Emọsụ 5:5 - Ika

⁵ Agbajẹnzilẹ ni Bẹtẹlụ; abanyezilẹ ni Gil'galụ; efezilẹ ni mgbọn e shi Biẹshẹba. Makẹni, wẹ k'e mẹri Gil'galụ; wẹ k'a kpụnrịrị ndị Gil'galụ shi alị ọzọ; Bẹtẹlụ awụkọzị ihiẹn ọwụlẹ.”

Emọsụ 5:5 ပူးပေါင်းရင်းမြစ်များ

Jẹnẹsisi 21:31

Ya haịn wẹ gi a kpọ ebẹhụ “Biẹshẹba”, makẹni ebahụn kẹ onyẹ-onyẹ nọ kunni ibe ẹ ihiẹn o fe.

Jẹnẹsisi 21:33

Ebraham nọ gbọ osisi Tamarisi ye Biẹshẹba, nọ ukun osisi ahụn ọ gbọma fe Osolobuẹ, Chuku Itẹbitẹ.

Jẹnẹsisi 26:23

Ọ nọ gha ebahụn pụ, shi Biẹshẹba.

Jẹnẹsisi 26:33

Ya ọ nọ kpọ ọmị ahụn “Shẹba”. Ya haịn wẹ gi a kpọ obodo ahụn “Biẹshẹba” d'e rukwọ tannị.

Ndị-nze Nke Ibuzọ 12:28

Eze a jụgụ ndị ọ jụ uche wẹ, ọ nọ gi goru kpụ ụmụ-efin ẹbụọ. Ọ sị ndị ọ rị a kị, “Jerusalẹm e tekẹzi ụnụ e jẹn. Ndị Izrẹlụ, lee ni mmọn ụnụ, hụn gha alị Ijiptu wepụha ụnụ!”

Ndị-nze Nke Ibuzọ 12:29

Ọ nọ bu ohu che alị Bẹtẹlụ, bu hụn ẹbọ che alị Danị.

Ndị-nze Nke Ẹbụọ 23:8

Josaya nọzị mẹ ndị nchụn-ẹjan Osolobuẹ ile rịsọnmẹ obodo ndị rị alị Juda bịa Jerusalẹm, mẹrụchanrịn ebe ile jẹn elu wẹ te nọ a mụyeni Osolobuẹ nsẹnsi imẹ alị Juda ile — ghakwọrị Gẹba d'e ru Biẹshẹba. O tikpọchanrịn “Ebe jẹn elu rị ọnụ-mgbọn” hụn rị ọnụ-mgbọn iwe Joshụa gọvanọ Jerusalẹm, ẹka-ekpẹn onyẹ rị ọnụ-mgbọn Jerusalẹm.

Jobu 8:22

Ifẹnrẹn k'e mẹgbu ndị-iṅẹnrẹn i, ụlọ ndị eje-ịhịan arịkọzị.”

Ẹbụ-ọma 33:10

Osolobuẹ a kpayịya iroro ndị alị ichẹn-ichẹn; o wiwi ihiẹn ndị alị ichẹn-ichẹn bu obi.

Azaya 29:20

Ndị ẹfọ jọ arịkọzị a, ndị a mụ ịhịan ẹmụ arịkọzị a; wẹ k'e gbupụ ndị ile ẹnya wẹ rị eje-ihiẹn —

Azaya 8:10

Zu ni umẹ agha ụnụ k'e zu, kanị o k'a kpayịya; tụ nị iroro ile ụnụ k'a tụ, kanị ọ bụnkọ. Makẹni, Osolobuẹ nọyeni ẹnyi anọyeni.

Jerimaya 48:13

“O k'e kpuye alị Mụabụ, o gi gi mmọn wẹ wụ Kẹmọshi dọn ẹnya, k'o dọn kpuye Izrẹlụ Ẹbamịn-ugu hụn gi mmọn wẹ kọma imẹ Bẹtẹlụ dọn ẹnya.

Hosia 10:8

Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 4:15

“Ọsụọn'a ndị Izrẹlụ Ẹbamịn-ugu rị a gbasọn mmọn, Juda emẹkwọlẹ ni njọ hụ! Esọnjẹnkwọlẹ ni wẹ Gil'galụ; esọnjẹnkwọlẹ ni wẹ eje-ofufe imẹ ‘Bẹt-Avẹni’. Esọnkwọlẹ ni wẹ kun ẹfan m hụn wẹ rị e kun okunkun nwọnlẹni isi.

