị a la iwi.

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.

Ditrọnọmi 4:24

Makẹni, Osolobuẹ wụ Chuku ụnụ wụkwọ ọkụn e bu ihiẹn e ri, Chuku ghalẹni e gi ẹnya a hụn kẹ ihiẹn ọzọ weri ọnọdị a k'ọ wụ.

Joshụa 18:5

Ụzọ ẹsa kẹ ụnụ sikọ d'e kebe ẹ; Juda sikọ d'a nọsọnmẹ hụn rugụ wẹ ẹka nkọ ẹbamịn ẹka-ekpẹn ẹnyanwụn, ndị ikpụlọ Josẹfụ a nọsọnmẹ hụn rugụ wẹ ẹka nkọ ẹbamịn-ugu.