Emọsụ 4:1 - Ika

¹ Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Emọsụ 4:1 ပူးပေါင်းရင်းမြစ်များ

Ndị-nze Nke Ibuzọ 16:24

ọ nọ nwan gi akpụrụ siliva nnụ-uku isin wụ talẹnti ẹbụọ, ṅọnnarịn Shẹma ugu Sameria, pumẹ obodo elu ugu hụ, gi ẹfan Shẹma ahụn te nwọn ugu hụ kpọ a “Sameria”.

Jobu 20:19

Makẹni ọ bịangbuọlẹ ndị igbẹnnyẹ, gbachanrịn wẹ ẹka; o werigụọ ụlọ ndị ọ tụnlẹni.

Jobu 24:4

W'e nu ndị elu rị a fụ e ye nkọ, e mẹ ndị igbẹnnyẹ rị alị a warị.

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 140:12

A marịnghọ m nị Osolobuẹ k'a hannị ndị wẹ rị e mẹgbu eṅẹn; ọ hụn a nị ndị mkpa gi e nwọnhẹn ihiẹn runi wẹ.

Ẹbụ-ọma 22:12

Ndị-iṅẹnrẹn e fihunmẹgụọ m kẹ okẹn-efin, okẹn-efin alị Bashanị zeni e fihunmẹgụọ m.

Itẹn 22:7

Ọdanfịn a kị ogbẹnnyẹ, onyẹ zinnarịnnị wụ odibo onyẹ zinyen'ẹ.

Ẹkịliziastisi 4:1

M nọ lezi ẹnya, hụn ọbịangbu ile w'a bịangbu ịhịan elu-ụwa: A hụn m ẹnya-mirin ndị wẹ rị a bịangbu — nị enwọn wẹ onyẹ eyemẹka; ọkịkị rị ẹka ndị rị a bịangbuni wẹ — onwọnni nwan onyẹ egun nị kuyeni wẹ.

Ẹkịliziastisi 5:8

Ị hụn alị wẹ nọ a bịangbu ogbẹnnyẹ, e mẹgbu ịhịan, a napụ wẹ ihiẹn runi wẹ, ya atụlẹ i ẹnya; makẹni onyẹ ọrụn rị e mẹn'ẹ rị e lee onyẹ-isi ẹ; onyẹ-isi rịzịkwọ e lee onyẹ hụn ka ya nwẹn.

Azaya 28:1

Nsọngbu rị e che obodo hụ wụ Sameria, ihiẹn-mma ahụn ndị manya rị a kị Ifrem gi a họnrọn — obobo hụ fapụkọnị, hụn wụ okẹn-mma alị Ifrem — isi-alị a ahụn rị isi ọdanmgbugbu hụn alị a rịgbu enwẹn ẹ mma; nsọngbu rị e che obodo ahụn — hụn wụ ọghọ ndịnị manya budangụ.

Azaya 5:8

Nsọngbu rị e che ụnụ ndị rị e nwọnrin ụlọ e cheni ụlọ, e nwọnrin ọfịa e cheni ọfịa d'e ru n'o nwọnzini ebe họdụnị ndị ọzọ, ụnụ sụọ e biri nwan alị nwẹn.

Azaya 56:12

Onyẹ-onyẹ hụ a sị, “Bịa nị, nị ẹnyi ra manya! Nị ẹnyi gi manya e nwunye ẹnya rajungụdẹ ẹfọ! N'o nwọnni ihiẹn k'e mẹni — ekile k'a nọzị kẹ tannị, mọbụ kadẹ tannị mma!”

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Jerimaya 50:11

“Makẹni, elu hụ a sụọ ụnụ ụsụọ, ụnụ hụ a ghọghọ ụnụ hụn rị a kwanarịn ndị nke m ihiẹn wẹ. Makẹni ụnụ hụ a tụhunmẹ kẹ nwa-efin rị a zọkpọ ọka, e yi oro a zụnhunmẹ kẹ okẹn-ẹshin ndị kin akwanran.

