Emọsụ 4:6 - Ika

⁶ “Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Emọsụ 4:6 ပူးပေါင်းရင်းမြစ်များ

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Ndị-nze Nke Ibuzọ 18:2

Ya Ẹlaịja nọ jẹn d'e kunrun Ehabụ. Ogẹn ahụn, ụnwụn hụ rị a mụnị a karịgụọ ẹka imẹ obodo Sameria.

Ndị-nze Nke Ẹbụọ 4:38

Ogẹn Ẹlaịsha gi lụakinhẹn Gil'galụ, ụnwụn rị a mụ ẹgbẹrẹ hụ. Ebe ya lẹ itu ndị amụma rị e zu, ọ nọ sị odibo ẹ, “Bu ite hi-ogbe che ọkụn n'i gbuni ndịnị awaị.”

Ndị-nze Nke Ẹbụọ 8:1

O nwọn ogẹn Ẹlaịsha gi gwa okpoho Shunẹm hụ ọ kpọtiẹn nwa a ọnwụn, “Yụ lẹ ezi-lẹ-ụlọ ị gha nị alịnị pụ; jẹn ni ebe ọwụlẹ ụnụ k'a saẹka d'e biri, makẹni Osolobuẹ e kuọl'a nị ụnwụn k'a rị alịnị ahụa ẹsa.”

Ihiẹn Mẹni Nke Ẹbụọ 28:22

Kẹ Ahazị rị imẹ nsọngbu k'ọ kadẹ Osolobuẹ a latọ.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 3:1

Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Izikẹlụ 14:21

“Mmẹ wụ Osolobuẹ Nwọn Ihiẹn Ile sị ẹrịra k'o k'a rị ogẹn m'e gi zihẹni Jerusalẹm eje-ihiẹn ẹnọnị m gi e ye afụnfụn — ọpịa-agha, ẹgụn, eje-anụ lẹ eje-emu, gi wẹ gbu ịhịan lẹ anụmanụ rị imẹ ẹ!

Izikẹlụ 16:27

Ya haịn m gi nwan setịnpụ ẹka mẹ i ihiẹn, tikpọ alị ị, belụa ihiẹn i, we i che ẹka ndị iwe i e we, ndị alị Filistia hụn eje-obibi ịgbaraja ị e mẹdẹ ifẹnrẹn.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Juwẹlụ 1:16

Ihiẹn-ugbo ẹnyi te k'e ri a lagụọnị iwi idẹnya ẹnyi? Anwịrịn lẹ ịghọghọ a kụsịgụọnị imẹ Ụlọ Chuku ẹnyi?

Lẹvitikọsụ 26:23

“Ihiẹn ndịnị ile mẹgụ bụ ụnụ ekwekwọnị gọn m ntịn, bihutọ ẹka; nị ụnụ a tọ e feni m isi hụ ụnụ rị feni m,

Lẹvitikọsụ 26:26

Ogẹn m'e gi gbukin ụzọ ụnụ gha e nwọnhẹn ihiẹn-oriri, ikpoho iri sikọ d'e gi ite ohu sụọ shi ihiẹn-oriri ụnụ ile k'e ri. Wẹ k'a ghadẹ e keye ịhịan ya ẹkẹrẹ-ẹkẹrẹ; ụnụ k'e ri, ẹfọ ejunkọ ụnụ.

Hagaị 2:17

Mmẹ zi okẹn anwụn, ndundu lẹ ẹkwan-igwere d'e tikpọ ihiẹn ile ụnụ ta afụnfụn rụn; kanị, ụnụ e gin'ẹ hutọ buruhẹ m. Ya kẹ Osolobuẹ ku.

Ditrọnọmi 28:38

Ị k'a kụnye mkpụrụ bu ọda ugbo, kanị ẹkẹrẹ k'ị k'a hụn ghọrị, makẹni igurube k'e ripụ a.

Rẹvẹleshọnụ 2:21

“E yeọlẹ m'a oghere bihutọ ẹka, kanị o kweni ghẹrẹbehi.

Rutu 1:1

Ogẹn hụ ndị ọhan-eṅẹn wụlẹni ndị-nze gi rị a kị, o nwọn ogẹn ụnwụn gi rị alị Izrẹlụ. Ya kẹ okẹnnyẹ ohu, onyẹ obodo Bẹt'lẹhẹm alị Juda nọ kwashi alị Mụabụ d'e biri, ịya lẹ nwunyẹ ẹ lẹ ụmụ a ikẹnnyẹ ẹbụọ.