Hosia 9:15

“Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Emọsụ 1:5

M k'e tikpọ ọnụ-mgbọn Damaskọsụ, gbu ndị bi alị wẹ wụ Aram: kẹ ndị bi Ọdanmgbugbu Avẹni kẹ onyẹ rị a kị obodo Bẹt-Idẹni. Wẹ k'a kpụn ndị Aram shi alị Kiri.” Osolobuẹ e kugụọ a!

Emọsụ 3:14

Nị ụhụọhịn ahụn m k'e ye Izrẹlụ Ẹbamịn-ugu afụnfụn njọ ndị wẹ rị e mẹ, m jẹnkọ d'e mẹ ẹ ru ukpo mmọn rịsọnmẹ Bẹtẹlụ: wẹ k'e bepụsọnmẹ mpịn ukpo mmọn, a dantọ wẹ alị.

Emọsụ 4:4

“A bịakwọ nị Bẹtẹlụ d'e mẹ njọ; a bịakwọ nị Gil'galụ d'e mẹwaye njọ hụ! E wẹhẹ ni ẹjan d'a chụn ụtụntụn ile! A kụkwọ nị ụzọ-ohu-imẹ-ụzọ-iri ụnụ, a kụ n'a akpọhịn ẹtọ-ẹtọ.

Emọsụ 7:10

Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.

Emọsụ 7:13

Ebuzilẹ amụma imẹ Bẹtẹlụ ebeni, kaka! Makẹni, ebeni kẹ eze nọ e fe ofufe, ebeni kẹ ụlọ ofufe alị-ezeni rịzị.”

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Ndị Kọrẹntị Ibuzọ 1:28

Osolobuẹ họrị ihiẹn mmaka lẹ ihiẹn ụwa e legberi, ọ họrị ihiẹn nwọnlẹni ihiẹn ọ wụ, kẹni o gi wẹ budan ihiẹn wụ ihiẹn.

Ndị Kọrẹntị Ibuzọ 2:6

Kanị, o nwọnghọ amamihiẹn ẹnyi e ku oku ẹ ebe ndị ka-ẹhụ imẹ okukwe rị hụn wụlẹni amamihiẹn eluni — mọbụ nke ndị-ọkịkị ogẹnni lakọnị.

Ditrọnọmi 28:41

Ị k'a mụ ikẹnnyẹ lẹ ikpoho, kanị anọkọ wẹ i ẹka, makẹni wẹ k'a kpụnrụn wẹ.

Joshụa 5:9

Osolobuẹ nọ sị Joshụa, “E nupụgụọ m ihiẹn-ifẹnrẹn alị Ijiptu imẹ igunrun ụnụ tannị.” Ya wẹ nọ nwan kpọma ebẹhụ Gil'galụ hụn wụ “Nnupụ” d'e ru tannị.

Rẹvẹleshọnụ 18:17

Ẹfe ahụn ile o fe e gigụọ ube ohu lachanrịn iwi!” Ndị-isi ụgbọ-mirin ile lẹ ndị ile e gi ụgbọ-mirin e jẹn lẹ ndị a rụn imẹ ụgbọ-mirin lẹ ndị ile e gi ụgbọ-mirin a zụ afịa nọ turu ebe teni,

Samuẹlụ Nke Ibuzọ 11:14

Ya kẹ Samuẹlụ nọ sị wẹ, “Pụha nị, nị ẹnyi shi Gil'galụ d'e biyezi ẹka eze Chuku kin Sọlụ.”

Samuẹlụ Nke Ibuzọ 7:16

Ahụa-ahụa, ọ gha Bẹtẹlụ e jẹn Gil'galụ, a gha Gil'galụ e jẹn Mizpa, a han nị Izrẹlụ eṅẹn imẹ obodo ndị hụ.

Samuẹlụ Nke Ibuzọ 8:2

Ẹfan okẹnnyẹ ibuzọ a wụ Juwẹlụ, nke ọb'ẹbụọ wụ Abija; wẹ wụ ndị a han eṅẹn imẹ Biẹshẹba.