Jerimaya 50:27

Gbuchanrịn nị okoro efin wẹ; kpụnrụn nị wẹ d'e gbu! Nsọngbu k'a rịnị wẹ makẹni ogẹn wẹ e rugụọ — o ruọlẹ ogẹn w'e gi narịn afụnfụn ihiẹn wẹ mẹ.

Jerimaya 51:34

“Ndị Jerusalẹm sị, ‘Eze Babilọnụ e bugụọ ẹnyi ri; o bugụọ isusu tọnị ẹnyi, bu ẹnyi tọ nọkẹ okpokoro mkpu; o luepụgụọ ẹnyi lekẹ eje-anụ ohimin, o rigụọ ihiẹn ile wẹ a chọ rị ẹnyi ẹhụ rijun ẹfọ; ọ jụpụgụọ ẹnyi.’

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Jerimaya 7:6

ụnụ a bịangbubehi abịamabịa bi alị ụnụ lẹ ụmụ nwọnlẹni nẹdi lẹ ikpoho di nwụnnahịn, gbubehi ndị nwọnlẹni ihiẹn wẹ mẹ ụnụ alịnị, sọnbehi mmọn-lẹ-iyi ndị ahụn ụnụ rị e sọn rị a na ụnụ isi,

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Izikẹlụ 22:29

“Ndị alị hụ a bịangbu ịhịan ọbịangbu-ọbịangbu, a narịn ịhịan ihiẹn ẹ; wẹ hụ e mẹgbu ndị igbẹnnyẹ lẹ ndị elu rị a fụ, a bịangbu abịamabịa, a narịn wẹ ihiẹn runi wẹ.

Izikẹlụ 22:7

Nẹdi lẹ nnẹ hụ a na mkpari imẹ i; wẹ hụ e mẹgbu abịamabịa imẹ i, e mẹja ndị nwọnlẹni nẹdi lẹ ikpoho di wẹ nwụn.

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Izikẹlụ 39:18

ụnụ e ri anụ ndị odogun-agha Gọgụ, ra ẹdeke ndị-isi alị a — wẹ ile du kẹ ebulu lẹ mmụ-atụnrụn lẹ ewu lẹ okẹn-efin, ezigbo anụ ẹgbẹrẹ Bashanị;

Juwẹlụ 3:3

a tụgụọ wẹ mkpọ keri ndị nke m, gi ụmụẹka ikẹnnyẹ wẹ kụ ụgwọ ịgbaraja, gi ịgbagba wẹ ṅọnrin manya ra.

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Emọsụ 3:3

Nị madụ ẹbụọ sa ẹka jẹngbama ijẹn bụ ekutọnị wẹ ebe wẹ jẹnkọ?

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Emọsụ 6:1

Nsọngbu rị Ugu Zayọnụ ẹhụ fu lẹ ndị rị Ugu Sameria obi ru alị; ndị wẹ marịn-amarịn imẹ Izrẹlụ alị nwẹn ka alị, ndị hụn Izrẹlụ ile e buruhẹ!

Emọsụ 6:6

e gidẹ afẹrẹ e lura manya, a kwọ udẹn kachanrịn mma — kanị, ara fụ wẹ nị Izrẹlụ, ụmụ Josẹfụ, rị a la iwi.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ọgụngụn 21:33

O mẹgụ, ndị Izrẹlụ nọ hutọ, ghashi ụzọ Bashanị. Ọgụ hụn wụ eze Bashanị, lẹ ndị-agha a ile nọ pụha d'a lụsọn wẹ ọgụn imẹ obodo Ẹdrẹi.

Ditrọnọmi 24:14

Emẹgbukwọlẹ ogbẹnnyẹ elu n'a fụ, hụn i we ọrụn, kẹ onyẹ Izrẹlụ ibe i rọ kẹ abịamabịa bi imẹ obodo ụnụ ọwụlẹ.

Ditrọnọmi 28:33

Ndị ị marịnlẹni k'e ri ihiẹn gha alị ị pụha, ihiẹn ẹka ị rụnpụha. Onwọnni ihiẹn ị k'a hụn karị eje-mmẹkp'ẹhụ y'e we nwụn.