Emọsụ 3:10 - Ika

¹⁰ Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Emọsụ 3:10 ပူးပေါင်းရင်းမြစ်များ

Zẹfanaya 1:9

Osolobuẹ sị, “O ru ogẹn ahụn, m k'e mẹshi wẹ ikẹn ndị ile e ṅọnghafe ụzọ kẹ ndị a rụa mmọn, lẹ ndị a tụnarịn, a zụọnarịn ndị ọzọ ihiẹn wẹ, e kpọnjun ụlọ onyẹ wẹ rị e fe.”

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Ẹbụ-ọma 14:4

Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

Pita Nke Ẹbụọ 3:5

A kpachanpụgụọ wẹ ẹnya zọ nị oku-ọnụ Osolobuẹ k'o gi ke igwere hụ rị mbụ-mbụ; nị oku-ọnụ k'o gizi gha mirin mẹmẹ akpakalị, gha imẹ mirin wepụha a;

Emọsụ 6:12

Nị ẹshin saẹka gba ọsọ elu ọmụma? Nị ịhịan gi efin dụkpọ alị-ọmụma? Kanị ụnụ e bugụọ ezioku isi kpọma alị imẹ ọgwa, gi e họnrin nshi, gi ezi-omumẹ lẹ ihiẹn ile furuni họnrin eje-ihiẹn e lugbu enwẹn ẹ ilu;

Emọsụ 5:7

Ụnụ! Ụnụ ndị rị e mẹ ezigbo eṅẹn e lugbu enwẹn ẹ ilu, a tụ ezi-omumẹ e ye alị!

Jerimaya 5:4

M te sị, “Ndịnị rị ebeni wụhụ ndị mmaka; onwọnni hụn wẹ marịn, makẹni amarịn wẹ kẹ Osolobuẹ e mẹ, amarịn wẹ ihiẹn Chuku wẹ chọ.

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Izikẹlụ 18:7

omẹni ara mẹgbu ịhịan, kanị o wekinni ịhịan ihiẹn wẹ gi gbama ibe ẹka a; omẹni ara zun ohin, kanị o ye ndị ẹgụn rị a gụn ihiẹn-oriri, e ye ndị gba-ọtọ ẹkwa;

Izikẹlụ 22:29

“Ndị alị hụ a bịangbu ịhịan ọbịangbu-ọbịangbu, a narịn ịhịan ihiẹn ẹ; wẹ hụ e mẹgbu ndị igbẹnnyẹ lẹ ndị elu rị a fụ, a bịangbu abịamabịa, a narịn wẹ ihiẹn runi wẹ.

Emọsụ 6:3

Euu! Ndị rị a sị nị nsọngbu eke bịakọ, a kwadọn ọkịkị-nkịgbu!

Emọsụ 6:8

Osolobuẹ, Onyẹ ahụn nwọn ihiẹn ile e kungụọ enwẹn ẹ, sị, “Mmẹ wụ Osolobuẹ, Chuku ihiẹn ile rị okpuru ẹ, sị, ‘Mpache ụmụ Jekọpụ e ze m ize! Ebe mgbaban ile wẹ tụn wẹ gi e dọn ẹnya e zezi m ize! M k'e we obodoni wụ Sameria lẹ ihiẹn ile rị n'a ye ndị k'e tikpọn'a.’ ”

Maịka 6:10

Echẹn kẹ ihiẹn ndị-njọ gi njọ kpajun iwe wẹ rịkwọ a, ịya lẹ eje mkpu ụnụ gi a zụ afịa?

Jobu 20:21

Onwọnni ihiẹn o rihọdụ; akụ-lẹ-ụba a atọkọ.

Itẹn 1:13

Ẹnyi jẹnkọ d'a hụn ihiẹn ile w'a chọ achọ kpọnrin, kpọn ihiẹn ẹnyi zu jun iwe ẹnyi;

Itẹn 11:16

Okpoho ẹfọma e nwọnhẹn mgbaye, kanị ọdanfịn sụọ kẹ ikẹnnyẹ ẹka-ikẹn e hi.

Itẹn 28:5

Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma.

Ẹkịliziastisi 4:1

M nọ lezi ẹnya, hụn ọbịangbu ile w'a bịangbu ịhịan elu-ụwa: A hụn m ẹnya-mirin ndị wẹ rị a bịangbu — nị enwọn wẹ onyẹ eyemẹka; ọkịkị rị ẹka ndị rị a bịangbuni wẹ — onwọnni nwan onyẹ egun nị kuyeni wẹ.

Hosia 7:1

“Hụn m gihụ chọ nị m zụọ Izrẹlụ, njọ Ifrem a kpọzị m ihun, ya lẹ eje-ihiẹn rị imẹ Sameria isi-alị wẹ; ntụ-ntụ kẹ w'a tụ; ụfọdụ hụ e gbukpọ ụlọ, e zun, ụfọdụ hụ ụzọ e zun.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”