Emọsụ 5:16 - Ika

¹⁶ Makẹ njọ ndị Izrẹlụ, Osolobuẹ, Chuku ihiẹn ile rị okpuru ẹ, sị, “Wẹ k'a rị e goo imẹ ughere ile; wẹ k'a rị a kwan ‘Ụya! Ụya!!’ ọgbara ogbe ile; Wẹ k'a kpọ ndị-ugbo d'a kwan ẹkwan, sị ndị ma kwan ụya d'e gomẹ.

Emọsụ 5:16 ပူးပေါင်းရင်းမြစ်များ

Ihiẹn Mẹni Nke Ẹbụọ 35:25

O nwọn ẹbụ onyẹ-amụma wụ Jerimaya de gi kwan Josaya hụn ikẹnnyẹ lẹ ikpoho ile a bụ ẹbụ gi a nyanhan Josaya d'e rukwọ ụhụọhịn tannị; ẹbụ ndị hụ nọ họnrin ọdịnalị imẹ Izrẹlụ; wẹ rị nwan ebe wẹ detọ Ẹbụ-ẹkwan.

Azaya 15:8

Ẹkwan wẹ e rughọdẹ ebe alị Mụabụ ru; ogigo wẹ rị e goo e rukwọrị Ẹglaim; ụya wẹ rị a kwan e rukwọrị Biẹ-Ẹlim.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Jerimaya 30:5

“Osolobuẹ sị: ‘Oro egun kẹ wẹ rị a nụ. Oro okẹn egun; obi eruni ịhịan alị.

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:16

M jẹnkọ d'e feyịya wẹ ye alị ichẹn-ichẹn hụn o mẹ ni kẹ wẹ kẹ ndị nẹdi wẹ amarịn, e gi m ọpịa-agha ndị-iṅẹnrẹn wẹ chụ wẹ d'e ru n'a gụchanrịn wẹ.’ ”

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Juwẹlụ 1:11

Ya fụma ụnụ, ndị ugbo! Ndị ugbo vaịnị, gomẹ ni! ịhịan ile kwanma nị, nị ọka-witi lẹ ọka-bali e wiwigụọ! Ihiẹn wẹ k'a ghọ imẹ ugbo e wiwigụọ!

Juwẹlụ 1:14

Sị nị ịhịan ile bu ọnụ; zu ni ọgwa rị nsọ! Kpọgbama nị ndị-isi lẹ ịhịan ile bi alị; wẹ zu Ụlọ-nsọ Osolobuẹ wụ Chuku ụnụ d'a kwanghọsị Osolobuẹ.

Juwẹlụ 1:15

Ụhụọhịn ahụn k'a jọgbu enwẹn ẹ! Ụhụọhịn Osolobuẹ ahụn a rịgụọ nsue! Okẹn ntikpọ gha ẹka Onyẹ hụ nwọn ikẹn ile bịa k'o k'e buhẹ!

Juwẹlụ 1:8

Kwanma nị lekẹ ogbori yi achọ hụn rị a kwan di-ụtụntụn a.

Emọsụ 3:13

“Di-nwọnni-ẹnyi wụ Osolobuẹ, Chuku ihiẹn ile rị okpuru ẹ, sị: Nụ nị ihiẹnni, gi ẹ gwa ikpụlọ Jekọpụ, ihiẹn m jẹnkọ d'e mẹ wẹ:

Emọsụ 5:27

e gi m ufiri ẹ dupụ ụnụ alị ụnụ, we ụnụ fetu Damaskọsụ, shi alị ọzọ.” Osolobuẹ hụn ẹfan a wụ Chuku ihiẹn ile rị okpuru ẹ e kugụọ a.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Emọsụ 8:3

Osolobuẹ sị, ‘O ru ogẹn hụ, ẹkwan jẹnkọ d'a nọkin ẹnya ẹbụ imẹ Ụnọ-NSỌ. Ozun ịhịan k'e jun — fiẹnrin ebe ile! Alị k'e mẹ hịaị!’ ”

Maịka 1:8

Ufiri ihiẹnni, m jẹnkọ d'a kwan, goo; m jẹnkọ d'e gi ọtọ lẹ ụkụ mmaka a ghahunmẹ! M k'e yisọnmẹ nọkẹ nkitẹ-ọfịa; m k'e wo nọkẹ ozuzu!

Maịka 2:4

O ru ogẹn hụ, wẹ k'a gba ị ẹbụ, sị, ‘Heuu, nke ẹnyi a gụ-o! Osolobuẹ e hutọgụọ ezigbo ọnọdị ndị nke ẹnyi! Ọ napụgụọ ẹnyi ihiẹn ẹnyi; o wegụọ alị lẹ ugbo ẹnyi keni ndị ghalẹni e fe ẹ!’

Rẹvẹleshọnụ 18:10

Egun afụnfụn ọ rị imẹ ẹ anịkọ wẹ nọkunmẹ ẹ. Wẹ k'e turu ebe teni, a sị, “Heuu! Heuu! Ledẹ obodo uku nwẹn! Obodo uku wụ Babilọnụ! Osolobuẹ e gigụọ ube ohu yechanrịn a afụnfụn a!”

Rẹvẹleshọnụ 18:19

A bụọ wẹ uzunzun ye isi, a kwan, e goo, a sị, “Heuu! Heuu! Ledẹ Obodo uku nwẹn ndị ile nwọn ụgbọ-mirin a gba imẹ ohimin gi ẹfe ẹ hi ọdanfịn! O gigụọ ube ohu, mgbahunmẹ ọkụrọkụ ohu, gba okpokoro!