Emọsụ 4:5 - Ika

⁵ E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Emọsụ 4:5 ပူးပေါင်းရင်းမြစ်များ

Ẹbụ-ọma 81:12

M nọ la wẹ tọ nị wẹ gbasọnmẹ isi-akwanran wẹ, wẹ nọ mẹsọnmẹ ihiẹn obi wẹ ye wẹ.

Azaya 1:1

Lee ihiẹn ndị Azaya nwa Emọzụ hụnsọnmẹ banyeni alị Juda lẹ obodo Jerusalẹm isi-alị Juda. Ogẹn ndị-nze wụ Uzịa, Jọtam, Ahazị lẹ Hezikaya gisọnmẹ kị Juda k'o gi hụn ihiẹn ndịnị.

Azaya 1:11

“Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Jerimaya 7:10

Ụnụ mẹgụ, ụnụ a bịazị d'e wuzo ihun m imẹ ụlọnị rị a za ẹfan m, a sị, ‘Ihiẹn emẹkọ ẹnyi!’ Ụnụ rịdẹ nwan e ro nị ezioku-ezioku ihiẹn emẹkọ ụnụ ebe ụnụ rị e mẹsọnmẹ arụ ndịnị ile ra?

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Hosia 9:1

Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Lẹvitikọsụ 23:17

Gha nị ebe-lẹ-ebe ụnụ bi wẹhẹ ogbe brẹdi ẹbụọ-ẹbụọ, oyiye w'e finfin, brẹdi wẹ gi ọka wẹ gweriẹn mẹmẹ, ọka jun mkpu kọstadị-nta ẹnọ lẹ mkpikpi wẹ buche yisti; wẹhẹn'ẹ d'e ye Osolobuẹ oyiye ihiẹn-ugbo ibuzọ.

Emọsụ 5:21

“Mmẹmmẹ ụnụ e ze m ize; iko nsọ ụnụ e zu ara sụọ m.

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Matiu 15:9

Wẹ rị e fe m mmaka; ọdịnalị ịhịan tumẹ kẹ w'a kuzi nọkẹ sị Iwu Osolobuẹ rọ.’ ”

Matiu 23:23

“Nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Ụnụ a kụ ohu-imẹ-ụzọ-iri: kẹ nke arabasị-minti kẹ dilụ kẹ kumini — a latọ ihiẹn ndị ka mkpa imẹ Iwu hụn wụ imẹ ịhịan k'o furu lẹ omikẹn lẹ okukwe. Ihiẹn ndịnị ka mkpa furu ụnụ k'a gha e mẹ, e mẹzikwọ ndị ọzọ hụ.

Matiu 6:2

“Ya wụ, ụnụ gha e ye ndị igbẹnnyẹ ihiẹn, akụlẹ ni ẹgogo kẹ ndị-ihunnaị dọn e mẹ imẹ ụlọ-ofufe lẹ ọkpụzọ, kẹni ịhịan ile ja wẹ mma. M rị a gwa ụnụ ezioku, a narịnchanrịngụọlẹ wẹ ụgwọ-ọrụn wẹ.

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,