Emọsụ 4:8 - Ika

⁸ Obodo ẹbụọ mọbụ ẹtọ hụ a chọjẹn mirin obodo ohu, arị w'a hụn hụn e zuni wẹ; kanị, ụnụ egin'ẹ rogharị d'e kunrun m.” Ya kẹ Osolobuẹ ku.

Emọsụ 4:8 ပူးပေါင်းရင်းမြစ်များ

Ndị-nze Nke Ibuzọ 18:5

Obadaya hụ kẹ Ehabụ kpọ nwan, sị a, “Ghagbarị alịnị — jẹnsọnmẹ isi-mirin lẹ ọdanmgbugbu ile. Ikẹnkwọ ẹnyi a hụn ẹfịfịa ẹnyi e gi dọnmẹ ẹshin lẹ anyịnyan-mulu ẹnyi ndụn, makẹ ndụn gha a gụ wẹ ru hụn ẹnyi e gi gbumẹ wẹ ri.”

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 3:7

Ihiẹnni ile o mẹ, m te roni o k'e kinhẹn d'e kunrun m, kanị, o kinhẹnni. Juda nwẹnẹ-ẹ-okpoho ẹnya rịlẹni ụzọ ohu a hụnghọ ihiẹn mẹni.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 7:10

Mpache Izrẹlụ rị ihun wẹ a shịagbu wẹ ẹri, kanị ekinhẹnkwọnị wẹ nwan buru Osolobuẹ, Chuku wẹ; egikwọnị w'a chọma ihun ẹ.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Maịka 6:14

Ụnụ jẹnkọ d'e ri ihiẹn-oriri, kanị ẹfọ ejunkọ ụnụ; ẹgụn k'a rị a ta ụnụ ẹfọ! Ụnụ k'a kpatọ, kanị ọ tọkọ; m k'e we ihiẹn ụnụ kpatọ ye agha ripụ.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Hagaị 2:17

Mmẹ zi okẹn anwụn, ndundu lẹ ẹkwan-igwere d'e tikpọ ihiẹn ile ụnụ ta afụnfụn rụn; kanị, ụnụ e gin'ẹ hutọ buruhẹ m. Ya kẹ Osolobuẹ ku.