Emọsụ 4:7 - Ika

⁷ “Mmẹ kwọndọn mirin ọrọgbọ ifọn ẹtọ nị wẹ d'a ghọma ihiẹn ugbo. M zi mirin d'e zue imẹ obodo ohu, ezikọ m'a zue imẹ hụn-ẹbọ; m zi ẹ zueye ugbo ohu, a la m hụn-ẹbọ tọ, hụn o zueyelẹni a kpọpụ nkụn.

Emọsụ 4:7 ပူးပေါင်းရင်းမြစ်များ

Ọpụpụ 10:22

Ya Mozizi nọ tịnpụ ẹka zinmẹ igwere, ishi nọ gbakpuru alị Ijiptu ile, ọrọgbọ akpọhịn ẹtọ.

Ọpụpụ 10:23

Onwọnni onyẹ sa ẹka legha ibe ẹ mọbụ gha ebe ọ rị pụ, ọrọgbọ akpọhịn ẹtọ; kanị ukpẹ hụ ebe lẹ ebe ndị Izrẹlụ bi.

Ọpụpụ 8:22

Kanị m k'e gi ẹka rị ichẹn sọn alị Goshẹni, ebẹhụ ndị nke m bi; nzinzin akpụkọ ebẹhụ, kẹni i gi ẹ marịn nị mmẹ, Osolobuẹ, rị ọrụn imẹ alịnị.

Ọpụpụ 9:26

Azụụn Goshẹni ebe ndị Izrẹlụ rị sụọ kẹ ẹkwan-igwere danlẹni.

Ọpụpụ 9:4

Kanị m k'e mẹ nị ihiẹn rị ichẹn rị ẹgbata anụ ndị Izrẹlụ lẹ nke ndị Ijiptu, nke wụnị onwọnni anụ ọwụlẹ wụ nke ndị Izrẹlụ jẹnkọ d'a nwụnnị.” ’ ”

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 14:3

Ndị-isi hụ e zi idibo wẹ d'a chọ mirin; wẹ hụ e jẹn ọmị ile d'a chọ mirin, kanị arị wẹ a hụn mirin. Wẹ hụ e bulụa okpokoro ẹgbo-mirin, amarịnzị wẹ hụn w'e mẹ, e gi wẹ ẹka kpumẹ ihun yeni ifẹnrẹn.

Jerimaya 14:4

Alị a kpọchanrịngụọ nkụn makẹni mirin ezuezini. Ndụn a gụ ndị-ugbo, e gi wẹ ẹka kpumẹ ihun yeni ifẹnrẹn.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Zẹkaraya 14:17

Alị ọwụlẹ rị elu-ụwa hụn jụ n'e jẹnkọ wẹ Jerusalẹm d'e fe Eze, Osolobuẹ ihiẹn ile rị okpuru ẹ, mirin ezuekọnị wẹ.

Jọnụ 4:35

Ẹlẹ ụnụ a sị, ‘Ọ họdụzị ifọn ẹnọ nị wẹ ghọma ihiẹn-ugbo?’ Kanị, m rị a sị ụnụ, lehunmẹ ni ẹnya nị ụnụ hụn nị ihiẹn-ugbo a kagụọlẹ w'a ghọ.

Ndị Kọrẹntị Ibuzọ 4:7

Onyẹ gwa ị n'o nwọn ihiẹn rị ichẹn ẹgbata yụ lẹ ibe i? K'i nwọn wẹ yelẹn'i? Omẹni wẹ ye y'ẹ e ye, kị ị rị e gin'ẹ a nyan isi nọkẹ sị ẹlẹ wẹ ye y'ẹ e ye?

Ditrọnọmi 11:17

Ogẹn ahụn, Osolobuẹ e gi olulu sọn ụnụ, kpọkin igwere, mẹ mirin ezuẹlẹ; alị emẹkọ ihiẹn, ụnụ a nwụnkẹnrin imẹ alị-ọma ahụn Osolobuẹ rị e ye ụnụ.

Jemisi 5:17

Ẹlaịja wụ ịhịan nọkẹ ẹnyi. Kanị, o mẹshi ekpere ikẹn makẹ mirin gha e zue, mirin nọlẹni zue ọrọgbọ ahụa ẹtọ lẹ ifọn isin!

Rẹvẹleshọnụ 11:6

Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.