Emọsụ 4:11 - Ika

¹¹ M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 4:11 ပူးပေါင်းရင်းမြစ်များ

Azaya 13:19

Babilọnụ, hụn wụ mma alị-eze ichẹn-ichẹn hụn ndị Kal'di nwọnn'ẹ gi a dụ ẹka obi, a wụrụ ihiẹn Chuku tikpọ k'o dọn mẹ Sodọm lẹ Gomora.

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 23:14

A hụnzị m nwan ihiẹn a gba ẹnya-mirin ẹka ndị amụma Jerusalẹm: Wẹ rị a ghẹrẹ, e gi ntụ e bi. Wẹ hụ a kwadọn ndị eje-omumẹ, hụn o gi mẹni onwọnzini onyẹ a latọ eje-ihiẹn. Wẹ ile rị nwan kẹ alị Sodọm ẹnya m; ndị Jerusalẹm rị nwan kẹ alị Gomora ẹnya m.”

Jerimaya 49:18

Mmẹ wụ Osolobuẹ sị, “Kẹ m dọn tikpọ Sodọm lẹ Gomora lẹ alị ndị nọkunmẹni wẹ, nke wụnị onwọnzini onyẹ bin'ẹ, ẹrịra kẹ m k'e tikpọ Ẹdọm ịhịan ebikọzị a.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 50:40

Okẹn ntikpọ hụn m tikpọ Sodọm lẹ Gomora lẹ alị ndị ahụn nọkunmẹni wẹ kẹ m k'e tikpọzịkwọ Babilọnụ. Onwọnni onyẹ k'e bi ebẹhụ; ịhịan a kwahakọzị ebẹhụ. Mmẹ wụ Osolobuẹ ku ẹ.

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Hagaị 2:17

Mmẹ zi okẹn anwụn, ndundu lẹ ẹkwan-igwere d'e tikpọ ihiẹn ile ụnụ ta afụnfụn rụn; kanị, ụnụ e gin'ẹ hutọ buruhẹ m. Ya kẹ Osolobuẹ ku.

Zẹkaraya 3:2

Ya kẹ Osolobuẹ nọ sị Ekwensụ, “Ịyụ wụ Ekwensụ, Osolobuẹ a jụgbọ ị! Osolobuẹ hụn gi ẹka a họrị Jerusalẹm a jụgbọ ị! Ẹlẹ nkụn wẹ gha ọkụn lọpụha kẹ okẹnnyẹni wụdẹ?”

Ndị Rom 9:29

Ẹrịra kẹ Azaya dọnzi ku ẹ mbụ, sị, “Omẹni Osolobuẹ ihiẹn ile rị okpuru ẹ ete nịnị wẹ gbuhọdụnị ẹnyi ụmụ, nkẹ ẹnyi a nọgụọ kẹ Sodọm, nkẹ ẹnyi a nọgụọ kẹ Gomora.”

Ndị Kọrẹntị Ibuzọ 3:15

kanị, ọ dụnpụ ọkụn, iwi e ti ẹ, kanị ya nwẹn k'e nwọn nzụọpụha, kanị o k'a nọhụ kẹ onyẹ wẹ lọpụha imẹ ọkụn.

Ditrọnọmi 28:24

Osolobuẹ k'e gi mirin nkẹ e zueni ụnụ họnrin uzunzun lẹ ntụn hụn k'a gha elu-igwere e hutu d'e runi ụnụ a lachanrịn iwi.

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Pita Nke Ẹbụọ 2:6

omẹni ọ maghọ alị Sodọm lẹ alị Gomora ikpe, dụn wẹ ọkụn, e họnrin wẹ ntụn, o gi wẹ ghọsị ihiẹn jẹnkọ d'e mẹ ndị jụ oku Osolobuẹ;

Judu 1:23

a zụọpụha nị ndị ọzọ ghahanị ịdọkpụnpụha wẹ imẹ ọkụn. Nke ndị ọzọ, a manị piripiri e mẹni wẹ omikẹn, e zedẹ ni ize ẹwuru wẹ ẹhụ wẹ mẹrụgụ.

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 9:20

Ndị họdụ elu ụwa ihiẹn ndịnị gbulẹni ebihutọkwọnị mẹbehi eje-ihiẹn wẹ rị e mẹ — efebehini wẹ eje-mmọn lẹ mmọn goru lẹ siliva lẹ igwe-bronzu lẹ mmọn wẹ gi ọmụma lẹ osisi pịn ghalẹni e legha ụzọ mọbụ a nụ ihiẹn mọbụ e jẹn ijẹn,